ڈی جی آئی ایس آئی لیفٹیننٹ جنرل عاصم ملک کی مدت ملازمت میں توسیع کا فیصلہ
اشاعت کی تاریخ: 6th, October 2025 GMT
پاکستان کے خفیہ ادارے (آئی ایس آئی) کے سربراہ لیفٹیننٹ جنرل عاصم ملک کی مدت ملازمت میں توسیع کا فیصلہ کرلیا گیا۔
سیکیورٹی ذرائع کے مطابق لیفٹیننٹ جنرل عاصم ملک اپنی ذمہ داریاں بدستور انجام دیتے رہیں گے۔ وہ قومی سلامتی کے مشیر کے طور پر بھی خدمات سرانجام دے رہے ہیں۔
یہ بھی پڑھیں: نئے ڈی جی آئی ایس آئی لیفٹیننٹ جنرل عاصم ملک کون ہیں؟
لیفٹیننٹ جنرل عاصم ملک کو ستمبر 2024 میں ایک سال کے لیے ڈائریکٹر جنرل انٹر سروسز انٹیلی جنس (آئی ایس آئی) تعینات کیا گیا تھا۔ انہوں نے لیفٹیننٹ جنرل ندیم انجم کی جگہ یہ منصب سنبھالا تھا۔
لیفٹیننٹ جنرل عاصم ملک لندن کے رائل کالج آف ڈیفنس اسٹڈیز اور امریکا کے فورٹ لیون ورتھ کے گریجویٹ ہیں۔
وہ جنرل ہیڈکوارٹر (جی ایچ کیو) میں ایڈجوٹنٹ جنرل کے عہدے پر بھی فائز رہ چکے ہیں۔ اس کے علاوہ انہوں نے بلوچستان میں 41 ویں انفنٹری ڈویژن اور وزیرستان میں ایک انفنٹری بریگیڈ کی کمانڈ بھی کی۔ انہیں پاکستان ملٹری اکیڈمی سے اعزاز سے بھی نوازا جا چکا ہے، جبکہ وہ 80ویں لانگ کورس سے تعلق رکھتے ہیں۔
لیفٹیننٹ جنرل عاصم ملک پاکستان کی ممتاز نیشنل ڈیفنس یونیورسٹی (این ڈی یو) اور کمانڈ اینڈ اسٹاف کالج کوئٹہ میں انسٹرکٹر کے طور پر بھی خدمات انجام دے چکے ہیں۔
یہ بھی پڑھیں: نگراں وزیراعظم نے ڈی جی آئی ایس آئی کی مدت ملازمت میں توسیع کی وجہ بتادی
جون 2025 میں وہ فیلڈ مارشل عاصم منیر کے ہمراہ سرکاری دورے پر امریکا گئے تھے، جہاں امریکی صدر ڈونلڈ ٹرمپ نے فیلڈ مارشل عاصم منیر سے خصوصی ملاقات کی۔ یہ ملاقات پاکستان اور امریکا کے تعلقات میں ایک اہم موڑ قرار دی گئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews توسیع کا فیصلہ ڈی جی آئی ایس آئی لیفٹیننٹ جنرل عاصم ملک مدت ملازمت وی نیوز.
ذریعہ
ذریعہ: WE News
کلیدی لفظ: توسیع کا فیصلہ ڈی جی ا ئی ایس ا ئی لیفٹیننٹ جنرل عاصم ملک مدت ملازمت وی نیوز لیفٹیننٹ جنرل عاصم ملک ڈی جی ا ئی ایس ا ئی مدت ملازمت
پڑھیں:
وزیراعظم کا لیفٹیننٹ جنرل عامر رضا کو فور سٹار جنرل کے عہدے پر ترقی دینے، کمانڈر نیشنل سٹرٹیجک کمانڈ مقرر کرنے کا اعلان
اسلام آباد (اُردو پوائنٹ اخبارتازہ ترین - اے پی پی۔ 24 جولائی2026ء) وزیراعظم محمد شہباز شریف نے پاکستان آرمی کے چیف آف جنرل سٹاف لیفٹیننٹ جنرل عامر رضا، ہلالِ امتیاز (ملٹری)، ستارۂ بسالت کو فور سٹار جنرل کے عہدے پر ترقی دینے اور انہیں کمانڈر نیشنل سٹرٹیجک کمانڈ مقرر کرنے کا اعلان کیا ہے۔(جاری ہے)
جمعہ کو وزیر اعظم آفس کے میڈیا ونگ کی طرف سے جاری بیان کے مطابق وزیراعظم نے جنرل عامر رضا، ہلالِ امتیاز (ملٹری)، ستارۂ بسالت کو ترقی اور تعیناتی پر مبارکباد دی اور اس اہم ذمہ داری کی انجام دہی میں ان کےلئے نیک خواہشات کا اظہار کیا۔\932
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم