بلاول کوزرداری اور مریم کو نوازشریف اورشہبازشریف ہی سمجھاسکتےہیں،راناثناء اللہ
اشاعت کی تاریخ: 7th, October 2025 GMT
اسلام آباد:وزیراعظم کے مشیرراناثناء اللہ نے کہاہے کہ ن لیگ اور پیپلزپارٹی مخالف ضرورہیں مگردشمن جماعتیںنہیں، بلاول بھٹو کی بات مریم نوازکوناگوارگزری اور انہوں نے جواب دے دیا، بلاول کوصدرآصف زرداری اور مریم نوازکو نوازشریف اورشہبازشریف ہی سمجھاسکتےہیں۔
نجی ٹی وی کے پروگرام میں اظہارخیال کرتےہوئے راناثناء اللہ نے کہاکہ بلاول بھٹو نے پریس کانفرنس میں جوگفتگو کی اس سے ہمیں اختلاف ہے،اس سے ہمیں لگاکہ ہم کام ٹھیک نہیں کررہے ہیں۔انہوں نے کہاکہ مریم نوازشریف نے یہ بھی کہاکہ بلاول میرابھائی اور صدرآصف زرداری بزرگ ہیں ،بلاول کو کوئی تجویزدینی تھی تو فون اٹھاتے بہن سے بات کرلیتے۔ انہوں نے کہاکہ بلاول کوصدرآصف زرداری اور مریم نوازکو نوازشریف اورشہبازشریف ہی سمجھاسکتےہیں،اس معاملے میں آصف زرداری اور شہبازشریف کے علاوہ کوئی متعلقہ فریق نہیں ہے۔
اس موقع پرپیپلزپارٹی کے رہنما قمرزمان کائرہ نے کہاکہ جوکچھ ہورہاہے اس پر خوش نہیں ہوں ،ہماری طرف سے بھی جو باتیں ہوئیں وہ نہیں ہونی چاہئیں تھیں۔انہوں نے کہاکہ سیلاب کے دوران پیپلزپارٹی حکومت کےساتھ کھڑی رہی اور اسے سپورٹ کیا،سیلاب متاثرین کی امدادکے حوالے سے ہم کہہ رہے ہیں کہ آپ کاطریقہ کاردرست نہیں ،پہلے سے آزمودہ طریقہ اپنائیں، نہروں پر پوچھاگیاتھا کہ کہاں پانی لے کرنہروں کو دیں گے ۔انہوں نے کہاکہ ہم نے کہاکہ کسانوں کاسب کوکچھ بہہ گیاہے انہیں کیش گرانٹ دیں ۔انہوں نے کہاکہ بلاول نے امدادمانگنے کامشورہ نہیں دیا، انہوں نے مریم نوازکی تعریف کی اورمشورہ دیا۔انہوں نے کہاکہ ہمالہجے تلخ ہوجائیں گے توہمارے تعلقات بھی تلخ ہوجائیں گے ۔
ذریعہ
ذریعہ: Daily Mumtaz
کلیدی لفظ: زرداری اور انہوں نے نے کہاکہ
پڑھیں:
’میری قبر پہلے ہی تیار ہے‘، موت کی تیاریوں سے متعلق عطا اللہ خان عیسیٰ خیلوی کا حیران کن بیان
پاکستان کے لیجنڈری گلوکار عطا اللہ خان عیسیٰ خیلوی نے اپنی زندگی سے متعلق ایک ایسا انکشاف کیا ہے جس نے مداحوں کو حیران کر دیا۔ معروف گلوکار کا کہنا ہے کہ انہوں نے اپنے آبائی علاقے عیسیٰ خیل میں اپنی قبر پہلے ہی تیار کروا رکھی ہے اور وہ آخرت کی تیاری کو زندگی کا اہم ترین حصہ سمجھتے ہیں۔ ان کے اس بیان نے سوشل میڈیا پر نئی بحث چھیڑ دی ہے جہاں صارفین اس پر مختلف آراء کا اظہار کر رہے ہیں۔
عطا اللہ خان عیسیٰ خیلوی نے حال ہی میں صحافی ارشاد بھٹی کے پوڈکاسٹ میں شرکت کی، جہاں انہوں نے اپنی زندگی، موسیقی اور ذاتی خیالات پر کھل کر گفتگو کی۔ اس دوران انہوں نے بتایا کہ انہوں نے اپنی قبر پہلے ہی تیار کروا رکھی ہے۔
انہوں نے کہا کہ میں نے آخرت کی تیاری کر لی ہے۔ میری قبر عیسیٰ خیل میں تیار ہے، مکمل بن چکی ہے۔ اگر آپ میری زندگی میں آئیں گے تو میں آپ کو دکھا دوں گا ورنہ بعد میں خود ہی دیکھ لیں گے۔ ہمارا اپنا خاندانی قبرستان بھی ہے، جہاں میں نے اپنے لیے ایک قبر مخصوص کر رکھی ہے۔ اس کے ساتھ چند جگہیں اور بھی ہیں جن میں سے ایک کے بارے میں میں نے مذاق میں کہا تھا کہ وہ میری اہلیہ کے لیے ہے لیکن ساتھ ہی کہا کہ مذاق کر رہا ہوں حقیقت میں صرف اپنی قبر محفوظ کروائی ہے۔ اللہ ہم سب پر رحم فرمائے۔
گلوکار نے قبر کے بارے میں بتایا کہ یہ خیال اس وقت آیا جب میں نے ایک فارم ہاؤس اور مسجد تعمیر کروائی۔ پھر سوچا کہ میرے لیے بھی ایک جگہ ہونی چاہیے۔ میں اپنے کئی قریبی دوستوں، عزیزوں، خاندان کے افراد اور اپنی والدہ کو کھو چکا ہوں، اسی لیے موت کا خیال ہمیشہ ذہن میں رہتا ہے۔ میری صرف یہی دعا ہے کہ اللہ مجھے پُرسکون موت عطا فرمائے۔
یہ بھی پڑھیں: عطااللہ عیسیٰ خیلوی کس کے لکھے گانے گا کر مشہور ہوئے؟
عطا اللہ خان عیسیٰ خیلوی کے اس بیان کے بعد سوشل میڈیا پر مختلف آراء سامنے آنے لگیں۔ ایک صارف نے لکھا قبر پہلے سے بنوانا درست نہیں البتہ کفن کی تیاری کی جا سکتی ہے۔
ایک اور نے تبصرہ کیا صرف قبر تیار کر لینا کافی نہیں، اصل تیاری آخرت کی ہونی چاہیے۔ ایک صارف نے لکھا کہ ان کا ایمان مضبوط ہے، ہم تو قبر کا ذکر کرنے سے بھی گھبراتے ہیں جبکہ ایک اور صارف کا کہنا تھا قبر بنانے کے بجائے اگر اولڈ ایج ہوم بنا دیتے تو زیادہ بہتر ہوتا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
عطااللہ عیسیٰ خیلوی عیسیٰ خیلوی عیسیٰ خیلوی قبر قبر گلوکار ویڈیو وائرل
تحریکِ تحفظِ آئینِ پاکستان کا پارلیمنٹ ہائوس سے دھرنا ختم