اسٹاک ایکسچینج میں منافع کے حصول کا رجحان، ابتدائی تیزی زائل
اشاعت کی تاریخ: 15th, October 2025 GMT
پاکستان اسٹاک ایکسچینج میں بدھ کے روز اتار چڑھاؤ کا سلسلہ جاری رہا، جہاں کاروباری سیشن کے اختتام پر بینچ مارک کے ایس ای 100 انڈیکس معمولی اضافے کے ساتھ 210 پوائنٹس اوپر بند ہوا۔
کاروبار کا آغاز مثبت رجحان سے ہوا جب سرمایہ کاروں نے بین الاقوامی مالیاتی فنڈ اور پاکستانی حکام کے درمیان اسٹاف لیول معاہدے پر پہنچنے کی خبر کا خیرمقدم کیا۔
یہ بھی پڑھیں: اسٹاک ایکسچینج میں زبردست تیزی، انڈیکس میں 7 ہزار پوائنٹس کا اضافہ
اسی دوران کے ایس ای-100 انڈیکس ایک موقع پر 167,561.
Market Close Update: Positive Today! ????
???????? KSE 100 ended positive by +210.4 points (+0.13%) and closed at 165,686.4 with trade volume of 893.8 million shares and value at Rs. 56.07 billion. Today's index low was 165,357 and high was 167,562. pic.twitter.com/JCXhVZyhj4
— Investify Pakistan (@investifypk) October 15, 2025
تاہم، سیشن کے دوسرے حصے میں منافع کے حصول کے باعث ابتدائی تیزی کم ہوگئی، کیونکہ سرمایہ کار بدلتے ہوئے مارکیٹ رجحان کے باعث محتاط نظر آئے۔
کاروبار کے اختتام پر کے ایس ای 100 انڈیکس 165,686.38 پوائنٹس پر بند ہوا، جو کہ 210.36 پوائنٹس یعنی 0.13 فیصد کا اضافہ ظاہر کرتا ہے۔
مزید پڑھیں:اسٹاک ایکسچینج میں شدید اتار چڑھاؤ، انڈیکس 1,400 پوائنٹس گر گیا
اہم پیش رفت کے طور پر، آئی ایم ایف اور پاکستان کے درمیان 37 ماہ کے ایکسٹینڈڈ فنڈ فیسیلٹی کے تحت دوسرے جائزے اور 28 ماہ کے ریزیلینس اینڈ سسٹین ایبلٹی فیسیلٹی کے پہلے جائزے کے لیے اسٹاف لیول معاہدہ طے پا گیا۔
آئی ایم ایف کے بدھ کے روز جاری بیان میں کہا گیا کہ یہ اسٹاف لیول معاہدہ ایگزیکٹو بورڈ کی منظوری سے مشروط ہے۔
منظوری کے بعد، پاکستان کو تقریباً 1 ارب ڈالر ای ایف ایف کے تحت اور 200 ملین ڈالر آر ایس ایف کے تحت دستیاب ہوں گے، جس سے دونوں پروگراموں کے تحت مجموعی ادائیگیاں تقریباً 3.3 ارب ڈالر تک پہنچ جائیں گی۔
منگل کے روز اسٹاک مارکیٹ میں تاریخی ریکوری دیکھی گئی تھی، جب تیزی کے رجحان نے بھرپور واپسی کی۔
مزید پڑھیں:پاکستان اسٹاک مارکیٹ کی تاریخی بلندی کا ملک کی معیشت سے کتنا تعلق ہے؟
کے ایس ای 100 انڈیکس 7,032.60 پوائنٹس کے بڑے اضافے کے ساتھ 165,476.02 پوائنٹس پر بند ہوا تھا۔
بین الاقوامی سطح پر، بدھ کے روز ایشیائی منڈیوں میں بھی محتاط بہتری دیکھنے میں آئی، جس کی وجہ امریکی فیڈرل ریزرو کے چیئرمین جیروم پاول کے نرم لہجے میں دیے گئے بیانات اور وال اسٹریٹ پر بینکوں کے بہتر منافع رہے۔
تاہم، امریکا اور چین کے مابین تجارتی کشیدگی نے سرمایہ کاروں کے اعتماد کو محدود رکھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
100 انڈیکس آئی ایم ایف ایکسٹینڈڈ فنڈ فیسیلٹی پاکستان اسٹاک ایکسچینج تیزی رجحان ریزیلینس اینڈ سسٹین ایبلٹی فیسیلٹیذریعہ: WE News
کلیدی لفظ: 100 انڈیکس ا ئی ایم ایف پاکستان اسٹاک ایکسچینج تیزی اسٹاک ایکسچینج میں کے ایس ای 100 انڈیکس کے روز
پڑھیں:
اسٹاک ایکسچینج میں شدید مندی کے بعد آج بڑی تیزی، 4 ہزار سے زائد پوائنٹس کا اضافہ
کراچی:پاکستان اسٹاک ایکسچینج میں گزشتہ روز کی شدید مندی کے بعد آج بڑی تیزی دیکھنے میں آ رہی ہے، جہاں 4 ہزار سے زائد پوائنٹس کا اضافہ ریکارڈ ہو چکا ہے۔
بازار حصص میں کاروباری ہفتے کے دوسرے دن مارکیٹ کا آغاز 3 ہزار 652 پوائنٹس کی بڑی تیزی کے ساتھ ہوا، جس کے نتیجے میں کے ایس ای 100 انڈیکس بڑھ کر ایک لاکھ 62 ہزار 96 پوائنٹس کی سطح پر آ گیا۔
یہ خبر بھی پڑھیں: سرحدی جھڑپوں سے اسٹاک مارکیٹ میں بھونچال، 5 کھرب ڈوب گئے
بعد ازاں پی ایس ایکس میں تیزی کا رجحان جاری رہا اور مجموعی طور پر 4 ہزار 249 پوائنٹس کی بڑی نوعیت کی تیزی کے ساتھ ہنڈرڈ انڈیکس بڑھ کر ایک لاکھ 62 ہزار 693 پوائنٹس پر ٹریڈ کررہا ہے۔
یاد رہے کہ گزشتہ روز اسٹاک مارکیٹ میں شدید نوعیت کی مندی دیکھی گئی تھی، جس کے نتیجے میں سرمایہ کاروں کے 5 کھرب ڈوب گئے تھے جب کہ مارکیٹ کئی نفسیاتی سطحیں کھو بیٹھی تھی۔
سکیورٹی فورسز کاڈی آئی خان میں آپریشن،7بھارتی سپانسرڈخوارج ہلاک،میجر سبطین حیدر وطن پر قربان ہو گئے