بالی ووڈ کے ستاروں نے اپنے بچوں کے لیے چُنے انوکھے نام، حیران کن مطلب کیاہیں؟
اشاعت کی تاریخ: 9th, October 2025 GMT
بالی ووڈ کی نامور شخصیات نہ صرف اپنی اداکاری، اندازِ زندگی اور شہرت کے حوالے سے توجہ کا مرکز بنتی ہیں، بلکہ ان کے بچوں کے نام بھی اکثر عوامی دلچسپی کا باعث بنتے ہیں۔ متعدد ستارے اپنے بچوں کے لیے ایسے ناموں کا انتخاب کرتے ہیں جو نہ صرف منفرد ہوں بلکہ اپنے اندر ایک گہرا معنوی پہلو بھی سموئے ہوئے ہوں۔
ارباز خان اور شوری خان کی بیٹی سپارہ خان:حال ہی میں اداکار ارباز خان اور ان کی اہلیہ شُوری خان نے اپنی بیٹی کا نام سِپارہ رکھا، جو عربی زبان سے ماخوذ ہے اور قرآنِ مجید کے 30 حصوں میں سے ایک حصے کو سِپارہ کہا جاتا ہے۔ یہ نام روحانیت اور عقیدت کی عکاسی کرتا ہے، جو اس جوڑے کی مذہبی وابستگی اور اپنی بیٹی کے لیے وقار و انفرادیت کی خواہش کو ظاہر کرتا ہے۔
اسی طرح، اداکار رنبیر کپور اور عالیہ بھٹ نے اپنی بیٹی کا نام راہا رکھا، جو مختلف زبانوں میں مختلف خوبصورت مفاہیم رکھتا ہے سواحیلی میں ’خوشی‘، سنسکرت میں ’نسب‘ اور عربی میں ’سکون‘۔ یہ نام خوشی، خاندانی وراثت اور امن کا امتزاج ہے۔
اداکارہ انوشکا شرما اور کرکٹر ویرات کوہلی کے بیٹے کا نام اکائے ہے، جو سنسکرت میں ’بے جسم‘ یعنی لا محدود امکانات کا اظہار ہے، جبکہ ترکی زبان میں یہ ’مکمل چاند‘ کو ظاہر کرتا ہے۔
اداکار جوڑا رچا چڈھا اور علی فضل نے اپنی بیٹی کا نام زنیرا عیدا رکھا ہے، جس میں ’زنیرا‘ کا مطلب عربی میں ’جنت کا پھول‘ اور ’عیدا‘ کا مطلب ’محنتی‘ ہے، جو خوبصورتی اور محنت کو یکجا کرتا ہے۔
اسی فہرست میں اداکار کنال کیمو اور سوہا علی خان کی بیٹی انایہ نومی بھی شامل ہے، جہاں ’انایہ‘ کا مطلب ہے ’نعمت‘ اور ’نومی‘ کا تعلق ہندو تہوار ’نوراتری‘ کے نویں دن سے ہے، جو دیوی درگا سے منسوب ہے۔
یہ تمام نام اس بات کی غمازی کرتے ہیں کہ آج کے بالی ووڈ ستارے اپنے بچوں کے نام رکھتے وقت نہ صرف خوبصورتی بلکہ تہذیب، روحانیت اور وراثتی پہلوؤں کو بھی مدنظر رکھتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ارباز خان انوشکا شرما بالی ووڈ بالی ووڈ ستاروں کے بچوں کے نام رنبیر کپور سپارہ خان شوریٰ خان عالیہ بھٹ ویرات کوہلی.
ذریعہ
ذریعہ: WE News
کلیدی لفظ: انوشکا شرما بالی ووڈ رنبیر کپور سپارہ خان عالیہ بھٹ ویرات کوہلی اپنی بیٹی بالی ووڈ بچوں کے کی بیٹی کرتا ہے کے لیے کا نام
پڑھیں:
سلمان خان بیان، بھارتی طلباء کے احتجاج پر دبنگ خان کی کھل کر حمایت
ممبئی: سلمان خان بیان ایک بار پھر سوشل میڈیا پر موضوعِ بحث بن گیا ہے۔ بالی ووڈ سپر اسٹار سلمان خان نے بھارت میں طلباء کے احتجاج پر ردعمل دیتے ہوئے کہا ہے کہ بہتر تعلیمی نظام کے لیے نوجوانوں کی آواز سنی جانی چاہیے اور اس معاملے کو سیاسی رنگ دینے سے گریز کیا جائے۔
سلمان خان نے اپنے سوشل میڈیا پلیٹ فارم ایکس پر جاری بیان میں کہا کہ ابتدا میں یہ ایک پرامن تحریک تھی، تاہم بعد میں اس کا پرتشدد رخ اختیار کرنا افسوسناک ہے۔ انہوں نے احتجاج کے دوران متاثر ہونے والے طلباء اور ان کے اہل خانہ سے ہمدردی کا اظہار بھی کیا۔
اداکار نے کہا کہ پیپر لیک جیسے معاملات انتہائی سنجیدہ نوعیت کے ہیں اور انہیں فوری توجہ کی ضرورت ہے۔ ان کے مطابق یہ خوش آئند بات ہے کہ طلباء بہتر تعلیمی نظام کے مطالبے کے لیے متحد ہوئے، جبکہ والدین نے بھی ان کی جدوجہد میں بھرپور ساتھ دیا۔
سلمان خان بیان میں مزید کہا گیا کہ طلباء نے اپنے عزم، محنت اور خلوص سے ثابت کیا ہے کہ وہ تعلیم حاصل کر کے ملک کے روشن مستقبل میں کردار ادا کرنا چاہتے ہیں۔ انہوں نے نوجوانوں کے جذبے، ہمت اور تعلیم سے وابستگی کو قابلِ تعریف قرار دیتے ہوئے کہا کہ یہی نسل مستقبل میں ملک کی ترقی میں اہم کردار ادا کرے گی۔
بالی ووڈ اسٹار نے زور دیا کہ طلباء کے مطالبات کو سیاسی تنازع نہ بنایا جائے کیونکہ یہ معاملہ براہِ راست تعلیمی نظام اور طلباء کے مستقبل سے جڑا ہوا ہے۔ انہوں نے امید ظاہر کی کہ حکومت بھی اس معاملے کا مثبت حل نکالے گی اور تعلیمی نظام کو مزید مضبوط بنانے کے لیے مؤثر اقدامات کرے گی۔
سلمان خان نے اپنے پیغام کے اختتام پر دعا کی کہ علم حاصل کرنے والے تمام طلباء اپنی منزل حاصل کریں اور ملک میں ایسا تعلیمی ماحول قائم ہو جہاں میرٹ، شفافیت اور انصاف کو اولین ترجیح دی جائے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار