ریلوے ٹریک پر دھماکا: 4 بوگیاں پٹری سے اتر گئیں، چار مسافر زخمی
اشاعت کی تاریخ: 7th, October 2025 GMT
data-id="863a0a8" data-element_type="widget" data-widget_type="theme-post-content.default">
شکارپور: گاؤں سلطان کوٹ کے نزدیک ریلوے ٹریک پر ہونے والے دھماکے کے نتیجے میں جعفر ایکسپریس کی چار بوگیاں پٹری سے اتر گئیں جبکہ اس واقعے میں چار مسافر زخمی ہوگئے جنہیں فوری طبی امداد کے لیے قریبی اسپتال منتقل کر دیا گیا ہے۔
میڈیا رپورٹس کےمطابق پولیس ترجمان کاکہنا ہےکہ دھماکا ٹریک پر نصب کسی دھماکا خیز ڈیوائس کے پھٹنے سے ہوا، جس کے بعد ٹرین کے کچھ حصے پٹری سے اتر گئے اور موقع پر ہلچل مچ گئی، واقعے میں ہلاکت کی اطلاع تاحال موصول نہیں ہوئی۔ زخمیوں کی حالت کو طبی عملہ تشویشناک مگر مستحکم قرار دے رہا ہے اور انہیں ضروری طبی سہولیات فراہم کی جا رہی ہیں۔
ذرائع کےمطابق دھماکے کے فوراً بعد بم ڈسپوزل اسکواڈ کو طلب کیا گیا اور وہ موقع پر پہنچ کر متاثرہ ٹریک سے شواہد اکٹھا کر کے واقعے کی نوعیت معلوم کرنے کے لیے کام کر رہا ہے، مقامی پولیس نے علاقے کو سیل کر کے سرچ آپریشن شروع کر دیا ہے اور ممکنہ شواہد کو محفوظ بنایا جا رہا ہے۔
پولیس حکام نے کہا ہے کہ واقعے کی مکمل تفتیش کی جارہی ہے اور ملزمان کی تلاش جاری ہے، دھماکے کی وجہ سے متاثرہ ٹریک کی مرمت کا کام شروع کردیا گیا ہے اور ابتدائی اندازے کے مطابق مرمت میں 8 سے 10 گھنٹے لگ سکتے ہیں، لہٰذا متعلقہ ٹریک پر شام 5 بجے سے قبل کوئی ٹرین معمول کے مطابق نہیں چلے گی، عبوری انتظام کے طور پر مسافروں کو بسوں کے ذریعے منزل کی طرف روانہ کرنے کے انتظامات کیے جا رہے ہیں تاکہ مسافروں کی آمد و رفت میں کم سے کم خلل رہے۔
دوسری جانب وزیر داخلہ سندھ ضیا لنجار نے واقعے پر سخت نوٹس لیتے ہوئے ایس ایس پی شکارپور سے فوری طور پر تفصیلات طلب کیں اور واقعے کی فی الفور جامع تفتیش کا حکم دیا۔
وزیر داخلہ نے کہا کہ ریلوے کے بنیادی ڈھانچے کو نشانہ بنانے والے عناصر کو کسی صورت برداشت نہیں کیا جائے گا اور ذمہ دار دہشت گردوں کو جلد گرفتار کیا جائے گا، انہوں نے پولیس فورسز کو ہدایت کی کہ وہ واقعے کی مکمل شواہد پر مبنی تفتیش کریں اور عوام کے تحفظ کو ہر قیمت پر یقینی بنائیں۔
ذریعہ
ذریعہ: Jasarat News
کلیدی لفظ: واقعے کی ٹریک پر ہے اور
پڑھیں:
بارشوں سے پنجاب میں اب تک 21 شہری جاں بحق اور 154 زخمی ہوئے، پی ڈی ایم اے
تصویر سوشل میڈیا۔پراونشل ڈیزاسٹر منیجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کر دی۔
لاہور ترجمان پی ڈی ایم اے کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث نناوے فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
ترجمان پی ڈی ایم اے کے مطابق بارشوں میں کرنٹ لگنے سے 3 اور آسمانی بجلی گرنے سے 2 افرادجاں بحق ہوئے۔ بارش کے پانی میں ڈوبنے سے ایک شخص جاں بحق ہوا، بارشوں کے باعث 38 مکانات جزوی طور پر متاثر ہوئے۔
ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے۔
انھوں نے کہا کہ شہریوں سے گزارش ہے موسم برسات میں احتیاطی تدابیر اختیار کریں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار