موسیقی کے آلات کے ذریعے جو آواز جنم لیتی ہے اس کو علم موسیقی کی زبان میں ’’ساز‘‘ کا نام دیا جاتا ہے ایک موسیقار ان آلات کے ذریعے موسیقی کی دھن تیار کرتا ہے موسیقی کے ہر آلات اپنی ایک جداگانہ آواز رکھتے ہیں اور ہر دھن کا اپنا ایک مزاج (کیفیت) ہوتی ہے اسے علم موسیقی میں ’’رس‘‘ کا نام دیا جاتا ہے۔ اس کا جاننا ہر موسیقار کے لیے ضروری ہے۔
فنون لطیفہ (فائن آرٹ) کے طالب علموں بالخصوص علم موسیقی سے دلچسپی رکھنے والے طلبا کی رہنمائی کے لیے چند اہم موسیقی کے آلات کا مختصر تعارف پیش کیا جا رہا ہے تاکہ ان کی رہنمائی ہو سکے۔
طبلہ
موسیقی کا یہ آلہ دونوں ہاتھوں سے بجانے والے چھوٹے چھوٹے ڈھولوں پر مشتمل ہوتا ہے جو خوش آہنگی کی فوقیت ستار کو بین پر حاصل ہے وہی طبلے کو پکھاوج پر حاصل ہے طبلہ عمومی طور پر کلاسیکی موسیقی میں استعمال ہوتا ہے۔
پکھاوج
یہ تال کا قدیم ساز ہے مردنگ کی ترقی یافتہ شکل ہے مردنگ مٹی کی اور پکھاوج لکڑی کی ہوتی ہے یہ ساز انگلیوں سے کم اور ہتھیلیوں سے زیادہ بجایا جاتا ہے اس کا استعمال بھی کلاسیکی موسیقی میں ہوتا ہے۔
سارنگی
قدرت کا بنایا ہوا سب سے مکمل ساز ’’ انسانی گلا ‘‘ ہے جو آواز کے ہر ممکن اتار چڑھاؤ کی ادائیگی پر قدرت رکھتا ہے، لیکن موسیقی کے آلات میں سارنگی وہ واحد ساز ہے جو سب سے زیادہ انسانی آواز سے ملتا ہے، سنگت کے کلاسیکی سازوں میں سارنگی سب سے مشکل اور اعلیٰ ساز ہے اسے مشرق کا ’’وائلن ‘‘کا نام بھی دیا جاتا ہے۔
بانسری
یہ قدیم ترین ساز ہے اس میں پھونک کے ذریعے مختلف سُر پیدا کیے جاتے ہیں اس لیے اسے پھونک کے اہم ساز میں شمار کیا جاتا ہے، اسے بانس کی لکڑی سے بنایا جاتا ہے جس میں چھ سوراخ ہوتے ہیں جنھیں کھولنے اور بند کرنے سے تمام سُر پیدا ہوتے ہیں اس کا استعمال کلاسیکی اور لائٹ موسیقی میں ہوتا ہے۔
ستار
اس آلہ موسیقی میں سات تار ہوتے ہیں اسی خصوصیت کی بنا پر اس کا نام ’’ستار‘‘ ہو گیا ہے۔ یہ موسیقی کا نامور ساز ہے ۔
ہارمونیم
یہ موسیقی کا اہم ساز ہے جو مغربی آلہ موسیقی آرکسٹراکی ایک شکل ہے اس کا بجانا آسان ہے یہ پیانو کی طرح Keyboard پر مشتمل ہوتا ہے اس میں نصب شدہ Reed کے ذریعے آواز پیدا کی جاتی ہے ۔
نقارہ
یہ قدیم جنگی ساز ہے جو مغربی موسیقی کے آلہ موسیقی ڈرم سے ملتا جلتا ہے۔
ڈھول
تال کے سازوں میں سب سے نمایاں اور سرکردہ آلہ موسیقی ڈھول ہے۔ پاکستان میں یہ شادی بیاہ اور کھیل تماشے میں اس کا استعمال عام ہے۔
ڈھولک
یہ لوک ساز ہے جو دیہاتوں میں بجایا جاتا ہے اس ساز میں طبلہ کی طرح لگے بندھے سُر نہیں ہوتے بلکہ یہ اس کے حجم اور بناوٹ کے ساتھ بدلتے رہتے ہیں۔
الغورہ
یہ بانسری نما ہوتا ہے جس میں دو چھوٹی چھوٹی بانسریاں ہوتی ہیں اس لیے اسے بانسری کی طرح پھونک کے اہم سازوں میں شمار کیا جاتا ہے ۔
.
ذریعہ
ذریعہ: Express News
کلیدی لفظ: آلہ موسیقی موسیقی کے ساز ہے جو کے ذریعے جاتا ہے ہوتا ہے کا نام ہیں اس
پڑھیں:
اسپاٹیفائی کا عاطف اسلم کو خراج تحسین، گلوکار کی عالمی مقبولیت کا معترف
عالمی میوزک اسٹریمنگ پلیٹ فارم اسپاٹیفائی نے پاکستان کے معروف گلوکار عاطف اسلم کی عالمی مقبولیت اور 2 دہائیوں پر محیط کامیاب فنی سفر کو خراج تحسین پیش کرتے ہوئے ان کے مداحوں کے لیے 31 جولائی کو ریلیز ہونے والا نیا البم ’صبح آئے نا‘ تک پیشگی رسائی کی خصوصی سہولت بھی متعارف کرا دی ہے۔
یہ بھی پڑھیں: 18 سال بعد عاطف اسلم کا نیا میوزک البم ’صبح آئے نا‘ ریلیز کرنے کا اعلان
اسپاٹیفائی کی جانب سے جاری کردہ اعدادوشمار کے مطابق عاطف اسلم کے گیت اب تک تقریباً 8 ارب مرتبہ سنے جا چکے ہیں جبکہ اس وقت ان کے 3 کروڑ سے زائد ماہانہ سامعین موجود ہیں۔ ان کی موسیقی دنیا کے 184 ممالک میں سنی جا رہی ہے جو ان کی غیرمعمولی عالمی مقبولیت کا ثبوت ہے۔
بیان میں کہا گیا ہے کہ گزشتہ 2 دہائیوں سے عاطف اسلم کی آواز محبت، جدائی، خوشی، یادوں، عقیدت اور گھر کی چاہت جیسے بے شمار جذبات سے جڑی ہوئی ہے۔ ان کے گیت شادیوں، طویل سفر، خاموش راتوں اور زندگی کے یادگار لمحات کا لازمی حصہ بن چکے ہیں۔
اسپاٹیفائی کے مطابق عاطف اسلم جنوبی ایشیا کے ان چند فنکاروں میں شامل ہیں جن کی مقبولیت وقت گزرنے کے ساتھ کم ہونے کے بجائے مزید بڑھی ہے۔ اگرچہ ان کی موسیقی کی جڑیں پاکستان میں ہیں تاہم ان کی آواز کی بازگشت پوری دنیا میں سنائی دیتی ہے۔
پاپ، فلمی موسیقی اور روحانی کلام سمیت مختلف انداز میں پیش کیے گئے ان کے گیت آج بھی مداحوں میں یکساں مقبول ہیں۔
بیان میں کہا گیا کہ عاطف اسلم کے مقبول البمز ’دوری‘ اور ’میری کہانی‘ ریلیز کے کئی برس بعد بھی مداحوں کی پسندیدہ موسیقی میں شامل ہیں۔
96 فیصد اسٹریمز پاکستان سے باہراسپاٹیفائی کے اعدادوشمار کے مطابق گزشتہ ایک سال کے دوران عاطف اسلم کی 96 فیصد اسٹریمز پاکستان سے باہر ہوئیں جن میں جنوبی ایشیا، مشرقِ وسطیٰ، شمالی امریکا، یورپ، ایشیا پیسیفک اور دیگر خطوں کے سامعین نمایاں رہے۔
مزید پڑھیے: کیفے میں نماز ادا کرتے عاطف اسلم کی ویڈیو سوشل میڈیا پر وائرل
اسپاٹیفائی کے مطابق دنیا بھر میں صارفین نے عاطف اسلم کے گیتوں کو 3 کروڑ 75 لاکھ سے زائد پلے لسٹس میں شامل کیا ہے، جہاں ان کے نغمے شادیوں، محبت، جدائی، رات گئے ڈرائیوز، پرانی یادوں اور جذباتی لمحات کی موسیقی کا حصہ بنتے ہیں۔
جین زی بھی عاطف اسلم کی دیوانیبیان کے مطابق عاطف اسلم کی موسیقی صرف پرانے مداحوں تک محدود نہیں بلکہ نوجوان نسل، خصوصاً جین زی میں بھی غیرمعمولی مقبول ہے۔ اسپاٹیفائی پر ان کی 85 فیصد اسٹریمز اسی نوجوان طبقے کی جانب سے آتی ہیں۔
اعدادوشمار کے مطابق گزشتہ ایک برس کے دوران 4 کروڑ 10 لاکھ سے زائد نئے سامعین نے یا تو پہلی مرتبہ عاطف اسلم کی موسیقی دریافت کی یا دوبارہ ان کے گیت سننا شروع کیے جو اس بات کی عکاسی کرتا ہے کہ ان کی موسیقی نئی نسل میں بھی مسلسل مقبول ہو رہی ہے۔
اسپاٹیفائی کا خراج تحسیناسپاٹیفائی پاکستان اور متحدہ عرب امارات کی آرٹسٹ اینڈ لیبل پارٹنرشپس منیجر رطابہ یعقوب نے کہا کہ عاطف اسلم جیسے فنکار بہت کم ہوتے ہیں جو کسی ملک کی اجتماعی یادداشت کا حصہ بن جاتے ہیں۔
مزید پڑھیں: نیا البم کب آئے گا؟ عاطف اسلم نے بڑا اعلان کردیا
انہوں نے کہا کہ عاطف اسلم کی موسیقی نے لوگوں کی زندگی کے ہر دور میں ان کا ساتھ دیا ہے جبکہ اسپاٹیفائی پر یہ واضح نظر آ رہا ہے کہ ان کے مداحوں کا یہ جذباتی رشتہ نہ صرف پاکستان بلکہ پوری دنیا میں مزید مضبوط ہو رہا ہے۔ ان کے بقول یہ عاطف اسلم کی لازوال موسیقی اور مداحوں سے گہرے تعلق کا واضح ثبوت ہے۔
عاطف اسلم کیا کہتے ہیں؟اپنی نئی البم کے حوالے سے عاطف اسلم نے کہا کہ یہ البم میری زندگی کے اندرونی انتشار سے نکل کر اپنی حقیقی ذات سے ملنے کے سفر کی عکاسی کرتا ہے۔ انہوں نے مزید کہا کہ میرے مداح انتظار کریں، میں اسے آپ سب کے سامنے پیش کرنے کے لیے نہایت پرجوش ہوں۔
31 جولائی کو نئی البم ریلیز ہوگی
عاطف اسلم کا نیا البم ’صبح آئے نا‘ 31 جولائی کو ریلیز ہوگا جبکہ مداح اسپاٹیفائی کے کاؤنٹ ڈاؤن پیج پر اسے ریلیز سے پہلے ہی پری سیو کر سکتے ہیں۔
البم میں گیت صبح آئے نا، سفر میں ہوں، عشق، لیٹس ہیو سَم فن، سن سجنا، ہوں عشق میں، چار یار اور سچے وعدے شامل ہیں۔
یہ بھی پڑھیے: بھارتی گلوکار اریجیت سنگھ کی عاطف اسلم اور شفقت امانت کی کھل کر تعریف
اسپاٹیفائی کے مطابق تیزی سے بدلتے موسیقی کے رجحانات کے باوجود عاطف اسلم ان چند فنکاروں میں شامل ہیں جن کا اپنے سامعین سے تعلق وقت کے ساتھ مزید مضبوط ہوا ہے اور جن کے گیت ہر نئی نسل اپنی یادوں کا حصہ بناتی جا رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
عاطف اسلم عاطف اسلم کا گانا صبح آئے نا عاطف اسلم کا نیا البم گلوکار عاطف اسلم
بھارت سے جنگ اور افغانستان میں کارروائی خارج ازامکان نہیں، وزیردفاع