لاہور ٹیسٹ: جنوبی افریقا کا پاکستان کے خلاف ہدف کا تعاقب جاری، 2 وکٹوں کے نقصان پر 51 رنز
اشاعت کی تاریخ: 14th, October 2025 GMT
data-id="863a0a8" data-element_type="widget" data-widget_type="theme-post-content.default">
لاہور میں پاکستان اور جنوبی افریقا کے درمیان جاری دو ٹیسٹ میچوں کی سیریز کے پہلے ٹیسٹ کے تیسرے روز کا کھیل اختتام پذیر ہوگیا۔
مہمان ٹیم نے پاکستان کے 277 رنز کے ہدف کے تعاقب میں 2 وکٹوں کے نقصان پر 51 رنز بنالیے ہیں، اسے کامیابی کے لیے مزید 226 رنز درکار ہیں۔
میچ کے دوران پاکستان نے پہلی اننگز میں 378 رنز بنائے تھے، جس کے جواب میں جنوبی افریقا کی ٹیم 269 رنز پر ڈھیر ہوگئی۔ دوسری اننگز میں پاکستانی بیٹنگ لائن زیادہ دیر مزاحمت نہ کرسکی اور پوری ٹیم 167 رنز پر آؤٹ ہوگئی۔
ہدف کے تعاقب میں جنوبی افریقا کی جانب سے کپتان ایڈن مارکر 3 رنز اور ویان مولڈر بغیر کوئی رن بنائے آؤٹ ہوئے۔ تیسرے روز کے اختتام پر ریان ریکلٹن 29 اور زورزی 16 رنز کے ساتھ کریز پر موجود ہیں۔ پاکستان کی جانب سے دونوں وکٹیں اسپنر نعمان علی کے حصے میں آئیں۔
پاکستان کی دوسری اننگز میں بلے باز نمایاں کارکردگی نہ دکھا سکے۔ اوپنر امام الحق جو پہلی اننگز میں 93 رنز بناکر چمکے تھے، اس بار صرف چند رنز پر اسٹمپ ہوگئے۔ کپتان شان مسعود بھی 7 رنز بناکر پویلین لوٹ گئے۔ عبداللہ شفیق نے 41 اور بابراعظم نے 42 رنز کی اننگز کھیلی مگر کوئی بھی بڑی شراکت قائم نہ ہوسکی۔
سعود شکیل 38 رنز بناکر آؤٹ ہوئے، جب کہ محمد رضوان 14، آغا سلمان 4، نعمان علی 11 اور ساجد خان ایک رن بناسکے۔ یوں پاکستانی ٹیم صرف 167 رنز پر سمٹ گئی۔
تیسرے دن کے اختتام پر میچ دلچسپ مرحلے میں داخل ہوگیا ہے۔ اب دیکھنا یہ ہے کہ جنوبی افریقا چوتھے روز ہدف کے تعاقب میں کتنا بہتر کھیل پیش کرتا ہے یا پاکستان کے بولرز بازی پلٹنے میں کامیاب ہوتے ہیں۔
.
ذریعہ
ذریعہ: Jasarat News
کلیدی لفظ: جنوبی افریقا
پڑھیں:
یورپی یونین کا گوگل پر 89 کروڑ یورو جرمانہ، سرچ انجن پر اجارہ داری کے غلط استعمال کا الزام
یورپی یونین نے سرچ انجن کے شعبے میں مبینہ اجارہ داری کا غلط استعمال کرنے پر گوگل کے خلاف بڑا اقدام کرتے ہوئے کمپنی پر 89 کروڑ یورو (تقریباً ایک ارب امریکی ڈالر)کا جرمانہ عائد کر دیا ہے۔ یورپی کمیشن کا کہنا ہے کہ گوگل نے اپنی بالادست پوزیشن کا فائدہ اٹھاتے ہوئے حریف کمپنیوں کے ساتھ غیر منصفانہ رویہ اختیار کیا اور اپنی مختلف سروسز کو ناجائز برتری فراہم کی۔
یورپی کمیشن کی جانب سے جاری بیان کے مطابق گوگل نے سرچ انجن میں اپنی مضبوط پوزیشن استعمال کرتے ہوئے شاپنگ، ٹریول، گیمز اور دیگر سروسز کو سرچ نتائج میں نمایاں جگہ دی، جبکہ حریف کمپنیوں کی سروسز کو نیچے دکھایا گیا، جس سے منصفانہ مسابقت متاثر ہوئی۔
کمیشن نے کہا کہ یہ طرزِ عمل ڈیجیٹل مارکیٹس ایکٹ (Digital Markets Act) کی خلاف ورزی ہے، جس کے تحت بڑی ٹیکنالوجی کمپنیوں کو اپنی سروسز کے حق میں امتیازی یا جانبدارانہ رویہ اختیار کرنے کی اجازت نہیں۔
یورپی کمیشن نے گوگل پر یہ الزام بھی عائد کیا کہ کمپنی نے گوگل پلے اسٹور پر ایپ ڈویلپرز کو صارفین کو متبادل ادائیگی کے طریقوں سے آگاہ کرنے سے روکا، تاکہ گوگل کی سروس فیس برقرار رہے۔ کمیشن کے مطابق یہ عمل بھی ڈیجیٹل مارکیٹس ایکٹ کی خلاف ورزی کے زمرے میں آتا ہے، جس کا مقصد بڑی ٹیکنالوجی کمپنیوں کی اجارہ داری کو روکنا ہے۔
کمیشن نے گوگل کو ہدایت کی ہے کہ وہ 60 دن کے اندر فیصلے پر عملدرآمد کرے، بصورت دیگر کمپنی کو مزید جرمانوں کا سامنا کرنا پڑ سکتا ہے۔دوسری جانب گوگل نے فیصلے پر ردعمل دیتے ہوئے کہا ہے کہ یورپی کمیشن کے اس اقدام سے یورپی صارفین اور کاروباری اداروں کو نقصان پہنچ سکتا ہے۔
یہ پہلا موقع نہیں کہ یورپی یونین نے گوگل کے خلاف کارروائی کی ہو۔ 2018 میں اینڈرائیڈ آپریٹنگ سسٹم میں اجارہ داری کے الزام پر گوگل پر 4.7 ارب ڈالر کا جرمانہ عائد کیا گیا تھا، جبکہ 2017 میں سرچ انجن کے شعبے میں مسابقتی قوانین کی خلاف ورزی پر کمپنی کو 2.8 ارب ڈالر جرمانے کا سامنا کرنا پڑا تھا۔ بعد ازاں ان مقدمات میں گوگل کی اپیلیں بھی مسترد کر دی گئی تھیں۔
ماہرین کا کہنا ہے کہ تازہ کارروائی سے یورپی یونین اور امریکا کے درمیان تجارتی کشیدگی میں مزید اضافہ ہو سکتا ہے، کیونکہ امریکی انتظامیہ اس سے قبل یورپی یونین کی بعض تجارتی اور ڈیجیٹل پالیسیوں پر تحفظات کا اظہار کر چکی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار