بنوں میں سیکورٹی فورسز کا انٹیلی جنس بیسڈ آپریشن: 2 خوارج دہشت گرد مارے گئے
اشاعت کی تاریخ: 18th, October 2025 GMT
data-id="863a0a8" data-element_type="widget" data-widget_type="theme-post-content.default">
پشاور: خیبر پختونخوا کے ضلع بنوں میں سیکورٹی فورسز نے ایک کامیاب انٹیلی جنس بیسڈ آپریشن کے دوران 2 خوارج دہشت گردوں کو ہلاک کر دیا۔
نجی ٹی وی کی رپورٹ کے مطابق فورسز کی یہ کارروائی مغل کوٹ سیکٹر میں انجام دی گئی، جس میں فتنۃ الخوارج کے طارق کچھی گروپ کو مؤثر انداز میں نشانہ بنایا گیا۔
سیکورٹی ذرائع کے مطابق آپریشن کے دوران فتنۃ الخوارج کے سرغنہ طارق کچھی اور اس کے ساتھی حکیم اللہ عرف ٹائیگر کو ہلاک کیا گیا۔ اس دوران دہشت گردوں سے بھاری اسلحہ بھی برآمد ہوا، جس سے ان کی دہشت گردانہ صلاحیتوں پر کاری ضرب لگی۔
یہ گروہ گزشتہ دو سال سے علاقے میں مختلف دہشت گردانہ کارروائیوں میں ملوث تھا۔
ذرائع کا کہنا ہے کہ طارق کچھی کی قیادت میں یہ دہشت گرد گروہ نہ صرف فتنۃ الخوارج طالبان کے لیے بھتہ خوری میں ملوث تھا بلکہ افغانستان سے پاکستان میں دہشت گردوں کی دراندازی میں بھی سہولت کار کا کردار ادا کر رہا تھا۔ اس کامیاب آپریشن سے نہ صرف علاقے میں سیکورٹی کے حالات مستحکم ہوئے بلکہ خوارج دہشت گردوں کی مقامی نیٹ ورک کو بھی شدید نقصان پہنچا۔
سیکورٹی فورسز نے عوام سے اپیل کی ہے کہ وہ مشتبہ سرگرمیوں کی اطلاع فورسز کو دیں تاکہ دہشت گردانہ منصوبوں کو بروقت ناکام بنایا جا سکے اور عوامی تحفظ کو یقینی بنایا جا سکے۔
.ذریعہ: Jasarat News
پڑھیں:
خیبرپختونخواہ کے مختلف علاقوں میں فورسز کا آپریشن، بھارتی سپانسرڈ 34 خوارج ہلاک
راولپنڈی (اُردو پوائنٹ اخبارتازہ ترین۔ 16 اکتوبر2025ء) صوبہ خیبرپختونخواہ کے مختلف علاقوں میں فورسز کے آپریشن میں بھارتی حمایت یافتہ 34 خوارج ہلاک ہوگئے۔ مسلح افواج کے شعبہ تعلقات عامہ ( آئی اس پی آر) کے مطابق 13 سے 15 اکتوبر 2025ء کے دوران خیبر پختونخواہ کے مختلف علاقوں میں سکیورٹی فورسز کے ساتھ جھڑپوں میں بھارتی ایجنسیوں کے زیر اثر دہشت گرد تنظیم الخوارج سے تعلق رکھنے والے 34 دہشت گرد مارے گئے۔ فوج کے ترجمان ادارے نے بتایا کہ سکیورٹی فورسز نے شمالی وزیرستان کے علاقے سپین وام میں خفیہ معلومات کی بنیاد پر آپریشن کیا جہاں دورانِ کارروائی دہشت گردوں کے ٹھکانے کو مؤثر طریقے سے نشانہ بنایا گیا، جس کے نتیجے میں شدید فائرنگ کے تبادلے کے بعد 18 دہشت گرد ہلاک کیے گئے، اسی طرح ایک اور انٹیلی جنس بیسڈ آپریشن جنوبی وزیرستان میں کیا گیا وہاں فائرنگ کے تبادلے کے دوران 8 دہشت گرد ہلاک ہوئے۔(جاری ہے)
آئی ایس پی آر کا کہنا ہے کہ تیسری جھڑپ ضلع بنوں میں ہوئی جہاں سکیورٹی فورسز نے مزید 8 دہشت گردوں کو مار دیا، علاقے میں سینیٹائزیشن کا عمل جاری ہے تاکہ کسی بھی بھارتی حمایت یافتہ دہشت گرد کے ممکنہ ٹھکانے کو ختم کیا جا سکے، سکیورٹی فورسز اور قانون نافذ کرنے والے ادارے عزمِ استحکام کے وژن کے تحت انسدادِ دہشت گردی کی مہم پوری قوت سے جاری رکھے ہوئے ہیں، جس کا مقصد ملک سے بیرونی حمایت یافتہ دہشت گردی کے ناسور کو جڑ سے ختم کرنا ہے۔ ادھر وفاقی وزیرداخلہ محسن نقوی نے صوبہ خیبرپختونخواہ میں بھارتی سپانسرڈ دہشت گردوں کے خلاف کامیاب آپریشنز پر سکیورٹی فورسز کی تعریف کی، انہوں نے 34 خارجیوں کو جہنم واصل کرنے پر سکیورٹی فورسز کی پیشہ وارانہ صلاحیتوں کو سراہتے ہوئے کہا کہ 34 بھارتی سپانسرڈ دہشتگردوں کو جہنم واصل کرنے پر سکیورٹی فورسز کو خراج تحسین پیش کرتا ہوں، سکیورٹی فورسز کے بہادر افسر اور جوان ہمارا فخر ہیں۔ محسن نقوی کا کہنا ہے کہ ہمارے دلیر سپوتوں نے بروقت آپریشنز کرکے بھارتی سپانسرڈ دہشت گردوں کے مذموم عزائم کو خاک میں ملایا، قوم خیبرپختونخواہ میں قیام امن کے لیے سیکیورٹی فورسز کی کارروائیوں کو قدر کی نگاہ سے دیکھتی ہے، پاکستان کی پیشہ وارانہ سکیورٹی فورسز نے نمایاں کامیابیاں سمیٹی ہیں، ان کارروائیوں کو جاری رکھتے ہوئے خیبرپختونخواہ کے چپے چپے سے بھارتی سپانسرڈ دہشت گردوں کا خاتمہ کریں گے۔
امریکی صدر ڈونلڈ ٹرمپ اسرائیل پہنچ گئے