سہیل آفریدی کے وزیراعلیٰ منتخب ہونے پر فیاض الحسن چوہان نے معافی کیوں مانگی؟
اشاعت کی تاریخ: 16th, October 2025 GMT
سہیل آفریدی نے بطور وزیراعلیٰ خیبرپختونخوا اپنے عہدے کا حلف اٹھا لیا ہے۔ ان کے حلف برداری سے قبل سیاسی و سماجی حلقوں میں اس بات پر شدید بحث جاری تھی کہ آیا وہ اس منصب تک پہنچ پائیں گے یا نہیں۔ متعدد سیاسی شخصیات نے یہ پیش گوئی کی تھی کہ سہیل آفریدی وزیراعلیٰ منتخب نہیں ہو سکیں گے، جن میں پاکستان پیپلز پارٹی کے سینئر رہنما ندیم افضل چن اور پاکستان تحریک انصاف کے سابق رہنما و سابق مشیر اطلاعات فیاض الحسن چوہان شامل تھے۔
یہ بھی پڑھیں: سہیل آفریدی خیبرپختونخوا کے نئے وزیراعلیٰ منتخب، سوشل میڈیا پر جتنے منہ اتنی باتیں
فیاض الحسن چوہان نے اپنے ایک بیان میں کہا تھا کہ اگر سہیل آفریدی وزیراعلیٰ منتخب ہو گئے تو وہ پوری قوم سے معافی مانگیں گے۔ سہیل آفریدی کے وزیراعلیٰ منتخب ہونے کے بعد سوشل میڈیا پر صارفین نے فیاض الحسن چوہان سے وعدہ پورا کرنے کا مطالبہ کیا۔
سہیل آفریدی تو وزیر اعلیٰ بن گئے
کیا فیاض الحسن چوہان صاحب قوم سے معافی مانگیں گے؟ pic.
— Mehwish Qamas Khan (@MehwishQamas) October 13, 2025
اس کے بعد سوشل میڈیا پر فیاض الحسن چوہان کی ایک ویڈیو وائرل ہوئی ہے، جس میں انہوں نے قوم سے معافی مانگتے ہوئے کہا کہ میری پیش گوئی تھی کہ سہیل آفریدی جیسا اسمگلر، ٹی ٹی پی اور انڈین را کے ساتھ تعلق رکھنے والا شخص خیبرپختونخوا کا وزیراعلیٰ نہیں بن سکے گا، مگر میں غلط ثابت ہوا، اس لیے وعدے کے مطابق میں قوم سے معافی مانگتا ہوں۔
یہ بھی پڑھیں: سہیل آفریدی خیبرپختونخوا کے وزیراعلیٰ نہیں بن سکیں گے، ندیم افضل چن کا دعویٰ
انہوں نے مزید کہا کہ میں نے تو اپنی بات پر معافی مانگ لی ہے، اب میں پی ٹی آئی کے ان سپورٹرز سے سوال کرتا ہوں کہ کیا وہ قیدی نمبر 420 ایک کروڑ نوکریوں، 50 لاکھ گھروں، 375 ڈیمز، اور پاکستان و پاک فوج کے خلاف بے بنیاد پراپیگنڈے پر بھی قوم سے معافی مانگے گا؟
فیاض الحسن چوہان کے اس بیان پر مختلف سیاسی حلقوں اور سوشل میڈیا صارفین کی جانب سے ملا جلا ردعمل سامنے آ رہا ہے، اور اس بحث نے ایک نئی سیاسی بحث کو جنم دے دیا ہے۔ نادر بلوچ نے لکھا کہ کیا یہ فیاض الحسن چوہان کی معافی ہے؟ یہ شخص ہر گزرتے دن کے ساتھ بےنقاب ہوتا ہے۔
کیا یہ فیاض الحسن چوہان کی معافی ہے؟؟؟یہ شخص ہر گزرتے دن کے ساتھ بےنقاب ہوتا ہے۔۔ https://t.co/5oiQpNDd0A
— Nadir Baloch (@BalochNadir5) October 15, 2025
خرم اقبال نے لکھا کہ ایک معافی تو آ گئی، باقی کب تک آئیں گی۔
ایک معافی تو آ گئی، باقی کب تک آئیں گی۔۔!! https://t.co/fGOckhIKof
— Khurram Iqbal (@khurram143) October 15, 2025
کئی صارفین یہ کہتے نظرا ٓئے کہ فیاض الحسن چوہان اس وقت عمران خان سے معافی کا مطالبہ کر رہے ہیں یہ سب باتیں انہیں اس وقت کیوں یاد نہیں آئیں جب وہ خود حکومت میں تھے اور وزارت کے مزے لے رہے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پی ٹی آئی خیبر پختونخوا سہیل آفریدی عمران خان فیاض الحسن چوہان ندیم افضل چن
ذریعہ
ذریعہ: WE News
کلیدی لفظ: پی ٹی ا ئی خیبر پختونخوا سہیل ا فریدی فیاض الحسن چوہان ندیم افضل چن
پڑھیں:
لاہور میں موسلا دھار بارش، سڑکیں زیر آب، معمولات زندگی متاثر
لاہور میں مون سون کی شدید بارشوں نے معمولات زندگی متاثر کر دیے، کئی علاقوں میں سڑکیں، چوراہے اور انڈر پاسز پانی میں ڈوب گئے جبکہ ٹریفک کی روانی شدید متاثر ہوئی۔ محکمہ موسمیات کے مطابق گزشتہ 48 گھنٹوں کے دوران شہر میں 343 ملی میٹر بارش ریکارڈ کی گئی، جس کے باعث متعدد نشیبی علاقوں میں پانی جمع ہوگیا۔
لاہور کے مختلف علاقوں میں بارش کا پانی جمع ہونے سے شہریوں کو آمدورفت میں مشکلات کا سامنا کرنا پڑا۔ بعض سڑکوں اور گلیوں میں 3 سے 4 فٹ تک پانی کھڑا رہا، جبکہ کئی مقامات پر گاڑیوں کی لمبی قطاریں لگ گئیں۔
یہ بھی پڑھیں: لاہور میں بارش کے بعد کئی علاقے زیر آب، ’اب آفس جانےکے لیے کشتی کی ضرورت ہوگی‘
ڈیفنس کے فیز ون سے فیز فائیو تک مختلف مقامات پر پانی جمع ہونے سے ٹریفک متاثر ہوئی، جبکہ غازی انڈر پاس اور مسجد چوک انڈر پاس کو پانی بھرنے کے باعث بند کرنا پڑا اور ٹریفک کو متبادل راستوں پر منتقل کیا گیا۔
حربنس پورہ، مال روڈ، کوپر روڈ، لکشمی چوک اور چوبرجی چوک سمیت متعدد علاقوں میں بھی پانی جمع ہونے کی اطلاعات ملیں، جہاں واسا کی ٹیمیں نکاسی آب میں مصروف رہیں۔
شدید بارش کے باعث شہر کی کئی سڑکوں پر گڑھے بھی پڑ گئے۔ کینال روڈ، جوہر ٹاؤن مین بلیوارڈ اور بھیکے والا موڑ سمیت مختلف مقامات پر سڑکیں متاثر ہوئیں، جس کے بعد ٹریفک پولیس نے متاثرہ علاقوں کو بند کرکے متبادل راستے فراہم کیے۔
یہ بھی پڑھیں: مون سون سیزن: لاہور سے ایک گھنٹے میں بارش کا پانی نکالنا ہدف ہے، ڈی ایم ڈی واسا
صوبائی ڈیزاسٹر مینجمنٹ اتھارٹی کے مطابق پنجاب میں حالیہ مون سون بارشوں کے دوران مختلف حادثات میں اب تک 21 افراد جاں بحق اور 154 زخمی ہو چکے ہیں۔ جاں بحق ہونے والوں میں 15 افراد مکانات گرنے، 2 آسمانی بجلی گرنے، 3 کرنٹ لگنے جبکہ ایک شخص ڈوبنے سے جاں بحق ہوا۔
واسا لاہور کے مطابق شہر میں ہنگامی بنیادوں پر نکاسی آب کا عمل جاری ہے، تمام ڈسپوزل اسٹیشن مکمل استعداد کے ساتھ کام کر رہے ہیں جبکہ متاثرہ مقامات پر اضافی مشینری اور عملہ تعینات کیا گیا ہے۔
ضلعی انتظامیہ اور واسا نے شہریوں کو غیر ضروری سفر سے گریز کرنے، نشیبی علاقوں اور بجلی کے کھمبوں سے دور رہنے کی ہدایت کی ہے۔ شہریوں نے تاہم ہر سال بارشوں کے دوران پانی جمع ہونے کے مسئلے پر تشویش کا اظہار کرتے ہوئے نکاسی آب کے نظام کو بہتر بنانے کا مطالبہ کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بارش پانی زیر آب لاہور
ٹی20 ورلڈ کپ 2026: پاکستان نے سپر 8 کے لیے جگہ پکی کر لی