اثاثے ضبط کی کوشش پر روس کا یورپی یونین کو انتباہ
اشاعت کی تاریخ: 14th, October 2025 GMT
برسلز:۔بیلجیئم میں تعینات روس کے سفیر دینس گونچار نے خبردار کیا ہے کہ اگر یورپی یونین نے روس کے خودمختار مالیاتی اثاثوں کو ضبط یا استعمال کرنے کی کوشش کی، تو اسے بین الاقوامی قانون کی خلاف ورزی تصور کیا جائے گا اور روس کی جانب سے مناسب جواب دیا جائے گا۔
سفیر گونچار نے روسی خبررساں ایجنسی تاس کو دیے گئے ایک انٹرویو میں کہا کہ خودمختار اثاثوں کو ضبط کرنا یا ان کا استعمال کرنا دراصل چوری کے مترادف ہے، جو کہ بین الاقوامی قوانین کے منافی ہے۔ اگر یورپی یونین اس منصوبے پر عمل درآمد کرتی ہے، تو ان کی باہمی یکجہتی کی تمام باتیں ختم ہو جائیں گی اور وہ صرف اپنے نقصانات گننے پر مجبور ہوں گے۔
انہوں نے مزید کہا کہ جیسے جیسے یوکرین کی جنگی صورتحال بگڑ رہی ہے، میدانِ جنگ میں کیف کی شکست اور معاشی بحران گہرا ہوتا جا رہا ہے، اجتماعی مغرب کے لیے بھی یوکرینی حکومت کو مالی سہارا دینا مشکل ہوتا جا رہا ہے۔
سفیر کے مطابق، ایسی صورتحال میں یورپی یونین کی قیادت اور چند انتہائی روس مخالف ممالک، خاص طور پر بیلجیئم جیسے ہچکچاہٹ کا شکار ممالک پر دباﺅ ڈال رہے ہیں تاکہ وہ روس کے منجمد اثاثے ضبط کرنے کی اسکیم پر آمادہ ہو جائیں۔ انہوں نے زور دیتے ہوئے کہا کہ روس ایسی کسی بھی حرکت کو قانونی نہیں مانے گا اور ردعمل سخت اور متناسب ہوگا۔
.
ذریعہ: Al Qamar Online
کلیدی لفظ: یورپی یونین
پڑھیں:
کے پی میں غیر قانونی مائنگ سکینڈل: ٹھیکیدار کے اثاثے منجمند کر دیے گئے
خیبر پختونخوا میں غیر قانونی مائنگ سکینڈل میں ملوث ایک ٹھیکیدار کے کروڑوں روپے کے اثاثے منجمد کر دیے گئے ہیں۔
احتساب عدالت میں اینٹی منی لانڈرنگ ایکٹ کے تحت دائر درخواست کی سماعت احتساب جج حامد مغل نے کی، جس دوران نیب کے سینئر پراسیکیوٹر حبیب اللہ بیگ عدالت میں پیش ہوئے۔ عدالت نے ٹھیکیدار کے تمام اثاثے منجمد کرنے کا حکم جاری کر دیا۔
نیب پراسیکیوٹر کے مطابق ملزم زرگل خان دیگر ساتھیوں کے ساتھ مل کر کاکول کے گزارہ جنگلات میں غیر قانونی مائنگ کا مرکزی کردار رہا ہے۔ تحقیقات میں سامنے آیا کہ 2010 سے جولائی 2025 تک ملزم نے ایک لاکھ 41 ہزار 869 میٹرک ٹن فاسفیٹ نکالا، جس سے قومی خزانے کو تقریباً 643.7 ملین روپے کا نقصان پہنچا۔ مزید شواہد ملے کہ ملزم منی لانڈرنگ میں بھی ملوث رہا۔
ملزم کے نام ایبٹ آباد میں آٹھ مختلف پلاٹس اور تین قیمتی گاڑیاں رجسٹرڈ ہیں۔ عدالت نے درخواست پر عمل کرتے ہوئے زرگل خان کے اثاثے اینٹی منی لانڈرنگ ایکٹ 2010 اور نیب آرڈیننس کے تحت منجمد کرنے کا حکم دے دیا۔
پاکستان نے زمبابوے کو یک طرفہ مقابلے میں شکست دے کر سہ فریقی سیریز کے فائنل میں جگہ بنالی، عثمان طارق کی ہیٹرک