پانی کا بےدریغ استعمال روکنے کیلئےجدید واٹرمیٹرز خریداری کا فیصلہ
اشاعت کی تاریخ: 26th, November 2025 GMT
لاہور(نیوزڈیسک) پانی کے بے دریغ استعمال کو کنٹرول کرنے کیلئے واسا نے جدید اسمارٹ واٹر میٹرز نصب کرنے کا فیصلہ کرتے ہوئے میٹرز کی خریداری کا پہلا ٹینڈر جاری کر دیا۔
تفصیلات کے مطابق واسا 50 کروڑ روپے کی لاگت سے دس ہزار جدید واٹر میٹرز خریدے گا۔ اسمارٹ واٹر میٹرز میں خودکار میٹر ریڈنگ کا نظام نصب ہوگا جبکہ صارفین کو میٹر ریڈنگ کی آن لائن تصدیق کی سہولت بھی فراہم کی جائے گی۔ نئے نظام کے تحت جتنا پانی استعمال ہوگا، اتنا ہی بل ادا کرنا ہوگا۔
ایم ڈی واسا غفران احمد کے مطابق شہری آسان اقساط پر اسمارٹ واٹر میٹرز لگوا سکیں گے جبکہ میٹر کی تنصیب پر 35 ہزار روپے لاگت آئے گی۔
پہلے مرحلے میں جدید واٹر میٹرز جوہر ٹاؤن کے علاقوں میں نصب کیے جائیں گے۔
.ذریعہ: Daily Mumtaz
پڑھیں:
حیسکو جلد پانچ سو تھری فیز میٹر فری میں لگانے جارہی ہے، سہیل شیخ
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)انجمن تاجران سندھ ڈویژن حیدرآباد کے صدر صلاح الدین غوری اور ڈویژن کے چیئرمین اظہر شیخ کے ہمراہ وفد نے حیسکو ایکس ای این سہیل شیخ سے ملاقات کی اور انجمن تاجران سندھ کی طرف سے درخواست دی گئی صدر فیڈر کو لوڈ شیڈنگ فری کر دیا جائے جس پر سہیل شیخ نے کہا کہ انشا اللہ تعالی ہم آپ کو یہ خوشخبری دیں گے اور بہت جلد ساڑھے پانچ سو تھری فیز میٹر معززین کی نگرانی میں لگائے جائیں گے جس کا کوئی معاوضہ نہیں ہوگا، اس موقع پر صلاح الدین غوری اور اظہر شیخ نے بتایاکہ صدر حیدرآباد سٹی کا انتہائی پوش علاقہ ہے اور یہاں کاروباری سرگرمیاں جاری رکھنے کیلئے لائٹ کا ہونا ضروری ہے اور صدر کے دوکاندار بروقت بل بھی جمع کراتے ہیں اور حیسکو کی وصولی یہاں پر اطمینان بخش ہے، انہوں نے کہاکہ بجلی کی بندش سے کاروباری سرگرمیوں پر برا اثر پڑتا ہے اور اکثر رات کے اوقات میں لوٹ مار کی وارداتیں بھی ہوعام ہوتی جارہی ہیں اس لئے ہمارا مطالبہ ہے کہ حیسکو چیف فیض اللہ ڈاہری صدر کو لوڈشیڈنگ فری قرار دیں، انہوں نے کہاکہ اگر بلنگ کی کوئی مشکلات ہے تو ہم ان سے ہر ممکن تعاون کرنے کو تیار ہیں، اس مو موقع پر کینٹ بازار کے غازی صلاح الدین ممبر لائنز کمیٹی کینٹ کشور بھاٹیا، داتا جولرز کے مالک یوسف نے شرکت کی۔
ٹنڈوجام میونسپل کارپوریشن میں شہر کی صفائی پر سختی