میانوالی میں بھی تبدیلی آ گئی: وزیرِ اعلیٰ پنجاب مریم نواز
اشاعت کی تاریخ: 26th, November 2025 GMT
وزیرِ اعلیٰ پنجاب مریم نواز—فوٹو: اسکرین گریب
وزیرِ اعلیٰ پنجاب مریم نواز کا کہنا ہے کہ میانوالی میں بھی تبدیلی آ گئی ہے، دھاندلی ہوتی ہے تو پوری دنیا دیکھتی ہے، ڈسکہ میں آپ نے دیکھا تھا۔
نومنتخب ارکانِ اسمبلی سے خطاب میں انہوں نے کہا کہ اللّٰہ تعالیٰ نے مسلم لیگ ن کو اتنی بڑی فتح سے نوازا، تمام حلقوں میں کارکنوں نے سخت محنت کی۔
وزیرِ اعلیٰ پنجاب مریم نوازنے کہا کہ شاندار کامیابی پر تمام عہدے داروں اور کارکنوں کو مبارک باد دیتی ہوں، جتنی بھی مشکلات آئیں مسلم لیگ ن نے بہادری سے مقابلہ کیا۔
نواز شریف نے کہا کہ ضمنی انتخابات میں کامیابی پر شہباز شریف اور مریم نواز کو مبارک باد دیتا ہوں، حکومتی اقدامات سے مہنگائی کی شرح میں کمی ہوئی ہے۔
ان کا کہنا ہے کہ مسلم لیگ ن نے کبھی الیکشن کا بائیکاٹ نہیں کیا، گزشتہ دورِ حکومت میں مخالفین کو جیلوں میں ڈالا گیا، لوگوں کو اصل اور نقل کے فرق کا پتہ چل گیا۔
مریم نواز نے کہا کہ ہمیں موروثی سیاست کا طعنہ دینے والوں نے اپنی بیوی، بھائی، رشتے دار کھڑے کیے، عوام کو سمجھ آ گئی ہے، اب کوئی بہکاوے میں نہیں آئے گا۔
انہوں نے کہا کہ مسلم لیگ ن نے کبھی بھی سیاسی عمل سے انکار نہیں کیا، عوام نعرے اور عملی اقدامات میں فرق جان گئے ہیں، ہری پور میں بھی بھاری لیڈ سے مسلم لیگ ن جیتی۔
وزیرِ اعلیٰ پنجاب کا کہنا ہے کہ گزشتہ دورِ حکومت میں سیاست کو ذاتی دشمنی میں تبدیل کیا گیا، ہر دفعہ سازشیوں کا ایک نیا گروپ سامنے آ جاتا ہے، ہر دفعہ کہا جاتا ہے کہ نواز شریف کی سیاست ختم ہو گئی، جلا وطنی سمیت ہم نے ہر تکلیف برداشت کی۔
ان کا کہنا ہے کہ ہم نہیں جانتے کہ آج وہ تاریخ کے کس کوڑے دان میں پڑے ہیں، ہم نے خدمت کرنا کس سے سیکھا ہے؟ نواز شریف سے سیکھا ہے، آج نواز شریف کہتے ہیں کہ شہباز شریف اور مریم نواز مجھ سے آگے نکل گئے ہیں۔
.ذریعہ: Jang News
کلیدی لفظ: پنجاب مریم نواز کا کہنا ہے کہ مسلم لیگ ن نواز شریف نے کہا کہ
پڑھیں:
الیکشن بیانیے سے نہیں کارکردگی سے جیتے جاتے ہیں: مریم نواز شریف
ویب ڈیسک :وزیر اعلیٰ پنجاب مریم نواز شریف نے کہا ہے کہ الیکشن بیانیے سے نہیں کارکردگی سے جیتے جاتے ہیں۔
لاہور میں وزیر اعلیٰ پنجاب نے صوبائی وزرا اور سیکرٹریز کے اجلاس سے خطاب کرتے ہوئے انہوں نے کہا کہ پی ٹی آئی نے قیدی نمبر 804 کے نام پر الیکشن لڑا پھر بھی شکست ہوئی۔
میاں نواز شریف اور میں نے جیل کاٹی مگر الیکشن کا بائیکاٹ نہیں کیا،آج فیض حمید ہے نہ الیکشن جتوانے والے ججز
پاکستان نےسنوکر ورلڈکپ کا ٹائٹل اپنے نام کرلیا
ملکی ترقی کو 2018میں ڈی ریل کیا گیا ،الیکشن بیانیے سے نہیں کارکردگی سے جیتے جاتے ہیں۔
پشاور میں ترقی کا کوئی نام و نشان نہیں،کے پی میں سرکاری مشینری کے ساتھ الیکشن لڑا گیا ۔
خیبر پختونخوا پتھر کے دور میں چلا گیا ، کرپشن کے ڈھیر لگ گئے ہیں،مسلم لیگ ن نے 2018 میں چھینی گئی نشستیں واپس لے لی ہیں۔
ٹنڈوجام میونسپل کارپوریشن میں شہر کی صفائی پر سختی