مریم نواز کی گندم کی فصل پر مقابلہ جاتی مہم کامیاب ہوگی؟
اشاعت کی تاریخ: 28th, November 2025 GMT
پنجاب حکومت نے 2026-2025 کی فصلی سال کے لیے گندم کے پیداواری مقابلوں کا باضابطہ اعلان کر دیا ہے جس کا مقصد کسانوں کو پیداوار بڑھانے کی ترغیب دینا اور جدید زرعی آلات کی فراہمی کو یقینی بنانا ہے۔
یہ بھی پڑھیں: 10 لاکھ روپے تک نقد انعام جیتنے کا موقع! پنجاب حکومت کا بڑا اعلان
محکمہ زراعت پنجاب کے ترجمان کے مطابق صوبائی اور ضلعی سطح پر لاکھوں روپوں کے انعامات رکھے گئے ہیں جن میں مختلف ہارس پاور کے ٹریکٹرز شامل ہیں۔
تاہم پاکستان کسان اتحاد نے اس اعلان کو خوش آمدید کہتے ہوئے حکومت سے ایک مطالبہ کیا ہے کہ انعامات کے علاوہ گندم کی سرکاری خریداری اور منصفانہ امدادی قیمت کا اعلان بھی کیا جائے۔
محکمہ زراعت پنجاب کے ترجمان نے بتایا کہ یہ مقابلے صوبے بھر میں 5 ایکڑ یا اس سے زائد رقبے پر گندم کاشت کرنے والے کسانوں کے لیے کھلے ہیں۔
صوبائی سطح پر پہلا انعام 85 ہارس پاور کا ٹریکٹر، دوسرا انعام 75 ہارس پاور کا ٹریکٹر اور تیسرا انعام 60 ہارس پاور کا ٹریکٹر ہوگا جبکہ ضلعی سطح پر پہلا انعام 10 لاکھ روپے، دوسرا 8 لاکھ روپے اور تیسرا 5 لاکھ روپے نقد ہوگا۔
مزید پڑھیے: دھی رانی پروگرام، اب تک پنجاب حکومت کتنے جوڑوں کی شادیاں کروا چکی ہے؟
ترجمان نے مزید کہا کہ مقابلوں میں حصہ لینے کے لیے درخواست فارم تحصیل سطح پر اسسٹنٹ ڈائریکٹر زراعت یا زراعت آفیسر کے دفاتر سے دستیاب ہوں گے۔
اہم بات یہ ہے کہ اراکین اسمبلی، سرکاری افسران اور محکمہ زراعت کے ملازمین اس مقابلے میں شریک نہیں ہو سکیں گے تاکہ شفافیت کو یقینی بنایا جائے۔
یہ مقابلے گندم کی فصلیں مکمل ہونے کے بعد پیداوار کی جانچ پڑتال پر مبنی ہوں گے اور کامیاب کسانوں کو انعامات کی تقسیم ایک الگ تقریب میں کی جائے گی۔
یہ اعلان وزیراعلیٰ پنجاب مریم نواز کی سربراہی میں جاری زرعی ترقیاتی پیکج کا حصہ ہے جس میں پہلے ہی گرین ٹریکٹر اسکیم کے تحت ایک سے 50 ایکڑ کے رقبے پر گندم کاشت کرنے والے ایک ہزار کسانوں کو قرعہ اندازی کے ذریعے مفت ٹریکٹرز دیے جا چکے ہیں۔
مزید پڑھیں: پنجاب حکومت کا اسموگ سے نمٹنے کے لیے بڑا فیصلہ، مارکیٹوں کے اوقات کار تبدیل
ترجمان کا کہنا تھا کہ اس اقدام سے نہ صرف گندم کی پیداوار میں اضافہ ہوگا بلکہ خصوصاً موسمیاتی تبدیلیوں اور بڑھتی ہوئی پیداواری لاگت کے تناظر میں کسانوں کی معاشی حالت بھی مستحکم ہوگی۔
انعامات تو اچھے مگر سرکار خریداری اور قیمت کا اعلان بھی کرےپاکستان کسان اتحاد نے اس اعلان کو کسانوں کی فلاح و بہبود کی طرف ایک قدم قرار دیا ہے مگر اسے ناکافی قرار دیتے ہوئے حکومت پر تنقید کی ہے۔
کسان اتحاد کے چیئرمین خالد کھوکھر نے وی نیوز سے بات کرتے ہوئے بتایا کہ انعامات اور ٹریکٹرز تو خوشگوار ہیں، لیکن کسان کی اصل پریشانی پیداوار بیچنے کی ہے۔
انہوں نے کہا کہ حکومت نے اب تک گندم کی سرکاری امدادی قیمت کا اعلان نہیں کیا اور نہ ہی کوئی خریداری کا منصوبہ سامنے آیا ہے۔
ان کا کہنا تھا کہ گزشتہ سال کی طرح اس بار بھی کسانوں کو اوپن مارکیٹ کے رحم و کرم پر چھوڑ دیا جائے گا تو پیداوار سستے داموں ضائع ہو جائے۔
یہ بھی پڑھیے: پنجاب حکومت کا اینفورسمنٹ اینڈ ریگولیشنز اتھارٹی کو مزید خودمختاری دینے کا فیصلہ
خالد کھوکھر نے مزید کہا کہ بڑھتی ہوئی لاگت کھاد، بیج، بجلی، اور زرعی ادویات کی وجہ سے کسان کو فی من کم از کم 4 ہزار روپے ملنے چاہییں جبکہ اوپن مارکیٹ میں یہ ریٹ 2 ہزار روپے سے بھی کم ہے۔
رواں سال گندم کی پیداوار میں 15 سے 20 فیصد کمی کا خدشہ ہے جو معاشی مسائل اور مناسب ان پٹس کی عدم دستیابی کی وجہ سے ہے۔
وزیر اعلیٰ پنجاب مریم نواز کی مقابلہ جاتی مہم اچھی ہے لیکن کسان حکومت سے شدید ناراض ہے کیوں کہ پچھلے 2 سال سے گندم کاشت کرنے والا کسان در در کی ٹھوکریں کھا رہا ہے اس دفعہ گندم کی فصل پچھلے سال کی نسبت کم ہوگی۔
مزید پڑھیں: مولانا فضل الرحمان ائمہ کرام کے لیے پنجاب حکومت کے وظیفہ میں رکاوٹ نہ بنیں، علامہ ڈاکٹر راغب نعیمی
کسان پارٹی کے چیئرمین مبشر ڈوگر نے بتایا کہ حکومت کو چاہیے کہ انعامات کے ساتھ ساتھ کسانوں کو سبسڈی اور فوری امداد دے ورنہ آئندہ سال گندم کی کاشت مزید کم ہو جائے گی۔
گندم کی پیداوار میں اضافہ تو ہو رہا ہے مگر کسانوں کو اس کا فائدہ نہیں مل رہا، جو زرعی معیشت کے لیے خطرناک ہے۔
مزید پڑھیے: پنجاب حکومت کا غیر قانونی اسلحہ کے خلاف بھرپور ایکشن
ماہرین زراعت کا کہنا ہے کہ ایسے مقابلوں سے پیداوار تو بڑھے گی مگر کسان اتحاد کی تنقید درست ہے کہ بغیر منصفانہ مارکیٹنگ کے یہ اقدامات ناکام ہو جائیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب حکومت محکمہ زراعت پنجاب مریم نواز اور انعامی اسکیم مریم نواز کی گندم کی فصل پر مقابلہ جاتی مہم کامیاب ہوگی؟ وزیراعلیٰ مریم نواز شریف.ذریعہ: WE News
کلیدی لفظ: پنجاب حکومت مریم نواز اور انعامی اسکیم وزیراعلی مریم نواز شریف پنجاب حکومت کا مریم نواز کی کسان اتحاد ہارس پاور کسانوں کو لاکھ روپے گندم کی کے لیے
پڑھیں:
خواتین کو محفوظ بنانے کیلئے پر عزم ‘ تشدد ہراسانی برداشت نہیں : مریم نواز
لاہور (نوائے وقت رپورٹ+ نیوز رپورٹر) وزیراعلیٰ مریم نواز کی زیر صدارت مسلسل تیسرے روز بھی صوبے میں شفافیت کے لئے پنجاب کے ہر ادارے کی پرفارمنس کا احتساب کیا گیا۔ اجلاس میں ہر منسٹری، ہر محکمہ اور ہر سیکرٹریز سے مکمل جواب طلبی کی گئی۔ اس موقع پر نئے پراجیکٹس سے متعلق بھی اہم فیصلے کیے گئے۔ لگاتار 6 گھنٹے ایجوکیشن، ماحولیات، جنگلات، وائلڈ لائف، فشریز، ٹورازم، آرکیالوجی، سپورٹس اور لیبر کے ہر شعبے سے متعلق امورکی جانچ پڑتال اور تفصیلی بریفنگ لی گئی۔ وزیراعلیٰ مریم نواز شریف نے پنجابی زبان کو تعلیم، ثقافت اور عوامی زندگی میں مرکزی مقام دلانے کے لیے تاریخی اقدامات کا حکم دے دیا ہے۔ اجلاس کو بتایا گیا کہ محنت کشوں کے اپنے گھر کا خواب پورا کرنے کے لئے جھنگ اور کمالیہ میں 20 ہزار ورکرز کے لیے 3 مرلے کے پلاٹ دینے کی سکیم کی تیاری مکمل کر لی گئی۔ وزیراعلیٰ مریم نواز شریف نے ریلوے ٹریک، سڑکوں اور نہروں کے کنارے شجرکاری کے اقدامات کی بھی ہدایت کی۔ اجلاس کو بتایا گیا کہ قدرتی وسائل کی حفاظت کے لئے پنجاب میں جنگلات میں آگ لگنے سے 20 منٹ پہلے مطلع کرنے والا جدید فائر الارمنگ سسٹم نصب کیا جائے گا۔ پنجاب کے جنگلات کی حفاظت یقینی بنانے کے لیے سپیشل سینسنگ سسٹم کے ذریعے غیر قانونی درخت کاٹنے کے واقعات کا فوری سدباب کیا جائے گا۔ وزیراعلیٰ نے کھیلوں کے فروغ اور نوجوان ٹیلنٹ کو پروان چڑھانے کے لئے ہر ماہ چیمپئن شپ ایونٹس کرانے کا حکم دیا۔ اجلاس کو بتایا گیا کہ پنجاب میں شریمپ فارمنگ کا پہلا پائلٹ پراجیکٹ کامیابی سے ہمکنار،کروڑوں روپے کے جھینگے کامیابی سے ایکسپورٹ کیے گئے۔ اجلاس کو بتایا گیا کہ پانچ ہزار ایکڑ پر شریمپ فارمنگ فروری2026سے شروع ہوجائے گی۔ وزیراعلیٰ مریم نواز شریف نے شریمپ فارمنگ کی توسیع کے لئے 50ہزار ایکڑ پر شریمپ فارمنگ کا فیسبلٹی کا پلان طلب کر لیا۔ وزیراعلیٰ نے سیاحت کو بھی ڈیجیٹلائز ڈکر دیا۔ سیاحوں کے لئے’’میگنی فیشینٹ پنجاب‘‘ ایپ تیار کر لی گئی۔ ایپ سے ہر سیاح کو آسانی، سہولت اور پنجاب کی خوبصورتی کی مکمل معلومات میسر ہوں گی۔ پنجاب میں سیاحت کو نئے عروج تک لے جانے کے لئے ہر ٹورسٹ سائٹ کے لیے مکمل پیکج پلان کی ہدایت کی ہے۔ وزیراعلیٰ مریم نواز شریف نے صحت مند سرگرمیوں کے لئے پنجاب بھر میں سکول گراؤنڈز شام کو عوام کے لئے کھولنے کے لئے اقدامات کا حکم دے دیا ہے۔ پرائیویٹ یونیورسٹی اور کالجز کے لئے لیپ ٹاپ کوٹہ مقرر کرنے کے لئے تجاویز طلب کر لیں اور کالج مینجمنٹ کونسل کا ڈرافٹ تیار کرکے پیش کرنے کی ہدایت کی۔ یو ای ٹی میں مقامی سموگ گن کی تیاری پر اظہار مسرت کیا ہے۔ وزیراعلیٰ مریم نواز شریف نے نوجوان نسل کی رہنمائی اور مثبت کردار کی پرورش کے لئے سکولوں میں کریکٹر بلڈنگ کلاسز شروع کرانے کا حکم دیا ہے۔ تعلیم کو ہر راستے تک پہنچانے کے لیے لاہور میں ’ایجوکیشن آن ویل‘ کے پائلٹ پراجیکٹ کے آغاز کا حکم دیا ہے۔ تعلیمی بورڈز کے چیئرمین، سیکرٹری اور کنٹرولر تعیناتی کے طریقہ کار کی اصولی منظوری دے دی۔ وزیراعلیٰ نے پنجاب کے گرلز کالجز کو 44بسیں جلد از جلد دینے کی ہدایت کی ہے۔ بریفنگ میں بتایا گیا کہ محکمہ ماحولیات نے پاکستان کا پہلا ایکو چیٹ بوٹ قائم کر دیا۔ 660 افراد پر مشتمل انوائرمنٹ پروٹیکشن فورس پنجاب بھر میں سرگرم عمل ہے۔ انڈسٹریل انوائرمنٹ کنٹرول کے لئے سی سی ٹی وی مانیٹرنگ سسٹم قائم، رات کے وقت بھی مانیٹرنگ کی جاتی ہے۔ لاہور اور دیگر علاقوں میں فصلیں جلانے کے واقعات میں 66 فیصد کمی ہوئی اور ڈرون سرویلنس سے مانیٹرنگ بھی کی جارہی ہے۔ انڈسٹری میں مضر صحت دھوئیں کے سدباب کے لئے 8خصوصی نائٹ سکواڈ بھی قائم کر دیئے گئے ہیں۔ جبکہ مریم نواز نے بنوں میں 22 بھارتی حمایت یافتہ دہشت گردوں کو جہنم واصل کرنے پر سکیورٹی فورسز کو خراج تحسین پیش کیا ہے۔ مریم نواز نے کہا ہے کہ حکومت پنجاب خواتین کے تحفظ اور حقوق کی پاسداری کے لئے سرگرم عمل ہے۔ اسلام نے عورت کو نہایت بلند مقام دیا ہے۔ رسول اکرمؐ نے حجۃ الوداع پر اچھا سلوک کرنے ہدایت فرمائی۔ خواتین کے خلاف تشدد کے خاتمے کے عالمی دن پر اپنے خصوصی پیغام میں کہا کہ ہر خاتون ہر حیثیت میں قابل احترام ہے، تشدد یا ہراسانی ہرگز برداشت نہیں۔
آئی ایم ایف رپورٹ: سرکاری ملکیتی ادارے کرپشن کی وجہ قرار، عدالتی اصلاحات پر زور