نیتن یاہو دفتر کیجانب سے غزہ میں جنگبندی کی تردید
اشاعت کی تاریخ: 9th, October 2025 GMT
غاصب اسرائیلی رژیم کے سرکاری میڈیا میں جنگبندی کی وسیع کوریج کے باوجود غاصب صیہونی وزیر اعظم کے دفتر کیجانب سے اعلان کیا گیا ہے کہ ابھی تک کسی معاہدے پر عملدرآمد شروع نہیں ہوا اور سب کچھ آج شام منعقد ہونیوالے کابینہ کے اجلاس پر منحصر ہے! اسلام ٹائمز۔ غاصب صہیونی رژیم کے سرکاری ٹیلیویژن چینل نے اعلان کیا ہے کہ انخلاء کا حکم جاری کر دیا گیا ہے جبکہ آئندہ دنوں میں مکمل انخلاء کی تیاری کا یہ حکم غزہ میں موجود اسرائیلی فوج کی مینیوور یونٹوں کو مل چکا ہے اور وہ اس پر عملدرآمد کو تیار ہیں۔ ادھر عبرانی ذرائع ابلاغ نے بھی غزہ کی پٹی میں جنگ بندی کے آغاز کی خبر دی ہے جبکہ قابض صیہونی فوج کے ساتھ منسلک اسرائیلی ریڈیو کا کہنا ہے کہ اسرائیلی فوج غزہ شہر میں طے شدہ خطوط پر واپس لوٹ رہی ہے۔ اس بارے اسرائیلی چینل 13 نے وضاحت دیتے ہوئے اعلان کیا ہے کہ اسرائیل فی الحال کوئی نئی جارحانہ کارروائی شروع نہیں کرے گا تاہم صیہونی افواج کا مکمل انخلاء، آج شام منعقد ہونے والی نیتن یاہو کابینہ کی نشست میں مذکورہ معاہدے کی منظوری کے ساتھ مشروط ہے۔ اسرائیلی چینل نے سینئر سکیورٹی اہلکار سے نقل کرتے ہوئے مزید کہا کہ قابض صیہونی فوج کا انخلا، کابینہ کے اس اجلاس میں معاہدے کی باضابطہ منظوری کے بعد شروع ہو گا۔
ادھر غاصب اسرائیلی وزیر اعظم کے دفتر نے جنگ بندی کے آغاز کے بارے اسرائیلی میڈیا رپورٹس کی تردید کرتے ہوئے اعلان کیا ہے کہ یہ اقدام آج شام منعقد ہونے والے اسرائیلی کابینہ کے اجلاس کے بعد نافذ کیا جائے گا۔ نیتن یاہو آفس کا کہنا تھا کہ میڈیا نے جو کچھ شائع کیا ہے اس کے برعکس، 72 گھنٹے کی ڈیڈ لائن کا شمار اُس حکومتی اجلاس میں معاہدے کی منظوری کے بعد سے کیا جائے گا، جو آج شام کو متوقع ہے۔
دوسری جانب العربی ٹی وی نے بھی اطلاع دی ہے کہ الرشید اسٹریٹ پر 2 اسرائیلی ٹینک تعینات کئے گئے ہیں جن کی ذمہ داری عام فلسطینی شہریوں کو غزہ شہر کی جانب واپس آنے سے روکنا ہے جبکہ اسرائیلی لڑاکا طیارے بھی الرشید اسٹریٹ پر میزائل داغ رہے ہیں۔
۔
ذریعہ
ذریعہ: Islam Times
پڑھیں:
اٹلی میں 10500 پاکستانیوں کو لیبر موبیلیٹی معاہدے کے تحت روزگار مواقع ملیں گے, اطالوی سفیر
انور عباس:پاکستان میں اطالوی سفیر ماریلینا آرمیلین نے کہا ہے کہ آئندہ تین برس میں 10500 پاکستانیوں کو لیبر موبیلیٹی معاہدے کے تحت اٹلی میں روزگار کے مواقع ملیں گے، اٹلی امریکہ ایران تنازع میں پاکستان کے ثالثی کے کردار کی بھرپور حمایت کرتا ہے، سال 2025-2026 کے لئے 3200 پاکستانی طلباء کو اطالوی جامعات میں تعلیم کے لئے وظائف فراہم کئے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
پاکستان میں اطالوی سفارت خانے کے زیر انتظام 80 ویں اٹلی ڈے ہر عشائیے کا انتظام کیا گیا جس میں متعدد سفارتی، سیاسی و سماجی شخصیات شریک ہوئیں عشائیے کا آغاز اٹلی اور پاکستان کے قومی ترانوں سے ہوا عشائیے سے خطاب میں پاکستان میں اطالوی سفیر ماریلینا آرمیلین نے کہا کہ اٹلی امریکہ ایران تنازع میں پاکستان کے ثالثی کے کردار کی بھرپور حمایت کرتا ہے، پاکستان دوستی، کشادہ دلی اور احترام سے بھرپور ایک خوبصورت ملک ہے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
ماریلینا آرمیلین کا کہنا تھا کہ آئندہ تین برس میں 10500 پاکستانیوں کو لیبر موبیلیٹی معاہدے کے تحت اٹلی میں روزگار کے مواقع ملیں گے، سال 2025-2026 کے لئے 3200 پاکستانی طلباء کو اطالوی جامعات میں تعلیم کے لئے وظائف فراہم کئے، قونصلر رسائی اور دیگر سفارتی عوامل میں بہتری کے لئے اقدامات اٹھائے جا رہے ہیں۔ اطالوی سفیر نے کہا کہ یورپی یونین مین سب سے بڑی پاکستانی کمیونٹی اٹلی میں مقیم ہے، اپنی مدت ذمہ داری کے دوران پاک اٹلی تعلقات میں بہتری کے لئے بہت محنت کی ہے۔
نجی کمپنیاں گندم کے مقابلے میں آٹا دوگنی قیمت پر فروخت کرنے لگیں، کارروائی کا مطالبہ
مہمان خصوصی وزیر مملکت علی پرویز ملک نے اعادہ کیا کہ پاکستان اور اٹلی مشترکہ اہداف رکھتے ہیں دونوں کے باہمی تعلقات نے 78 برس مکمل کر لئے ہیں، پاک یورپی تزویراتی مذاکرات کے بعد امید ہے کہ اطالوی کمپنیاں پاکستان آئیں گی۔تقریب کے اختتام پر مہمانوں نے مل کر کیک بھی کاٹا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ