امریکا کے ہوٹل میں بھوت پکڑنے کا مقابلہ شروع، انوکھے انعام کا چیلنج
اشاعت کی تاریخ: 9th, October 2025 GMT
data-id="863a0a8" data-element_type="widget" data-widget_type="theme-post-content.default">
لاس ویگس کے مشہور و قدیم ایل کورٹیز ہوٹل نے ایک غیر معمولی اعلان کر کے دنیا بھر کے مہم جو افراد کو حیران کر دیا ہے۔
ہوٹل انتظامیہ نے اعلان کیا ہے کہ وہ ایک ایسا مقابلہ منعقد کرنے جا رہی ہے جس میں شرکا کو موقع ملے گا کہ وہ پورا ویک اینڈ اس ہوٹل میں گزاریں ۔ یہ وہی ہوٹل ہے جو دہائیوں سے بھوتوں اور پراسرار سرگرمیوں کے حوالے سے مشہور ہے۔
انتظامیہ کے مطابق مقابلے کے لیے درخواستیں وصول کی جا رہی ہیں اور سیکڑوں خواہش مندوں میں سے صرف ایک خوش نصیب شخص کو منتخب کیا جائے گا جو ہفتہ اور اتوار کی رات اس مبینہ طور پر آسیب زدہ عمارت میں تنہا قیام کرے گا۔ مقابلے کا مقصد یہ دیکھنا ہے کہ آیا شرکا کسی ماورائی سرگرمی یا بھوت کے آثار دریافت کر پاتے ہیں یا نہیں۔
لاس ویگس کی تاریخی فریمونٹ اسٹریٹ پر واقع ایل کورٹیز ہوٹل کو اولڈ ویگس کے نام سے بھی جانا جاتا ہے۔ یہ 1941 میں قائم ہوا اور اپنی 84 سالہ تاریخ میں کئی ڈرامائی واقعات کا گواہ رہا ہے۔
روایت ہے کہ یہاں ماضی میں قتل، تشدد اور جرائم کی وارداتیں ہو چکی ہیں جب کہ متعدد مہمانوں نے ہوٹل کے راہداریوں میں سائے دیکھنے، دروازوں کے خود بخود کھلنے اور قدموں کی پراسرار آوازیں سننے کی اطلاع دی ہے۔
ہوٹل انتظامیہ کا کہنا ہے کہ یہ مقابلہ نہ صرف ایک پرسرار تجربہ فراہم کرے گا بلکہ لاس ویگس کی پراسرار تاریخ کو بھی اجاگر کرے گا۔ سوشل میڈیا پر یہ اعلان وائرل ہو چکا ہے اور دنیا بھر سے لوگ اس عجیب و دلچسپ چیلنج کا حصہ بننے کی خواہش ظاہر کر رہے ہیں۔
.
ذریعہ
ذریعہ: Jasarat News
پڑھیں:
واشنگٹن میں لبنان اور اسرائیل کے درمیان مذاکرات شروع
اسرائیل کی جانب سے لبنان پر خون ریز حملوں کے بعد دونوں ممالک کے درمیان واشنگٹن میں مذاکرات شروع ہوگئے ہیں۔
الجزیرہ کی رپورٹ کے مطابق لبنان اور اسرائیل کے درمیان واشنگٹن میں شروع ہونے والے مذاکرات جنگ بندی مذاکرات کا تسلسل اور چوتھا دور ہے۔
لبنان کی سرکاری خبرایجنسی نے بتایا کہ لبنان اور اسرائیل کے درمیان مذاکرات کا چوتھا دور واشنگٹن میں امریکی اسٹیٹ ڈپارٹمنٹ کے ہیڈکوارٹرز میں شروع ہوگئے ہیں۔
رپورٹ میں بتایا گیا کہ مذاکرات کے لیے دونوں فریق کے نمائندے واشنگٹن پہنچے، جس کے بعد مذاکرات شروع ہوئے ہیں۔
قبل ازیں امریکی صدر ڈونلڈ ٹرمپ نے اسرائیلی وزیراعظم کو لبنان پر حملوں کے حوالے سے ٹیلی فون پر سخت الفاظ کا استعمال کیا تھا۔
رپورٹ میں دعویٰ کیا گیا تھا کہ ٹرمپ نے نیتن یاہو کو پاگل قرار دیا اور کہا کہ ہر کوئی تم سے نفرت کرتا ہے، اسی وجہ سے لوگ اسرائیل سے بھی نفرت کرتے ہیں۔
دوسری جانب لبنان پر اسرائیل کے حملے جاری ہیں جہاں جنوبی لبنان کے بڑے شہروں میں سے ایک نباطیہ پر شدید بم باری کی گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ