خدمت کے میدان میں جماعت اسلامی کا کوئی ثانی نہیں
اشاعت کی تاریخ: 13th, October 2025 GMT
data-id="863a0a8" data-element_type="widget" data-widget_type="theme-post-content.default">
251014-2-13
سکھر (نمائندہ جسارت) جماعت اسلامی صوبہ سندھ کے رہنما علامہ حزب اللہ جکھرو نے کہا ہے کہ خدمت کے میدان میں جماعت اسلامی کا کوئی ثانی نہیں ،سیلاب ہو زلزلہ ،قدرتی آفات ہوں یا بارش جماعت الخدمت کی صورت میں حاضرہوتی ہے۔وہ پنچائت ہال ڈہرکی میں الخدمت کی طرف سے اقلیتی برادری میں تحائف کی تقسیم کی تقریب میں مہمان خصوصی کی حیثیت میں خطاب کررہے تھے۔اس موقع پرہندو اقلیتی برادری کو تحائف تقسیم کیے گئے۔تقریب سے امیر ضلع گھوٹکی تشکیل احمد صدیقی، ضلع صدر الخدمت فاؤنڈیشن ساجد علی دایو، ڈاکٹر شنکر لال،روشن لال سمیت دیگر نے خطاب کیا جبکہ الخدمت رضا کاران فرحان خالد، عمار، شہاب سمیت درجنوں کارکنان بھی موجود تھے۔ مولانا حزب اللہ جکھرو نے کہا کہ ھم خدمت عبادت سمجھ کر کرتے ہیں ،آج بھی راشن اور دیگر اشیاآپ کی خوشی کے موقع پر دیکر محبت کا اظہار کررہے ہیں۔ملک اور بیرون ملک جماعت اسلامی مستحقین کو ہر موقع پر یاد کرتی ہے،غزہ کے مسلمانوں کی مدد کیلئے سیکڑون جہاز سامان سے بھر کر بھجوائے ہیں ،ہزاروں ٹن خوراک اور ادویات ودیگر اشیا سے بھرے جہاز بھجواکر امت کے پشتیبان کا حق ادا کیا ہے،جماعت اسلامی الخدمت کے ذریعے ملک بھر میں غریب عوام کی خدمت میں مصروف ہے، جماعت پر قوم کا اعتماد ہے اس لئے وسائل دیتے ہیں۔انہوں نے کہا کہ عوام کی بلا رنگ ونسل ومذہب خدمت ہماری پہچان ہے۔قوم جماعت کو ووٹ کی سپورٹ کرے تاکہ اقتدار میں آکر سارے وسائل دیانتداری سے عوام تک پہنچائیں،بغیر اقتدار کے اتنی خدمت کرسکتی تو اقتدار مین کیا نہ کرے گی۔پاکستان اللہ کی نعمت ہے اس کی حفاظت ہم سب کی ذمے داری ہے۔انہوں نے کھا کہ جماعت اسلامی پاکستان میں صاف شفاف پارٹی ہے ،دیانتدار قیادت اس کے پاس ہے، جماعت اسلامی عوامی حقوق کی ترجمان ہے۔مولانا حزب اللہ جکھرو نے کہا کہ الخدمت ہر تفریق سے بالا تر بوکر انسانیت کی خدمت میں پیش پیش ہے، قدرتی آفات ہوں یا دیگر مواقع الخدمت ملک بھر میں فلاحی رفاہی خدمات سرانجام دے رہی ہے۔ہندو اقلیتی برادری کے رہنماؤں نے تقریب کے انعقاد اور تحائف کی تقسیم پر الخدمت سے اظہار تشکر کیا۔قبل ازیں جماعت اسلامی کے صوبائی رہنما اور پروگرام کے مہمان خصوصی مولانا حزب اللہ جکھرو اور تشکیل احمد صدیقی کو سندھی اجرک اور ٹوپی کا تحفہ پیش کیا گیا جبکہ دیگر مہمانان کو اجرک کا تحفہ دیا گیا۔
ذریعہ
ذریعہ: Jasarat News
کلیدی لفظ: حزب اللہ جکھرو جماعت اسلامی نے کہا
پڑھیں:
شہدا ء کا مقام اور فضیلت
جے یو آئی کے قصور شہرمیں غیر متوقع طور پر بہت بڑے پاور شو اور عوامی اجتماع نے جہاں پنجاب کی سیاست میں ایک نئی روح پھونکی اور دہائیوں پر محیط روایتی سیاسی و غیر سیاسی مہروں کے متبادل ایک نئی عوامی طاقت کا احساس دلایا، وہاں اس جیتی جاگتی تبدیلی سے خائف حلقوں نے ہمیشہ کی طرح ایک فرسودہ اور ہتک آمیز حربہ اختیار کیا۔
جمعیت علمائے اسلام کے سربراہ مولانا فضل الرحمن کے ایک بیان کو سیاق و سباق سے ہٹ کر پیش کرتے ہوئے چائے کی پیالی میں طوفان برپا کرنے کی ناکام کوشش کی گئی اور یہ گمراہ کن پروپیگنڈا گھڑا گیا کہ انھوں نے معاذ اللہ فوجی جوانوں کے لیے "شہادت کی تنخواہ" کے الفاظ استعمال کیے، حالانکہ ان کا مدعا و مقصد ہر گز یہ نہیں تھا۔ مولانا نے اپنے خطاب میں ایک انتہائی عقلی اور اصولی نکتہ واضح کیا تھا۔ اصل میں اس گفتگو کا بنیادی محور قبائلی علاقوں میں مقامی لشکروں کی تشکیل تھا۔
حیرت کی بات یہ ہے کہ اس گفتگو کا درست مفہوم سیاسی مخالفین کو تو سمجھ آگیا لیکن سوشل میڈیا کے کارندوں کو سمجھ نہ آیا کیونکہ جان بوجھ کر منفی مطلب نکالنا ان کا شیوا ہے۔ یہاں ایک بنیادی اور تلخ سوال یہ پیدا ہوتا ہے کہ شہادت کا رتبہ، جہاد کی فضیلت اور شہید کا مقام کیا ہوتا ہے، یہ دینِ اسلام کے اسرار و رموز سے واقف، پوری زندگی قال اللہ و قال الرسول کی صدائیں بلند کرنے والا ایک جید عالمِ دین بہتر جانتا ہے یا پھر سوشل میڈیا کے مجاہدین۔ یہ پاکستان کا سب سے بڑا المیہ ہے کہ ملک کے ممتاز ترین عالمِ دین کو شہادت کی عظمت پر لیکچر دیئے جا رہے ہیں۔
ناقدین کو شاید یہ معلوم ہی نہیں کہ شہادت ایک شرعی اور دینی اصطلاح ہے، جس کا تقدس اور حقیقی مرتبہ علماء ہی جانتے ہیں۔ مولانا فضل الرحمن خود ہزاروں شہداء کے وارث ہیں۔
1857کی جنگ آزادی میں حضرت حافظ محمد ضامن شہیدؒ سمیت کلکتہ سے پشاور تک پھانسیوں پر لٹکائے جانے والے 51 ہزار علماء ان کے ہی اکابر تھے۔ پاکستان میں سیکڑوں کی تعداد میں شہید کیے جانے والے علماء، جن میں شیخ المشائخ مولانا محمد یوسف لدھیانوی شہیدؒ، مولانا سید شمس الدین شہیدؒ، مولانا حق نواز شہیدؒ، شیخ الحدیث مولانا حسن جان شہیدؒ، شیخ الحدیث مفتی نظام الدین شامزئی شہیدؒ، مفتی جمیل خان شہیدؒ، مولانا ڈاکٹر خالد محمود سومرو شہیدؒ اور دیگر بے شمار شخصیات شامل ہیں، ان کے جماعتی کارکن، دوست اور دست و بازو تھے، جن کو دن دہاڑے اس لیے شہید کیا گیا کہ وہ ریاست و آئین پاکستان کے ساتھ کھڑے تھے اور ان میں سے آج تک کسی ایک کے قاتل کو نہیں پکڑا گیا۔ جو شخص اور جو جماعت خود شہداء کی امین ہو، وہ بھلا شہداء کی توہین کا سوچ بھی کیسے سکتی ہے؟ قصور جلسہ کے ایک لفظ کو مسخ کر کے پہاڑ بنانے والوں کا یہ وقتی ابال بہت جلد بیٹھ جائے گا۔ تمام زندگی بلامعاوضہ ملک و ملت کی خدمت کرنے والے، مدارس و مساجد کی حفاظت کے لیے دن رات ایک کرنے والے، قبائل کے لوگوں کو بغاوت سے بچانے والے اور مسلح دہشت گردوں کے خلاف ریاست کے لیے خود کش حملے، دھمکیاں اور گالیاں برداشت کرنے والے زیرک رہنما کو غدار قرار دینا نا مناسب ہے۔
اسلام میں شہید کا مقام و مرتبہ انتہائی بلند اور منفرد ہے۔ قرآن مجید میں اللہ تعالیٰ نے شہیدوں کی عظمت کو اتنے ارفع انداز میں بیان کیا ہے کہ انھیں مردہ کہنے سے بھی منع فرما دیا ہے۔ سورہ البقرہ اور سورہ آل عمران میں واضح فرمایا گیا کہ "جو لوگ اللہ کی راہ میں مارے جائیں، انھیں مردہ نہ کہو اور نہ ہی ایسا گمان کرو، بلکہ وہ اپنے رب کے پاس زندہ ہیں، انھیں رزق بھی دیا جا رہا ہے اور وہ اللہ کے اس فضل پر جو انھیں عطا کیا گیا ہے، انتہائی خوش اور مسرور ہیں"۔ یہ آیات واضح کرتی ہیں کہ شہید کی زندگی عام اموات جیسی نہیں ہوتی بلکہ وہ برزخ میں ایک خاص قسم کی حیاتِ طیبہ اور انعاماتِ الٰہی سے سرفراز ہوتے ہیں۔ احادیثِ مبارکہ میں بھی شہید کے بے پناہ فضائل کا ذکر ملتا ہے۔
رسول اللہ صلی اللہ علیہ وآلہ وسلم نے ارشاد فرمایا کہ "اللہ کے نزدیک شہید کی خاص خصوصیات ہیں، خون کا پہلا قطرہ گرتے ہی اس کی مغفرت کر دی جاتی ہے، اسے جنت میں اس کا ٹھکانہ دکھا دیا جاتا ہے، اسے عذابِ قبر اور قیامت کی بڑی گھبراہٹ سے پناہ ملتی ہے، اس کے سر پر وقار کا ایسا تاج رکھا جائے گا جس کا ایک یاقوت دنیا اور مافیہا سے بہتر ہے اور اس کی اپنے اقارب میں سے ستر لوگوں کے لیے شفاعت قبول کی جائے گی"۔ کائنات کی سب سے عظیم ہستی حضرت محمد ﷺ کا شہادت کی بار بار تمنا کرنا اس بات کی دلیل ہے کہ بارگاہِ الٰہی میں شہادت کا مقام کتنا عظیم ہے۔ شہید کو یہ انفرادیت بھی حاصل ہے کہ جنت میں جانے کے بعد کوئی بھی شخص دنیا میں دوبارہ لوٹنے کی خواہش نہیں کرے گا، سوائے شہید کے، جو وہاں ملنے والے اکرام کو دیکھ کر یہ تمنا کرے گا کہ کاش اسے دنیا میں دس بار واپس بھیجا جائے تاکہ وہ بار بار اللہ کی راہ میں اپنی جان قربان کر سکے۔
احادیث کے مطابق شہید کو موت کی تکلیف اتنی ہی محسوس ہوتی ہے جتنی کسی انسان کو چیونٹی کے کاٹنے سے ہوتی ہے اور قیامت کے دن اس کے زخموں سے بہنے والے خون سے مشک کی خوشبو آئے گی۔قرآن و حدیث کی رو سے شہید کا درجہ انبیاء، صدیقین اور صالحین کے بالکل متصل ہے اور یہ اہل علم ہی جانتے ہیں لہٰذا سیاسی مقاصد کے لیے پاک صاف دامن پر چھینٹیں پھینکنے والے یاد رکھیں کہ مکافاتِ عمل کا نظام عنقریب پلٹا کھائے گا۔ وقت کا تقاضا ہے کہ نعروں، الزامات اور مذمتوں کی اس تعفن زدہ سیاست کو اب بند کیا جائے۔
بھارت سے جنگ اور افغانستان میں کارروائی خارج ازامکان نہیں، وزیردفاع