انسٹاگرام نے بالغ مواد کو محدود کرنے کے لیے بڑا قدم اٹھا لیا
اشاعت کی تاریخ: 14th, October 2025 GMT
انسٹاگرام نے منگل کے روز نوعمر صارفین یعنی ٹین ایج اکاؤنٹس کے لیے مواد کی فلٹرنگ کے نظام کو سخت کر دیا ہے تاکہ اسے فلموں کے لیے استعمال ہونے والے پی جی 13 ریٹنگ معیار کے مطابق بنایا جا سکے۔
یہ اقدام اس وقت سامنے آیا ہے جب میٹا اور دیگر سوشل میڈیا پلیٹ فارمز پر دباؤ بڑھ رہا ہے کہ وہ صارفین، خصوصاً بچوں، کی فلاح و بہبود کے مقابلے میں منافع اور مشغولیت کو ترجیح نہ دیں۔
Teen Accounts will be guided by PG-13 movie ratings, meaning teens will see content on Instagram that’s similar to what they’d see in a PG-13 movie, by default.
— Meta Newsroom (@MetaNewsroom) October 14, 2025
میڈیا رپورٹس کے مطابق انسٹاگرام نے بتایا کہ ٹین اکاؤنٹس کے لیے یہ اپ ڈیٹ گزشتہ سال ستمبر میں ان کے آغاز کے بعد سے سب سے اہم تبدیلی ہے۔
اس اپ ڈیٹ کے بعد، انسٹاگرام پر نوعمر صارفین اس سطح کا بالغ مواد دیکھ سکیں گے جو عام طور پر ان فلموں میں دکھایا جاتا ہے جنہیں امریکی موشن پکچر ایسوسی ایشن نے پی جی 13 ریٹنگ دی ہو، یعنی ایسا مواد جو 13 سال سے کم عمر بچوں کے لیے غیر موزوں سمجھا جاتا ہے۔
یہ بھی پڑھیں:انسٹا گرام سے فائدہ کیسے اٹھائیں؟
پی جی 13 ریٹنگ کا مطلب ہے کہ کسی فلم میں تشدد، منشیات کے استعمال، یا عریانی کے ہلکے مناظر شامل ہو سکتے ہیں، اس لیے والدین کو اپنے بچوں کے لیے محتاط رہنے کی ہدایت کی جاتی ہے۔
میٹا کی چائلڈ پروٹیکشن سربراہ کیپوسین ٹفیئر کے مطابق، یہ فیصلہ اس کوشش کا حصہ ہے جس کا مقصد نوعمروں کے لیے سب سے محفوظ ترتیب اپنانا ہے۔
انہوں نے بتایا کہ وہ مواد جو انتہائی سخت ڈائیٹس، یا شراب و تمباکو کے استعمال کی تعریف کرتا ہو، اسے پی جی 13 معیار کے تحت محدود کر دیا جائے گا۔
میٹا نے کہا ہے کہ وہ اب بھی عمر کی شناخت کرنے والی ٹیکنالوجی استعمال کرتا رہے گا تاکہ ایسے صارفین کی نشاندہی کی جا سکے جو عمر چھپا کر بالغ اکاؤنٹس بنانے کی کوشش کرتے ہیں۔
مزید پڑھیں:میٹا نے فیس بک، انسٹا گرام صارفین کو سب سے بڑی سہولت مفت فراہم کردی
انسٹاگرام پہلے ہی خوفناک یا جنسی نوعیت کے مواد کو ٹین اکاؤنٹس پر ظاہر ہونے سے روکتا ہے۔
نئی اپ ڈیٹ کے تحت ایسے پوسٹس جو خطرناک سرگرمیوں یا چیلنجز کو فروغ دیں مثلاً ’رسکی چیلنجز‘ انہیں چھپا دیا جائے گا اور وہ تجاویز میں بھی شامل نہیں ہوں گی۔
یہ نیا فیچر پہلے مرحلے میں آسٹریلیا، برطانیہ، کینیڈا اور امریکا میں متعارف کرایا جا رہا ہے، اور آنے والے مہینوں میں دیگر ممالک تک توسیع دی جائے گی۔
اس اسکیم کے تحت فلموں کی ریٹنگ ایک آزاد درجہ بندی بورڈ کرتا ہے جو والدین پر مشتمل ہوتا ہے۔
مزید پڑھیں:بھارت کی درخواست پر وزیر دفاع خواجہ آصف کا انسٹا گرام اکاؤنٹ بلاک
انسٹاگرام پر والدین اب یہ اختیار حاصل کر سکیں گے کہ وہ ’محدود مواد‘ کا آپشن منتخب کریں، جس کے بعد نوعمر صارفین کسی پوسٹ کے نیچے تبصرے دیکھنے، لکھنے یا وصول کرنے کے قابل نہیں ہوں گے۔
میٹا کے مطابق، اگلے سال سے یہی ’محدود مواد‘ فیچر مصنوعی ذہانت کے چیٹ ٹولز کے ساتھ نوعمروں کی گفتگو کو بھی محدود کرے گا۔
ادھر کیلیفورنیا میں ایک نیا قانون نافذ ہوا ہے جس کے تحت چیٹ بوٹس چلانے والی کمپنیوں کو اپنی سروسز میں اہم حفاظتی اقدامات شامل کرنا لازمی قرار دیا گیا ہے۔
یہ قانون اس وقت سامنے آیا ہے جب انکشاف ہوا کہ کچھ نوجوانوں نے خودکشی سے قبل چیٹ بوٹس سے بات چیت کی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انسٹاگرام بالغ پی جی 13 صارفین نوعمرذریعہ: WE News
کلیدی لفظ: انسٹاگرام بالغ پی جی 13 صارفین کے مطابق پی جی 13 کے تحت کے لیے
پڑھیں:
پنجاب کابینہ میں توسیع، دو نئے وزرا نے حلف اٹھا لیا
گورنرپنجاب سردار سلیم حیدر خان نے پنجاب کابینہ میں نئے شامل ہونے والے منسٹر رانا محمد اقبال اور منشا اللہ بٹ سے ان کے عہدے کا حلف لیا۔
حلف برادری تقریب میں اسپیکر و ڈپٹی اسپیکر پنجاب اسمبلی ملک احمد، زیر اقبال چنڑ سینئر صوبائی وزیر مریم اورنگزیب،چیف سیکرٹری پنجاب اور پوری صوبائی کابینہ نے شرکت کی۔
نئی تعینات ہونے والی وزیر اعلی کی ایڈوائزر انوشہ رحمان نے بھی تقریب میں شرکت کی جبکہ چیف سیکرٹری پنجاب نے حلف کا تقرر نامہ پڑھ کر سنایا۔
گورنر ہاؤس میں ہونے والی حلف برادری تقریب میں سیاسی اور سماجی لوگوں کی کثیر تعداد نے شرکت کی۔
سعودی عرب میں پاکستانی ہنرمندوں کی مانگ میں تیز اضافہ، دوطرفہ منصوبہ بندی تیز