وزیراعلیٰ پنجاب مریم نواز کلائمٹ چینج واریئر قرار
اشاعت کی تاریخ: 12th, November 2025 GMT
ورلڈ بینک کی ماحولیاتی تبدیلی گروپ کی گلوبل ڈائریکٹر ویلیری ہیکی نے وزیر اعلیٰ پنجاب مریم نواز شریف کو کلائمٹ چینج واریئر اورکلائمٹ لیڈر قرار دیتے ہوئے کہا ہے کہ مریم نواز شریف جنوبی ایشیا سے کلائمٹ چینج واریئر بن کر ابھری ہیں۔ انہوں نے کہا کہ پنجاب حکومت کے ماحولیاتی بہتری کے منصوبے عالمی سطح پر شناخت اور عزم کی علامت بن چکے ہیں۔
یہ بھی پڑھیں: کاپ 30: وزیراعلیٰ پنجاب مریم نواز کا جاسنڈا آرڈن کے ہمراہ پاکستان پویلین کا افتتاح
بدھ کے روز ورلڈ بینک کی گلوبل ڈائریکٹر ویلیری ہیکی نے وزیر اعلیٰ پنجاب مریم نواز شریف سے ملاقات کی، ملاقات میں ماحولیاتی بہتری سے متعلق امور پر تفصیلی تبادلہ خیال کیا گیا۔ ویلیری ہیکی نے پنجاب حکومت کو عالمی ماحولیاتی مارکیٹ میں شمولیت کی دعوت دیتے ہوئے ورلڈ بینک کی جانب سے بھرپور تعاون کی یقین دہانی کرائی۔
ورلڈ بینک پنجاب حکومت سے تعاون کے لیے تیارویلیری ہیکی نے گفتگو کے دوران کہا کہ ورلڈ بینک پنجاب حکومت کے ساتھ ستھرا پنجاب، اے کیو آئی، ٹرانسپورٹ، جنگلات اور جنگلی حیات کے منصوبوں میں تعاون کے لیے تیار ہے۔ انہوں نے کہا کہ ایک خاتون وزیر اعلیٰ کے طور پر مریم نواز شریف ماحولیاتی شعبے میں عزم، ہمت اور تخلیق کی مثال بنی ہیں۔
’ماحول کی بہتری خیرات نہیں بلکہ انصاف ہے‘ویلیری ہیکی نے وزیر اعلیٰ کی تقریر کے نکات کو بھی سراہا اور ان کے 3 جملے دہراتے ہوئے کہا کہ آپ کا یہ کہنا بالکل درست ہے کہ کاپ 30 کو محض اظہارِ خیال کی مجلس کے بجائے پختہ عزم و ارادے کے عہد کے طور پر یاد رکھا جانا چاہیے۔ گلوبل ساؤتھ احتجاج نہیں بلکہ بامقصد آواز بن کر سامنے آیا ہے، اور ماحول کی بہتری خیرات نہیں بلکہ انصاف ہے۔
یہ بھی پڑھیں: ایکو ٹورازم منصوبے فطری مقامات کو جدید سیاحتی مراکز میں بدل رہے ہیں، مریم نواز
انہوں نے کہا کہ پنجاب حکومت کا کسی کا انتظار کیے بغیر ماحول کی بہتری کے ایجنڈے پر کام شروع کرنا لائق تحسین ہے۔
’پوری دنیا میں ماحولیاتی بہتری کی ایک قابلِ تقلید مثال بنانا چاہتی ہیں‘وزیر اعلیٰ پنجاب مریم نواز شریف نے ویلیری ہیکی کے جذبات اور تحسین پر شکریہ ادا کرتے ہوئے کہا کہ وہ پنجاب کو خطے ہی نہیں بلکہ پوری دنیا میں ماحولیاتی بہتری کی ایک قابلِ تقلید مثال بنانا چاہتی ہیں۔
ملاقات کے دوران سینئر صوبائی وزیر مریم اورنگزیب، صوبائی وزرا رانا سکندر اور ذیشان رفیق، چیف سیکریٹری زاہد اختر زمان، چیئرمین پی اینڈ ڈی نعیم رؤف اور ڈی جی ای پی اے عمران حامد بھی موجود تھے۔
یہ بھی پڑھیں: گرین اسکواڈ ماحولیاتی قوانین کی خلاف ورزی پر نظر رکھے گا، مریم نواز
ویلیری ہیکی نے وزیراعلیٰ مریم نواز شریف کی جانب سے پنجاب کے دورے کی دعوت قبول کرلی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news برازیل کلائمیٹ چینج مریم نواز واریئر وزیراعلٰی پنجاب.
ذریعہ
ذریعہ: WE News
کلیدی لفظ: برازیل کلائمیٹ چینج مریم نواز واریئر ماحولیاتی بہتری پنجاب مریم نواز مریم نواز شریف پنجاب حکومت نہیں بلکہ ورلڈ بینک وزیر اعلی کہا کہ
پڑھیں:
پنجاب حکومت کا سرکاری ملازمین اور پنشنرز کو جولائی کی ادائیگیاں قبل از وقت کرنے کا فیصلہ
پنجاب حکومت (Punjab Government)نے یکم اور 2 اگست کو ہفتہ اور اتوار کی سرکاری تعطیلات کے پیش نظر صوبے کے سرکاری ملازمین اور پنشنرز کو جولائی کی تنخواہیں، الاؤنسز اور پنشن مقررہ تاریخ سے قبل ادا کرنے کا فیصلہ کر لیا ہے۔
محکمہ خزانہ پنجاب کے مطابق تمام سرکاری ملازمین کو جولائی کی تنخواہیں اور واجب الاؤنسز 31 جولائی کو ادا کیے جائیں گے، جبکہ صوبے کے تمام پنشنرز کو بھی اسی روز جولائی کی پنشن جاری کر دی جائے گی۔
محکمہ خزانہ نے بتایا کہ اس سلسلے میں گورنر پنجاب (Governor of Punjab) نے 31 جولائی کو تنخواہوں، الاؤنسز اور پنشن کی قبل از وقت ادائیگی کی منظوری دے دی ہے تاکہ تعطیلات کے باعث ادائیگی میں کسی قسم کی تاخیر نہ ہو۔
مزیدپڑھیں:دفتری نظم و ضبط کی پابندی کی ہدایت ،نیاسرکلرجاری
فیصلے پر عملدرآمد کے لیے محکمہ خزانہ نے اکاؤنٹنٹ جنرل پنجاب (Accountant General Punjab)، تمام ضلعی ٹریژری دفاتر اور ڈسٹرکٹ اکاؤنٹس افسران کو باضابطہ ہدایات جاری کر دی ہیں۔ اس کے ساتھ متعلقہ بینکوں کو بھی ہدایت کی گئی ہے کہ وہ 31 جولائی کو سرکاری ملازمین کی تنخواہوں اور پنشنرز کی پنشن کی بروقت ادائیگی کے لیے تمام ضروری انتظامات مکمل کریں۔
حکام کے مطابق یکم اور 2 اگست کو ہفتہ اور اتوار کی تعطیلات کے باعث یہ فیصلہ کیا گیا ہے تاکہ سرکاری ملازمین اور پنشنرز کو بروقت ادائیگی یقینی بنائی جا سکے اور انہیں مالی معاملات میں کسی قسم کی دشواری کا سامنا نہ کرنا پڑے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی