فلائنگ آئی اسپتال: آسمانوں پر ’اُڑتا امید کا چراغ‘ دبئی پہنچ گیا
اشاعت کی تاریخ: 8th, October 2025 GMT
دنیا کے ان علاقوں میں جہاں جدید طبی سہولیات ناپید ہیں، وہاں ایک ایسا طیارہ ہے جو صرف پرواز نہیں کرتا بلکہ بینائی، امید اور زندگی بانٹتا ہے۔ یہ ہے فلائنگ آئی اسپتال! دنیا کا واحد فضائی اسپتال جو بینائی کی بحالی کے مشن پر پوری دنیا کا سفر کر رہا ہے۔
آج یہ اسپتال دبئی پہنچا ہے، جہاں اسے ایک اہم اسٹاپ اوور کے لیے مدعو کیا گیا ہے، تاکہ اس کے مشن، سہولیات اور خدمات کو مزید نمایاں کیا جائے۔
قیام اورتاریخفلائنگ آئی اسپتال دراصل اوربِس انٹرنیشنل کا ایک غیرمعمولی منصوبہ ہے، جو 1982 میں شروع ہوا، جب یو ایس ایڈ اور دیگر اداروں نے ایک خواب دیکھا کہ اگر مریض اسپتال تک نہیں پہنچ سکتے تو اسپتال ان تک جائے۔
ابتدائی اسپتال ایک ڈی سی 8 طیارے میں قائم کیا گیا، پھر ڈی سی 10 ماڈل اوراب ترمیم شدہ ایم ڈی 10 طیارہ استعمال کیا جاتا ہے، جو فیڈ ایکس کی جانب سے عطیہ کیا گیا ہے۔
جہاز میں دستیاب طبی و دیگر سہولیاتطیارے میں قائم فلائنگ آئی اسپتال عام طیارے سے بالکل مختلف ہے، اس میں آپریشن تھیٹراور تقریباً 46 نشستوں پر مشتمل تھری ڈی کلاس روم سمیت ریکوری روم، سیمولیشن لیب اورآن لائن تربیتی نظام عالمی مواصلاتی نیٹ ورک بھی شامل ہے۔
طیارے کے اندر مقامی سرجنز، نرسز اور ماہرین کو جدید آلات اور ٹیکنالوجی کے ذریعے تربیت دی جاتی ہے اور براہِ راست آپریشن سے انہیں عملی تجربہ ملتا ہے۔
یہ اڑتا اسپتال ورچوئل ریالٹی اورسائبر لرننگ نظام سے لیس ہے، اس میں ہائی ڈیفینیشن ویڈیو سسٹم جو دنیا بھر میں براہِ راست تربیت نشر کرتا ہے، اس کی سیمولیشن لیب میں مصنوعی آنکھوں پر سرجری کی مشقیں بھی ممکن ہیں۔
مشن اور ہدفاوربس انٹرنیشنل کا مقصد دنیا سے قابلِ علاج نابینا پن کو ختم کرنا ہے، اس اڑتے اسپتال کے ہر دورے کے دوران آنکھوں کے مفت چیک اپ اور سرجریز کی جاتی ہیں اور مقامی طبی ماہرین کو جدید تربیت بھی فراہم کی جاتی ہے۔
تمام اخراجات عطیات اور شراکت داروں کی مالی مدد سے پورے کیے جاتے ہیں۔
عالمی سفرفلائنگ آئی اسپتال اب تک بنگلہ دیش، منگولیا، ایتھوپیا، نائیجیریا سمیت 80 سے زائد ممالک کا دورہ کر چکا ہے، اپنے سفری اڑان کے دوران طیارے میں قائم یہ اسپتال دبئی کو اکثر ایک اسٹریٹجک اسٹاپ اوور کے طور پر استعمال کرتا ہے، تاکہ طبی ساز و سامان کا اسٹاک پورا کیا جاسکے اور طیارے کی ناگزیر دیکھ بھال کا عمل بھی مکمل کیا جاسکے۔
پاکستان میں لاکھوں افراد بینائی کے مسائل کا شکار ہیں، جن میں سے کئی قابل علاج حالتوں سے دوچار ہیں۔
پاکستان آنے کی صورت میں یہ اسپتال ہزاروں امراض چشم میں مبتلا مریضوں کو طبی علاج فراہم کرنے کے ساتھ ساتھ مقامی ماہرین کو بین الاقوامی معیار کی تربیت دینے کا سنہری موقع ہوگا۔
شراکت دارادارےاوربس انٹرنیشنل کے اس اڑتے اسپتال کا منصوبہ مقامی اورعالمی عطیات کی مرہون منت ہے، جس میں جی ای ایرواسپیس، فیڈایکس، اومیگا اور دیگر ادارے اس کی مالی، تکنیکی اورلاجسٹک معاونت کرتے رہے ہیں، جی ای ایرواسپیس کے رضا کار اس وقت دبئی پہنچ کرجہاز میں قائم اس اسپتال کی سہولیات کو تمام تر ممکنہ استعمال کے لیے تیار رکھنے میں مصروف ہیں۔
اوربس انٹرنیشنل اپنے اس اڑتے اسپتال کے ذریعے اب تک امراض چشم میں مبتلا ہزاروں افراد کی سرجریاں کی جا چکی ہیں اور کروڑوں افراد کی بصیرت بحال ہوچکی ہے، دوسری جانب ہزاروں طبی ماہرین کو درکار تربیت فراہم کرکے ان کے ذریعے مختلف ممالک میں صحت عامہ کی پالیسوں میں آنکھوں کی صحت کو شامل کیا جاچکا ہے۔
عالمی سرحدوں سے بالاتر ہو کر انسانیت کی خدمت میں مصروف یہ فلائنگ آئی اسپتال نہ صرف ایک ’طبی جہاز‘ بلکہ امید کا پیغام بھی ہے، اس منصوبے نے ثابت کیا ہے کہ اگر نیت خدمت کی ہو، تو آسمان میں بھی اسپتال بن سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اڑتا اسپتال امید اوربس انٹرنیشنل طیارہ فلائنگ آئی اسپتال.ذریعہ: WE News
کلیدی لفظ: اوربس انٹرنیشنل طیارہ فلائنگ ا ئی اسپتال فلائنگ آئی اسپتال اوربس انٹرنیشنل ماہرین کو کے لیے
پڑھیں:
بھارتی طیارے میں فنی خرابی کی اطلاعات تھیں، دفاعی ماہرین
اسکرین گرایپدبئی ایئر شو میں بھارتی جنگی طیارے تیجس کے گرکے تباہ ہونے پر پاکستانی دفاعی ماہرین نے تبصرہ کیا ہے۔
ایئرمارشل (ر) عاصم سلیمان نے کہا ہے کہ دبئی ایئر شو میں گرنے والے بھارتی طیارے میں فنی خرابی کی اطلاعات تھیں۔
انہوں نے کہا کہ ایک اندازے کے مطابق ٹیکنیکل فالٹ بھی ہوسکتا ہے، ایسے حادثوں کے بعد بھارت اور بھارتی فضائیہ کی ساکھ کو نقصان پہنچتا ہے۔
امریکی میڈیا کے مطابق بھارتی طیارہ دبئی ایئر شو میں مظاہرے کے دوران گرا، جبکہ بھارتی میڈیا نے بھی اپنا طیارہ گرنے کی تصدیق کردی۔
جیو نیوز سے خصوصی گفتگو میں ماہر قومی سلامتی امور سید محمد علی نے کہا کہ فضائی قوت کے طور پر بھارت کو شدید دھچکا لگا ہے، حادثے میں پائلٹ کی غلطی ہوسکتی ہے۔
اُن کا کہنا تھا کہ ویڈیو میں پائلٹ کی مس ججمنٹ لگ رہی ہے ، بھارتی فضائیہ ٹیکنالوجی، وسائل اور افرادی قوت سے مالا مال ہے، لیکن مختلف موقعوں پر اس کے 100 سے زائد طیارے گر چکے ہیں۔
واضح رہے کہ دبئی ایئر شو کے دوران بھارتی طیارہ تیجس مقامی وقت کے مطابق 2 بج کر 10 منٹ پر گر کر تباہ ہوا، ایروبیٹک اسٹنٹ کے دوران تباہ ہونے والے طیارے کا پائلٹ بھی ہلاک ہوگیا۔
بھارتی میڈیا اپنا طیارہ ایئر شو کے دوران گرنے کی تصدیق کی ہے۔
علیمہ خانم کے خلاف پنجاب حکومت متحرک