وینزویلا میں امریکی سفارتخانے پر حملے کی سازش ناکام بنادی گئی، حکومتی دعویٰ
اشاعت کی تاریخ: 8th, October 2025 GMT
data-id="863a0a8" data-element_type="widget" data-widget_type="theme-post-content.default">
وینزویلا کے صدر نکولس مادورو نے انکشاف کیا ہے کہ ملکی سیکورٹی اداروں نے امریکی سفارت خانے پر بم دھماکے کی ایک بڑی سازش ناکام بنادی۔
بین الاقوامی خبر رساں اداروں کے مطابق انہوں نے بتایا کہ منصوبہ اس طرح بنایا گیا تھا کہ سفارت خانے پر حملہ کرکے الزام حکومت پر لگایا جائے تاکہ امریکا کے ساتھ تعلقات کو مزید خراب کیا جا سکے۔
صدر مادورو کا کہنا تھا کہ حکومت کو ایک ملکی اور ایک بین الاقوامی ذریعے سے اطلاع ملی تھی کہ مقامی دائیں بازو کے انتہا پسند عناصر امریکی سفارت خانے میں بم نصب کرنے کی تیاری کر رہے ہیں۔
صدر نے بتایا کہ جیسے ہی یہ اطلاعات موصول ہوئیں، فورسز نے فوری کارروائی کرتے ہوئے سفارت خانے کے اطراف سیکورٹی سخت کردی اور منصوبہ ناکام بنا دیا۔ انہوں نے واضح کیا کہ اس سازش کے پیچھے موجود افراد کے نام جلد منظر عام پر لائے جائیں گے۔
واضح رہے کہ 2019ء میں امریکا اور وینزویلا کے درمیان سفارتی تعلقات منقطع ہونے کے بعد امریکی سفارت خانہ بند ہے اور وہاں صرف محدود حفاظتی عملہ موجود ہے۔ اس کے باوجود واشنگٹن اور کاراکاس کے درمیان کشیدگی مسلسل بڑھ رہی ہے۔
امریکی صدر ڈونلڈ ٹرمپ نے حالیہ دنوں اپنے خصوصی ایلچی رچرڈ گرینل کو ہدایت دی ہے کہ وینزویلا سے تمام مذاکرات ختم کردیے جائیں، جب کہ امریکی بحری جہاز اور ایف-35 لڑاکا طیارے وینزویلا کے قریب تعینات ہیں۔ واشنگٹن نے وینزویلا پر منشیات اسمگلنگ کے الزامات عائد کرتے ہوئے صدر مادورو کے سر کی قیمت 50 ملین ڈالر مقرر کردی ہے۔
وینزویلا کے صدر نے ان الزامات کو اپنی حکومت گرانے کی امریکی سازش قرار دیا ہے۔ ان کے مطابق امریکا کا اصل مقصد وینزویلا میں حکومت کی تبدیلی ہے تاکہ ملکی وسائل پر قبضہ کیا جا سکے۔ انہوں نے کہا کہ وینزویلا عوام دشمن طاقتوں کے مقابلے میں متحد ہیں اور کسی غیر ملکی دباؤ کے سامنے نہیں جھکیں گے۔
.
ذریعہ
ذریعہ: Jasarat News
کلیدی لفظ: امریکی سفارت وینزویلا کے سفارت خانے
پڑھیں:
مانجھی خیل چیک پوسٹ حملہ، گورنر خیبرپختونخوا نے رپورٹ طلب کر لی
پشاور:گورنر خیبرپختونخوا فیصل کریم کنڈی نے ضلع ٹانک کے علاقے مانجھی خیل میں قائم چیک پوسٹ پر ہونے والے حملے کا نوٹس لیتے ہوئے متعلقہ اعلیٰ حکام سے واقعے کی تفصیلی رپورٹ طلب کر لی ہے۔
اپنے بیان میں گورنر فیصل کریم کنڈی نے حملے کی شدید مذمت کرتے ہوئے اسے ہندوستان کے پروردہ خوارج کی مذموم کارروائی قرار دیا۔ انہوں نے کہا کہ اس بزدلانہ حملے میں ہونے والی شہادتوں پر پوری قوم غمزدہ ہے اور شہداء کی قربانیاں ہمیشہ یاد رکھی جائیں گی۔
گورنر خیبرپختونخوا نے متعلقہ حکام کو ہدایت کی کہ حملے میں زخمی ہونے والے سیکیورٹی اہلکاروں کو ہر ممکن اور بہترین طبی سہولیات فراہم کی جائیں تاکہ ان کے علاج میں کسی قسم کی کوتاہی نہ ہو۔
فیصل کریم کنڈی نے شہداء کے اہل خانہ سے دلی ہمدردی اور تعزیت کا اظہار کرتے ہوئے کہا کہ وہ اس دکھ کی گھڑی میں غمزدہ خاندانوں اور شہید اہلکاروں کے ساتھیوں کے ساتھ برابر کے شریک ہیں۔
انہوں نے شہداء کے درجات کی بلندی، زخمیوں کی جلد صحت یابی اور ملک میں امن و استحکام کے لیے دعا بھی کی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار