قطب شمالی کی برف پگھلنے سے چین نے تجارتی راستہ بنا ڈالا، نئی تاریخ رقم
اشاعت کی تاریخ: 6th, October 2025 GMT
data-id="863a0a8" data-element_type="widget" data-widget_type="theme-post-content.default">
قطب شمالی کی پگھلتی برف جہاں دنیا کے لیے ماحولیاتی خطرات بڑھا رہی ہے، وہیں چین نے اسی تبدیلی کو اپنے حق میں استعمال کرتے ہوئے عالمی تجارت میں ایک نیا انقلاب برپا کر دیا ہے۔
خبر رساں اداروں کے مطابق بیجنگ نے ’’قطبی شاہراہِ ریشم‘‘ (Polar Silk Road) کے نام سے ایک نیا بحری راستہ فعال کر دیا ہے، جس کے ذریعے اب چینی سامان یورپ تک پہلے سے کہیں تیز رفتاری سے پہنچ سکے گا۔
یہ منصوبہ گزشتہ کئی برسوں سے چین کی ’’بیلٹ اینڈ روڈ انیشیٹو‘‘ کا حصہ تھا، مگر 25 ستمبر کو یہ خواب حقیقت میں بدل گیا، جب ننگبو بندرگاہ سے ’’استنبول برج‘‘ نامی بحری جہاز یورپ کے لیے روانہ ہوا۔
یہ جہاز ’’نارتھرن سی روٹ‘‘ سے گزرتے ہوئے 12 اکتوبر کو برطانوی بندرگاہ فیلکس اسٹو پہنچے گا۔ اس طرح چین نے پہلی بار عملی طور پر قطبی بحری راستے کے ذریعے اپنا تجارتی سامان یورپ بھجوانا ممکن بنا دیا ہے۔
چین کے لیے اس نئے راستے کا سب سے بڑا فائدہ وقت اور لاگت کی بچت ہے۔ ماضی میں چینی جہازوں کو نہرِ سوئز کے ذریعے یورپ پہنچنے میں تقریباً 40 دن لگتے تھے، جب کہ ’’قطبی شاہراہِ ریشم‘‘ کے ذریعے یہی سفر صرف 18 سے 20 دن میں مکمل ہو جائے گا۔ یہ فرق عالمی تجارت کے لیے ایک بڑی پیشرفت ہے، جو لاگت میں نمایاں کمی اور ترسیل کی رفتار میں دوگنا اضافہ کرے گا۔
ماہرین کا کہنا ہے کہ اس راستے کا ایک اہم چیلنج بھی ہے کہ سردیوں کے دوران قطب شمالی میں برف دوبارہ جم جانے کے باعث یہ روٹ سال بھر کھلا نہیں رہ سکتا۔ اس کے باوجود ماہرین کے مطابق موسمی تبدیلیوں کے تسلسل سے مستقبل میں یہ راستہ مستقل طور پر قابلِ استعمال ہو سکتا ہے۔
چینی میڈیا کے مطابق ’’قطبی شاہراہِ ریشم‘‘ نہ صرف چین اور یورپ کے درمیان تجارتی وقت کم کرے گی بلکہ روس، اسکینڈے نیویا اور شمالی بحرِ اوقیانوس کے ممالک کے لیے بھی نئی اقتصادی راہیں کھول دے گی۔
بین الاقوامی ماہرین کا کہنا ہے کہ اگر یہ روٹ مستحکم ہو گیا تو عالمی تجارت کا توازن بدل جائے گا اور نہرِ سوئز پر انحصار کم ہو جائے گا، جس کا اثر مشرقِ وسطیٰ کی معیشت پر بھی پڑ سکتا ہے۔
.
ذریعہ
ذریعہ: Jasarat News
پڑھیں:
عالمی منڈی میں خام تیل کی قیمت 100 ڈالر فی بیرل سے بھی تجاوز کر گئی
امریکا ایران جنگ، آبنائے ہرمز کی بندش، مشرقِ وسطیٰ میں بڑھتی ہوئی فوجی کشیدگی اور بحیرہ احمر میں تجارتی جہازوں پر حملوں کے بعد عالمی منڈی میں خام تیل کی قیمت نے سابقہ ریکارڈ توڑ دیا۔
عالمی خبر رساں ادارے کے مطابق یہ مئی کے بعد پہلی مرتبہ ہے کہ برینٹ خام تیل کی قیمت 100 ڈالر فی بیرل کی نفسیاتی حد بھی عبور کر کی گئی جس سے عالمی معیشت، مہنگائی اور توانائی کی فراہمی کے حوالے سے نئے خدشات جنم لے رہے ہیں۔
عالمی معیار کے خام تیل برینٹ کروڈ کی قیمت میں جمعرات کو چھ فیصد سے زیادہ اضافہ ریکارڈ کیا گیا جس کے بعد یہ 100 ڈالر فی بیرل سے اوپر چلی گئی کیوں کہ سرمایہ کاروں نے اس خدشے سے خریداری بڑھا دی کہ اگر خطے میں جنگ مزید پھیلی تو عالمی تیل کی سپلائی شدید متاثر ہو سکتی ہے۔
قیمتوں میں اس غیرمعمولی اضافے کی بڑی وجہ یمن کے ایران نواز حوثی گروپ کی جانب سے بحیرہ احمر میں تجارتی جہاز رانی پر حملے ہیں۔ حوثیوں نے حالیہ دنوں میں سعودی آئل ٹینکروں اور دیگر تجارتی جہازوں کو نشانہ بنایا۔
بحیرہ احمر اور باب المندب عالمی تجارت کے اہم ترین بحری راستوں میں شمار ہوتے ہیں جہاں سے یورپ، ایشیا اور مشرقِ وسطیٰ کے درمیان بڑی مقدار میں تیل اور تجارتی سامان کی ترسیل ہوتی ہے۔
امریکی صدر ڈونلڈ ٹرمپ نے حملوں کے بعد سخت ردعمل دیتے ہوئے کہا کہ امریکا حوثیوں کے ساتھ ساتھ ایران کو بھی ان حملوں کا ذمہ دار سمجھتا ہے کیونکہ ان کے بقول حوثی تہران کے حمایت یافتہ گروہ ہیں۔
صدر ٹرمپ نے اپنے بیان میں خبردار کیا ہے کہ اگر بحیرہ احمر میں جہاز رانی پر حملے جاری رہے تو امریکا جواب میں حوثیوں اور ایران دونوں کے خلاف بڑی فوجی سزا دینے سے گریز نہیں کرے گا۔
توانائی کے ماہرین کا کہنا ہے کہ اگر خام تیل کی قیمتیں 100 ڈالر سے اوپر برقرار رہتی ہیں تو دنیا بھر میں ایندھن، بجلی اور ٹرانسپورٹ کے اخراجات میں نمایاں اضافہ ہو سکتا ہے جس سے مہنگائی کی نئی لہر پیدا ہونے کا خدشہ ہے۔
اگر کشیدگی بحیرہ احمر سے بڑھ کر آبنائے ہرمز تک پھیل گئی جہاں سے دنیا کی تقریباً پانچواں حصہ خام تیل کی ترسیل ہوتی ہے تو عالمی منڈی میں تیل کی قیمتیں مزید بلند ہو سکتی ہیں۔
بھارت سے جنگ اور افغانستان میں کارروائی خارج ازامکان نہیں، وزیردفاع