استنبول نے غزہ کے ساتھ ’سسٹر سٹی‘ معاہدے پر دستخط کر دیے
اشاعت کی تاریخ: 16th, October 2025 GMT
استنبول کی بلدیہ کونسل نے غزہ کے لیے انسانی ہمدردی کی امداد کی ایک قرارداد اور استنبول و غزہ پٹی کو ’سسٹر سٹی‘ قرار دینے کے معاہدے کو متفقہ طور پر منظور کر لیا ہے۔
یہ فیصلہ نائب اسپیکر گوکھان گوموشداغ کی زیرِ صدارت اجلاس میں کیا گیا، جہاں تمام سیاسی جماعتوں سے تعلق رکھنے والے اراکین نے غزہ کے عوام کے ساتھ اظہارِ یکجہتی کے لیے اس اقدام کی حمایت کی۔
سسٹر سٹی کا مطلب 2 شہروں کے درمیان طویل المدتی شراکت قائم کرنا ہے تاکہ ثقافتی تبادلے، باہمی تعاون، انسانی ہمدردی کی امداد، شہری ترقی اور سماجی منصوبوں کو فروغ دیا جا سکے۔
یہ بھی پڑھیں: غزہ میں نسل کشی پر خاموش رہنے والا شریکِ جرم ہے، ترک صدر رجب طیب ایردوان
ریپبلکن پیپلز پارٹی کے رکنِ کونسل بطوہان ایرسوی نے ووٹنگ کے بعد اظہارِ خیال کرتے ہوئے کہا کہ یہ اقدام سیاست سے بالاتر ہے۔
انہوں نے کہا کہ بطور ریپبلکن پیپلز پارٹی گروپ، ہم انسانی امداد کو سیاست سے ماورا ایک ذمہ داری سمجھتے ہیں۔
ان کے مطابق 2023 میں استنبول کے میئر اکرم امام اوغلو کی قیادت میں، کونسل نے مختلف سیاسی جماعتوں کے تعاون سے غزہ کے لیے مختلف امدادی سامان بھیجا۔ یہ تمام کوششیں صرف انسانی فریضے کے طور پر کی گئیں، نہ کہ کسی سیاسی مقصد کے لیے۔‘‘
مزید پڑھیں: صیہونیت کا حامی ہونے کا الزام، استنبول میں برطانوی فنکار روبی ولیمز کا کنسرٹ منسوخ
ایرسوی نے مزید کہا کہ غزہ کے عوام کے ساتھ کھڑا ہونا استنبول کے لیے ایک اخلاقی فریضہ ہے، اور کونسل کا فیصلہ ’انسانیت کی عظمت کا مظہر اور امن و یکجہتی کی پکار‘ ہے۔
ان کا کہنا تھا کہ استنبول کا یہ انسانیت پر مبنی رویہ ’دنیا کے لیے ایک مثال‘ ہے۔
یہ اقدام اس وقت سامنے آیا ہے جب استنبول بھر میں فلسطینیوں کے ساتھ اظہارِ یکجہتی اور غزہ میں جنگ کے خاتمے کے مطالبے کے لیے بڑے مظاہرے کیے جا رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
استنبول اظہار یکجہتی ثقافتی تبادلے ریپبلکن پیپلز پارٹی سسٹر سٹی غزہ.ذریعہ: WE News
کلیدی لفظ: استنبول اظہار یکجہتی ثقافتی تبادلے سسٹر سٹی سسٹر سٹی کے ساتھ غزہ کے کے لیے
پڑھیں:
پوپ لیو کی پہلے غیرملکی دورے کے دوران استنبول کی مشہور سلطان احمد مسجد آمد
استنبول میں اپنے پہلے غیر ملکی دورے کے تیسرے دن کا آغاز کرتے ہوئے پوپ لیو چہاردہم نے سلطان احمد مسجد، جسے عام طور پر ‘بلیو مسجد’ کے نام سے جانا جاتا ہے، کا دورہ کیا۔
یہ تاریخی مسجد اپنے اندرونی حصوں میں موجود 21 ہزار سے زائد فیروزہ رنگ کے ٹائلوں کے باعث مشہور ہے۔ 1617 میں سلطان احمد اوّل نے اسے قسطنطنیہ کے عظیم محلات کے مقام کے ایک حصے پر تعمیر کرایا تھا، اور اس کا مقصد عثمانی سلطنت کی سب سے اہم عبادت گاہ قائم کرنا تھا۔ اس کی تعمیر کا مکمل ریکارڈ 8 جلدوں پر مشتمل ہے جو آج بھی توپ کاپی لائبریری میں محفوظ ہیں۔
یہ بھی پڑھیے: زندگی میں شادی صرف ایک شریک حیات کے ساتھ ہونی چاہیے، پوپ لیو کا نیا فرمان جاری
ہفتہ کی صبح پوپ لیو چہاردہم کی آمد پر ترک محکمۂ امورِ مذہبی کے صدر، صافی اَرپاگوش نے ان کا استقبال کیا۔ پوپ بننے کے بعد یہ ان کا کسی مسلم عبادت گاہ کا پہلا باضابطہ دورہ تھا۔
دن بھر پوپ کے کئی اہم ملاقاتیں اور دورے طے ہیں۔ بلو مسجد کے دورے کے بعد وہ مقامی چرچوں اور مسیحی برادریوں کے رہنماؤں سے نجی ملاقات کیلئے سریانی آرتھوڈوکس چرچ آف مور افرائیم جائیں گے۔
بعد ازاں، پیٹریارکل چرچ آف سینٹ جارج میں وہ قسطنطنیہ کے آرتھوڈوکس پیٹریارک، بارتھولومیو اوّل کے ساتھ مشترکہ دعائیہ عبادت ڈوکسا لوجی میں شریک ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
استنبول پوپ لیو ترکیہ نیلی مسجد
ضمنی انتخابات میں مسلم لیگ ن کے کلین سویپ نے قومی اسمبلی میں نمبر گیم بدل دی ، پیپلز پارٹی کا اتحادی کردار کمزور ہوگیا