چین کی نایاب معدنیات کی برآمدات پر نئی پابندیاں، امریکا برہم
اشاعت کی تاریخ: 15th, October 2025 GMT
امریکی وزیرِ خزانہ اسکاٹ بیسنٹ نے چین کی جانب سے نایاب معدنیات کی برآمدات پر نئی پابندیوں کو ’دنیا بمقابلہ چین‘ قرار دیتے ہوئے کہا کہ واشنگٹن اور اس کے اتحادی نہ کسی کے حکم کے تابع ہوں گے، نہ کسی کے قابو میں۔
بدھ کے روز ایک پریس کانفرنس کے دوران اسکاٹ بیسنٹ نے کہا کہ حالیہ پیش رفت امریکا اور اتحادیوں کے لیے ایک واضح اشارہ ہے کہ انہیں مل کر کام کرنا ہوگا۔ ’۔۔۔اور ہم ایسا ہی کریں گے۔‘
یہ بھی پڑھیں:
یہ بیان ایسے وقت میں سامنے آیا ہے جب عالمی اقتصادی رہنما واشنگٹن میں آئی ایم ایف اورورلڈ بینک کے خزاں اجلاسوں میں شریک ہیں۔
Treasury Secretary Scott Bessent slams Beijing’s export controls on rare earths.
« This is China vs the world, » he tells reporters in DC. « If China wants to be an unreliable partner to the world, then world will have to decouple: » pic.twitter.com/QMP2HANENh
— James Franey (@jamesfraney) October 15, 2025
امریکی وزیرِ خزانہ نے کہا ہم علیحدگی نہیں چاہتے، مگر ہمیں خطرات کم کرنے اور اپنی سپلائی چینز کو چین پر انحصار سے جلد از جلد متنوع بنانا ہوگا۔”
یہ بیانات اس وقت سامنے آئے جب چند روز قبل بیجنگ نے نایاب ارضیاتی ٹیکنالوجی اور مصنوعات کی برآمدات پر نئی پابندیاں عائد کیں۔
چین ان معدنیات کا سب سے بڑا عالمی پروڈیوسر ہے، جن سے ایسی مقناطیسی مصنوعات تیار کی جاتی ہیں جو گاڑیوں، الیکٹرونکس اور دفاعی صنعتوں کے لیے ناگزیر ہیں۔
مزید پڑھیں:
اسی پریس کانفرنس میں امریکی تجارتی نمائندہ جیمیسن گریر نے کہ یہ صرف امریکا کا مسئلہ نہیں ہے۔ ’چین کا یہ اعلان دراصل عالمی سپلائی چین پر غلبہ حاصل کرنے کی کوشش ہے۔‘
’یہ کسی متناسب جوابی اقدام کا حصہ نہیں بلکہ دنیا کے ہر ملک پر معاشی دباؤ ڈالنے کی ایک حکمتِ عملی ہے۔ـ‘
واشنگٹن اور بیجنگ کے درمیان تجارتی کشیدگی ایک بار پھر بڑھ گئی ہے، جو امریکی صدر ڈونلڈ ٹرمپ کی دوسری مدتِ صدارت میں دوبارہ عروج پر پہنچ گئی ہے۔
مزید پڑھیں:
دونوں ممالک کے درمیان جوابی محصولات کبھی 3 ہندسوں تک جا پہنچے تھے۔
اگرچہ بعد میں کچھ نرمی آئی، لیکن اس معاشی جنگ بندی کا معاہدہ اب بھی غیر یقینی ہے اور نومبر کے اوائل میں ختم ہونے والا ہے۔
نایاب معدنیات سے متعلق تازہ پابندیوں کے بعد صدر ڈونلڈ ٹرمپ نے نومبر سے چین سے درآمد ہونے والی اشیا پر مزید 100 فیصد ٹیرف عائد کرنے کی دھمکی بھی دی ہے۔
اسکاٹ بیسنٹ نے عندیہ دیا کہ اگر چین اپنی معدنیات سے متعلق پابندیوں میں تاخیر کرے تو امریکا بھی بلند شرح محصولات کے نفاذ کو مؤخر کرنے پر غور کر سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی ایم ایف اسکاٹ بیسنٹ امریکا برآمدات چین نایاب معدنیات ورلڈ بینکذریعہ: WE News
کلیدی لفظ: ا ئی ایم ایف اسکاٹ بیسنٹ امریکا برا مدات چین نایاب معدنیات ورلڈ بینک نایاب معدنیات اسکاٹ بیسنٹ
پڑھیں:
نیشنل گارڈ ہلاک: غیر قانونی تارکین امریکا کے لیے خطرہ بنتے جا رہے ہیں، صدر ٹرمپ
امریکی صدر ڈونلڈ ٹرمپ نے کہا ہے کہ غیر قانونی تارکینِ وطن ملک میں آکر سنگین مسائل پیدا کر رہے ہیں، اور انہیں روکنے کے لیے مؤثر اقدامات ضروری ہیں۔ ان کا یہ بیان اس واقعے کے بعد سامنے آیا ہے جس میں ایک افغان نژاد مشتبہ شخص کی فائرنگ سے نیشنل گارڈ کی خاتون اہلکار جاں بحق ہوگئیں۔
غیر ملکی میڈیا کے مطابق صدر ٹرمپ نے حکام سے غیر قانونی تارکینِ وطن سے متعلق تفصیلی بات چیت کی ہے۔ انہوں نے کہا کہ امریکی سیکیورٹی اہلکار ملک کی خدمت کر رہے ہیں اور انہیں پیش آنے والے خطرات انتہائی تشویشناک ہیں۔
مزید پڑھیں:ٹرانسپرینسی ایکٹ پر دستخط، کیا ڈونلڈ ٹرمپ خود بھی اس کی لپیٹ میں آئیں گے؟
ٹرمپ نے بتایا کہ گزشتہ روز فائرنگ کے واقعے میں زخمی ہونے والی نیشنل گارڈ کی 20 سالہ اہلکار سارہ بیک اسٹروم دم توڑ گئی ہیں، جبکہ 24 سالہ دوسرا اہلکار اینڈریو وولف تشویشناک حالت میں زیر علاج ہے۔ ان کے مطابق حملہ آور نے گھات لگا کر اہلکاروں کو نشانہ بنایا۔
صدر ٹرمپ کا کہنا تھا کہ یہ واقعہ ایسے موقع پر ہوا ہے جب بائیڈن دور کی امیگریشن پالیسیوں میں کمزوریاں واضح ہو رہی ہیں۔ انہوں نے کہا کہ امریکا کے پاس دنیا کی بہترین فوج اور جدید ترین دفاعی آلات موجود ہیں، اور وینزویلا کے معاملے پر بھی جلد اقدامات کیے جائیں گے۔
مزید پڑھیں:ڈونلڈ ٹرمپ نے ورلڈ کپ شائقین کے لیے ’فیفا پاس‘ متعارف کرنے کا اعلان کردیا
ٹرمپ نے مزید بتایا کہ امریکی بی 2 طیاروں نے 37 گھنٹے طویل مشن مکمل کرکے اپنے ہدف کو کامیابی سے نشانہ بنایا۔ انہوں نے بی 2 طیاروں کے پائلٹس سے ملاقات کا ذکر کرتے ہوئے کہا کہ ان کی مہارت دیکھ کر وہ ٹام کروز جیسے محسوس ہوئے۔
واضح رہے کہ گزشتہ روز وائٹ ہاؤس کے قریب نیشنل گارڈ کے 2 اہلکاروں پر فائرنگ کی گئی تھی، جس کے بعد مشتبہ شخص افغانی رحمان اللّٰہ کو موقع سے گرفتار کرلیا گیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
افغانی امریکا امریکی صدر ڈونلڈ ٹرمپ تارکین وطن
مریم نواز کا ضمنی الیکشن میں (ن) لیگ کی شاندار کامیابی پر اظہار تشکر