رواں سال شہر میں کوئی سنگین واردات نہیں ہوئی،ناصر آفتاب پٹھان
اشاعت کی تاریخ: 21st, November 2025 GMT
data-id="863a0a8" data-element_type="widget" data-widget_type="theme-post-content.default">
قنبرعلی خان (نمائندہ جسارت) ڈی آئی جی پولیس لاڑکانہ ڈویژن رینج ناصر آفتاب پٹھان نے کہا ہے کہ رواں سال شہر میں کوئی سنگین واردات سامنے نہیں آئی، جو پولیس کی مؤثر حکمتِ عملی اور مربوط کارروائیوں کا نتیجہ ہے۔ پولیس نے ریگولر کرائم پر نمایاں حد تک قابو پالیا ہے۔ جبکہ جرائم کی شرح میں مجموعی طور پر واضح کمی ریکارڈ کی گئی ہے۔ یہ بات انہوں نے ضلع کشمور میں اہم پریس کانفرنس سے خطاب کرتے ہوئے کہی۔ ڈی آئی جی ناصر آفتاب نے کہاکہ فصلوں کے سیزن میں عموماً جرائم بڑھ جاتے ہیں، تاہم اس حوالے سے پولیس مکمل طور پر الرٹ ہے اور مشکوک سرگرمیوں کی نگرانی سخت کردی گئی ہے۔ ایک سال قبل ضلع بھر کے شہر شام ہوتے ہی سنسان ہوجاتے تھے مگر اب صورتحال میں نمایاں بہتری آئی ہے، جس کی بدولت تجارتی سرگرمیوں میں بھی اضافہ ہوا ہے جبکہ گزشتہ رات گڈو جاتے ہوئے شہر میں کھلی دکانیں دیکھ کر خوشی ہوئی، یہ امن کی بحالی کا بین ثبوت ہے۔ انہوں نے مزید کہاکہ اب چھوٹے جرائم پر بھی سخت کارروائی کی جارہی ہے تاکہ جرائم پیشہ عناصروں کیلئے کوئی گنجائش باقی نہ رہے۔ ڈی آئی جی لاڑکانہ نے یہ اعلان بھی کیا کہ کچے کے علاقوں میں امن و امان مزید مضبوط بنانے کے لیے ماڈل پولیس تھانے قائم کئے جائیں گے جن کو جدید خطوط پر استوار کیا جائے گا جس سے پولیس کی رسائی اور ردعمل بہتر ہوگا جبکہ پولیس کو بھی مزید مضبوط کیا جائے گا تاکہ اس کے دیرپا اثرات قائم رہیں جس کیلئے حکومت سندھ نے اچھے ریسورسز مختص کئے ہیں انہوں کہاکہ اگر دیکھا جائے کہ ایک طرف حکومت کی طرف سے ڈاکوؤں کیلئے سرنڈر پالیسی وضح کی گئی ہے تو دوسری جانب پولیس کو بھی مضبوط کرنے کا کام جاری ہے، قبائلی تنازعات کے خاتمے کے حوالے سے پریس کانفرنس کرتے ہوئے ڈی آئی جی ناصر آفتاب پٹھان نے کہا کہ اس حوالے سے ہمارے اقدامات جاری ہیں اور جلد نمایاں بہتری دیکھنے کو ملے گی۔
ذریعہ: Jasarat News
کلیدی لفظ: ناصر ا فتاب ڈی ا ئی جی
پڑھیں:
وزیراعظم کے حکم پر سیاحتی مقام میں پانی کے راستے میں کوئی ہوٹل نہیں بنے گا؛ مصدق ملک
سٹی 42 : وفاقی وزیر موسمیاتی تبدیلی مصدق ملک نے کہا ہے کہ وزیراعظم کے حکم پر سیاحتی مقام میں پانی کے راستے میں کوئی ہوٹل نہیں بنے گا۔
وفاقی وزیر موسمیاتی تبدیلی مصدق ملک نے میڈیا سے غیر رسمی گفتگو کے دوران کہا کہ وزارت موسمیاتی تبدیلی کے اوپر کافی ذمہ داریاں ہیں، ہماری وزارتوں میں لوگ فیلڈ میں کم جاتے ہیں۔ انہوں نے بتایا کہ فیڈریشن کے کام میں تبدیلی کی ضرورت ہے۔ ہم نے جتنے پروگرام پیش کیئے ہیں ہمارے پاس فنڈز موجود ہیں۔
نادرا کا سسٹم ڈاؤن ، بیرون ملک جانے کیلئے پولیو سرٹیفکیٹ کا اجرا بند
مصدق ملک نے کہا کہ وزارت موسمیاتی تبدیلی میں چیئرمین کی ضرورت ہے جس کے لیئے انٹرویوز لے رہے ہیں۔ انہوں نے کہا کہ سیلاب کے دوران متاثرہ لوگوں کے ساتھ کھڑا تھا، سیلاب میں 70 فیصد کشتیاں 1122 کی تھی، سرکاری اداروں کی کشتیاں زیادہ موجود تھی۔
وزیر موسمیاتی تبدیلی کے مطابق وزیراعظم کے حکم پر سیاحتی مقام میں پانی کے راستے میں کوئی ہوٹل نہیں بنے گا۔ انہوں نے کہا کہ میں روزانہ میڈیا پر جاتا ہوں لیکن کوئی صحت، تعلیم اور موسمیاتی تبدیلی پر سوال نہیں کرتا، ان کو بھی سیاست کا حصہ سمجھنا چاہیے۔
پبلک سروس کمیشن کے امتحانات، خیبر پختونخوا میں دفعہ144 نافذ
مصدق ملک نے کہا کہ 56 فیصد کاربن ایمیشن 3 ممالک پروڈیوس کرتے ہیں جو کوپ 30 میں نہیں آئے، جو ملک کاربن ایمیشن کر رہے ہیں وہی گرین فائننسنگ لے رہے ہیں۔ یہ نا انصافی ہم دنیا کے ہر فورم پر اٹھا رہے ہیں۔ انہوں نے کہا کہ 10ملک 85 فیصد گرین فائننسنگ لے رہے ہیں۔ 80 فیصد ممالک کے لیے 15 فیصد فاننسنگ رکھی گئی ہے۔
انہوں نے مزید کہا کہ پاکستان کی پیکجنگ کو ریسائکل پلاسٹک کر دیا جائے تو اس کا برڈن عام آدمی پر آئے گا، یہ نا انصافی دنیا کے فورم پر اُٹھائی ہے۔
کن علاقوں میں کل بجلی بند رہے گی؟ اعلان ہوگیا
سرکاری اسکیم کے تحت حج کے خواہشمندوں کیلئے اہم اعلان