پنجاب میں بے سہارا بیواؤں کے حقوق کی حفاظت، مریم نواز کی سخت ہدایت
اشاعت کی تاریخ: 27th, November 2025 GMT
وزیراعلیٰ پنجاب مریم نوازشریف نے صوبے میں ناجائز قبضوں، خاص طور پر بے سہارا بیواؤں کی جائیدادوں پر قبضہ کرنے والے عناصر کے خلاف فوری اور سخت کارروائی کا حکم جاری کر دیا ہے۔
اجلاس میں وزیراعلیٰ کو بتایا گیا کہ گزشتہ تین ہفتوں میں پنجاب بھر سے ناجائز قبضوں کے خلاف 2,919 درخواستیں موصول ہوئی ہیں، جن میں سے 499 کیسز ڈسٹرکٹ ڈسپیوٹ ریزولوشن (DRC) کمیٹیوں نے حل کر دیے ہیں۔ مریم نواز نے باقی تمام کیسز کو ترجیحی بنیادوں پر نمٹانے اور عوام کو جلد ریلیف فراہم کرنے کی ہدایت کی۔
انہوں نے تمام اضلاع کے ڈپٹی کمشنرز کو روزانہ DRC اجلاس منعقد کرنے اور کیسز کی پیش رفت کی رپورٹ براہِ راست وزیراعلیٰ آفس بھیجنے کا حکم دیا۔ مریم نواز نے خود روزانہ کی بنیاد پر اس عمل کی نگرانی کرنے کا اعلان کیا۔
وزیراعلیٰ نے ORDINANCE 2025 کے مکمل نفاذ کی منظوری بھی دی اور ہدایت کی کہ پنجاب بھر کی مساجد میں عوام تک حکومتی اقدامات کی معلومات پہنچائی جائیں۔ ہر تحصیل کے اسسٹنٹ کمشنر آفس میں قبضے سے متعلق درخواستیں وصول کرنے کے لیے بھی اقدامات کیے جائیں۔
مریم نواز نے گجرات، لیہ، حافظ آباد اور دیگر اضلاع میں قبضہ کیسز میں تاخیر پر سخت ناپسندیدگی کا اظہار کیا اور واضح کیا کہ اب کسی بھی تاخیر کو برداشت نہیں کیا جائے گا۔ انہوں نے کہا کہ ناجائز قبضے کے کیسز کے فوری حل سے عوام کو حقیقی ریلیف فراہم کیا جائے گا، اور وہ خود اس نظام کی نگرانی کریں گی۔
ذریعہ: Daily Mumtaz
کلیدی لفظ: مریم نواز
پڑھیں:
آج نہ فیض حمید ہے اور نہ ہی وہ ججز جو انہیں جتواتے تھے، مریم نواز
فائل فوٹووزیراعلیٰ پنجاب مریم نواز نے کہا ہے کہ پی ٹی آئی والے بتائیں کہ مقبولیت کے دعوے کہاں گئے؟ آج نہ فیض حمید ہے اور نہ ہی وہ ججز جو انہیں جتواتے تھے، فیض حمید کی پوری طاقت پی ٹی آئی کے ساتھ تھی۔
لاہور میں صوبائی وزرا اور سیکریٹریز کے اجلاس سےخطاب کرتے ہوئے مریم نواز نے کہا کہ یہ ضمنی انتخاب ریفرنڈم تھا جو ن لیگ نے جیت لیا، پرفارمنس سے بہتر کوئی بیانیہ ہو ہی نہیں سکتا، زمین پر کام ہی نہیں ہوگا تو بیانیہ کیا کرے گا۔
انہوں نے کہا کہ الیکشن کا بائیکاٹ تب ہوتا ہے جب آپ کو ہار کا یقین ہو، پی ٹی آئی کا الیکشن بائیکاٹ کی بات کرنا منافقت ہے، کبھی اتنی منافقت نہیں دیکھی کہ ہار گئے تو بائیکاٹ تھا۔
مریم نواز نے ناقدین کو جواب دیتے ہوئے کہا کہ میں نے اپنے لوگوں کی عزت نفس کی بات کی، اس پر کبھی معافی نہیں مانگوں گی
ان کا کہنا تھا کہ یہ کیا بات ہے پنجاب میں بائیکاٹ تھا لیکن خیبر پختونخوا میں نہیں تھا، بیانیے سے لوگوں کے پیٹ نہیں بھرتے، پرفارمنس بھی ہونی چاہیے۔
مریم نواز نے کہا کہ 14سال میں پورا خیبر پختونخوا پتھر کے زمانے میں چلا گیا ہے، پشاور میں ترقی کا نام نہیں، باقی صوبے میں کیا ہوگا؟ مسلم لیگ (ن) نے ان کے گھر میں گھس کر مارا ہے۔
وزیراعلیٰ پنجاب نے مزید کہا کہ خیبر پختونخوا کے عوام کس خدمت سے محروم ہیں انہیں معلوم ہوگیا ہے، کب تک قیدی نمبر 804 کی باتوں سے لوگوں کے پیٹ بھریں گے۔
مریم نواز نے کہا کہ ڈسکہ الیکشن کے وقت پوری ریاستی مشینری ن لیگ کے خلاف تھی، مسلم لیگ ن نے 2024 کے الیکشن میں ہاری ہوئی اپنی نشستیں دوبارہ جیت لیں، پنجاب اور خیبر پختونخوا کے عوام نے مسلم لیگ (ن) کے حق میں فیصلہ کیا۔
کراچی میں بھتے کی پرچیاں ملنے پر ادارے متحرک، 3 ملزمان گرفتار