کاشتکاروں سے ناانصافی‘ جماعت اسلامی 19اکتوبرکوکراچی تا کشموراحتجاج کریگی
اشاعت کی تاریخ: 16th, October 2025 GMT
data-id="863a0a8" data-element_type="widget" data-widget_type="theme-post-content.default">
251016-08-24
کراچی/ لاڑکانہ (اسٹاف رپورٹر/نمائندہ جسارت) جماعت اسلامی سندھ کے امیر کاشف سعید شیخ نے کہا ہے کہ دھان کے کاشتکاروں کو مناسب قیمت اورناجائز کٹوتیاں سراسرظلم ہے جماعت اسلامی اورکسان بورڈ کاشتکاروں کے ساتھ ہونے والی ناانصافیوں پر بھرپور آواز ٹھائے گی۔ حکومت ہوش کے ناخن لے دھان کے کاشتکاروںکو اپنا حق دلائے اوردھان کی قیمت فی من 4000روپے مقرر کی جائے۔ ان خیالات کا اظہار انہوں نے لاڑکانہ میں کسان بورڈ کے اجلاس سے خطاب کرتے ہوئے کیا۔ اس موقع پر ضلعی امیر ایڈووکیٹ نادر علی کھوسو، صدر کسان بورڈ ضلع لاڑکانہ گلشیر جکھرانی، قاری ابو زبیر جکھرو، طارق میر جٹ اور دیگر رہنما بھی موجود تھے۔ صوبائی امیر نے زوردیاکہ کاشتکاروں کو گندم، گنے، کپاس،دھان اور سبزیوں کی مناسب قیمتیں فراہم کی جائیں اور بیج اور کھاد کی قیمتوں میں رعایت دی جائے۔ کسانوں کو معاشی طور پر کمزورکرنے والے فیصلوں کو ختم کیا جائے تاکہ زراعت ترقی کر سکے اور کسان خوشحال ہو سکیں۔ سندھ کی 70 فیصد آبادی کا تعلق زراعت کے شعبے سے ہے، اس کے باوجود ہر سال دھان اور گندم کی قیمتوں میں کمی کرکے چھوٹے زمینداروں اور کسانوں کو بھوک اور افلاس کا شکار ہونے پر مجبور کیا جارہا ہے۔ جماعت اسلامی اور کسان بورڈ کاشتکار کو ان کے حقوق دلانے کے لیے ہر پلیٹ فارم سے جدوجہد جاری رکھے ہوئے ہے۔ اس سلسلے میں 19 اکتوبر بروز اتوار کراچی تاکشمور ’’کسانوں کو ان کے حقوق دو‘‘ کے عنوان سے احتجاجی مظاہرے کیے جائیں گے، جس میں ہم سندھ کے کسانوں اور کاشتکاروں سے بھرپور شرکت کی اپیل کرتے ہیں۔کاشف سعید شیخ نے مزید کہا کہ کسانوں کی فصلوں سے منافع کما کر مڈل مین اور مل مافیا ارب پتی بن چکے ہیں جبکہ خون پسینے سے فصلیں تیار کر کے منڈی تک لانے والے کسانوں کے بچے آج بھی کھانے اور کپڑوں کے لیے پریشان ہیں۔ مقامی صنعتکار، مڈل مین اور بااثر اشرافیہ کسانوں کے استحصال میں ملوث ہیں، جو فصلوں کی کٹائی کی شرط پر قیمتیں کم کرنے اور قلت کی حالت پر اجناس کی خرید و فروخت کرکے منافع کماتے ہیں، جس کی وجہ سے سندھ کے کسان اور کسان آج بھی بھوک اور بدحالی کا شکار ہیں۔ دھان کی قیمتوں میں اضافے اور غیر قانونی کمی کے خلاف گزشتہ کئی دنوں سے سندھ بھر میں کاشتکار سراپا احتجاج ہیں لیکن بدقسمتی سے ان کی فریاد کوئی نہیں سن رہا جس سے بے حس حکمرانوں کی عوام دشمنی صاف ظاہر ہوتی ہے۔ کاشف سعید شیخ نے سندھ حکومت سے پرزور مطالبہ کیا کہ کاشتکاروں اور کاشتکاروں کو گندم، کپاس، گنے اور سورج مکھی سمیت نقد آور فصلوں کی مناسب قیمتیں دینے سمیت ان کے تمام جائز مطالبات کو تسلیم کیا جائے تاکہ سندھ کے کاشتکاروں اور کاشتکاروں کی تقدیر بدلے اور ان کے دکھوں کا مداوا کیا جاسکے۔
ذریعہ
ذریعہ: Jasarat News
کلیدی لفظ: جماعت اسلامی اور کسان سندھ کے
پڑھیں:
سندھ حکومت کا مہنگے داموں پاسکو سے گندم خریدنے کا فیصلہ
(سٹی42)سندھ حکومت نے مہنگے داموں پاسکو سے گندم خرید کرنے کا فیصلہ کرلیا۔
2024 کی پرانی گندم پاسکو سے خرید ی جائے گی،پاسکو نے فی 40 کلو گرام کا 4150 روپے نرخ مقرر کیا ہے۔
پاسکو نے 2 لاکھ 20 ہزار 665 میٹرک ٹن گندم سندھ کو دینے کی پیشکش کی ہے،سندھ نے کاشت کاروں کیلئے 3500 روپے گندم خریداری کا نرخ مقرر کیا تھا لیکن کاشت کاروں نے کم نرخ کی وجہ سے گندم حکومت کو نہیں دی اورسندھ حکومت ایک لاکھ میٹرک ٹن گندم نہیں خرید سکی۔
سندھ حکومت نےرواں سال 10 لاکھ میٹرک ٹن گندم خرید کرنے کا ہدف مقرر کیا تھا،اب سندھ حکومت 650 روپے فی 40 کلو گرام 650 روپے مہنگی گندم خرید رہی ہے،سندھ حکومت نے بیرون ممالک سے 5 لاکھ میٹرک ٹن گندم درآمد کرنے کا فیصلہ بھی کیا ہے۔
محکمہ خوراک سندھ کے مطابق صوبے کو 16 لاکھ میٹرک ٹن سے زائد گندم کی قلت کا سامنا ہے، سندھ میں گندم کی ضرورت 65 لاکھ 30 ہزار میٹرک ٹن ہے،سندھ میں گندم کی پیداوار 47 لاکھ میٹرک ٹن سے زیادہ ہوئی ، جبکہ ایک لاکھ 40 ہزار میٹرک ٹن پرانی گندم کے ذخائر موجود ہیں۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
محکمہ خوراک کے مطابق اوپن مارکیٹ میں زیادہ نرخ کی وجہ کاشت کاروں سے گندم خرید نہیںسکے،گندم کی قلت کا سامنا کرنے کی وجہ سے گندم درآمد کرنی پڑے گی،سندھ کابینہ نے گزشتہ روز گندم در آمد کرنے کی منظوری دیدی ہے۔
پاکستان نے ورلڈ کپ 2028 کیلیے براہ راست کوالیفائی کر لیا