اسکولوں میں طلبہ کیلیے سخت ایڈوائزری کے تحت بیگز کی روزانہ تلاشی ہوگی
اشاعت کی تاریخ: 18th, October 2025 GMT
data-id="863a0a8" data-element_type="widget" data-widget_type="theme-post-content.default">
لاہور: پنجاب بھر میں سیکورٹی خدشات کے باعث محکمہ تعلیم نے سرکاری اور نجی اسکولوں کے لیے سخت حفاظتی اقدامات کا نیا لائحہ عمل جاری کر دیا ہے۔
نئی سیکورٹی ایڈوائزری کے تحت اب صوبے کے تمام اسکولوں میں روزانہ کی بنیاد پر طلبہ و طالبات کے اسکول بیگز کی چیکنگ لازمی قرار دی گئی ہے۔ یہ اقدام کسی بھی ناخوشگوار واقعے سے بچاؤ اور طلبہ کے تحفظ کو یقینی بنانے کے لیے کیا گیا ہے۔
محکمہ تعلیم کی ہدایت کے مطابق اسکول انتظامیہ کو پابند کیا گیا ہے کہ تمام سرکاری و نجی اداروں میں سی سی ٹی وی کیمرے نصب کیے جائیں اور ان کا نظام چوبیس گھنٹے فعال رہے۔ سیکورٹی گارڈز کو میٹل ڈیٹیکٹرز فراہم کیے جا رہے ہیں تاکہ داخلے کے وقت کسی بھی مشکوک چیز یا ہتھیار کی بروقت نشاندہی کی جا سکے۔
محکمہ نے واضح کیا ہے کہ اسکولوں میں فول پروف سیکورٹی سسٹم قائم کرنا ناگزیر ہو چکا ہے۔ اسی سلسلے میں چوکیداروں اور گارڈز کی تربیت بھی کی جا رہی ہے تاکہ وہ کسی بھی ہنگامی صورتحال میں مؤثر ردعمل دے سکیں۔ مزید برآں تمام اسکولوں میں سیکورٹی الارم سسٹم فوری طور پر فعال کرنے کا حکم جاری کیا گیا ہے۔
ایڈوائزری میں کہا گیا ہے کہ طلبہ، اساتذہ اور عملے کو سیکورٹی کے ضوابط اور خطرات سے آگاہ کیا جائے گا۔ اسکولوں کے اندر پستول، بندوق، چھریاں، قینچیاں یا کسی بھی خطرناک چیز لانے پر مکمل پابندی عائد کر دی گئی ہے۔
محکمہ تعلیم نے والدین سے بھی تعاون کی اپیل کی ہے کہ وہ اپنے بچوں کے بیگز کی جانچ پڑتال گھر سے ہی کر کے بھیجیں تاکہ اسکولوں میں ماحول محفوظ اور پُرامن بنایا جا سکے۔
ذرائع کے مطابق سیکورٹی اداروں کی رپورٹوں کے بعد یہ فیصلہ کیا گیا ہے کہ پنجاب کے تمام تعلیمی اداروں میں نگرانی کا عمل سخت کیا جائے گا۔ حکام کا کہنا ہے کہ ان اقدامات کا مقصد خوف یا دباؤ پیدا کرنا نہیں بلکہ طلبہ اور اساتذہ کے لیے ایک محفوظ تعلیمی ماحول فراہم کرنا ہے جہاں وہ بلاخوف تعلیم حاصل کر سکیں۔
.ذریعہ: Jasarat News
کلیدی لفظ: اسکولوں میں کیا گیا ہے کسی بھی
پڑھیں:
اسکولوں کے اوقات کار تبدیل، پیر سے نیا شیڈول نافذ
پنجاب حکومت نے سردیوں کی آمد کے پیش نظر صوبے بھر کے سرکاری و نجی تعلیمی اداروں کے لیے نئے اوقات کار کا اعلان کر دیا، جو 16 اکتوبر 2025 سے نافذ ہو کر 31 مارچ 2026 تک مؤثر رہیں گے۔
یہ بھی پڑھیں: پنجاب: موسم سرما میں سرکاری اسکولوں کے اوقات کار تبدیل
محکمہ اسکول ایجوکیشن کے نوٹیفکیشن کے مطابق، لڑکوں کے سنگل شفٹ اسکولز پیر تا جمعرات صبح 8:45 بجے سے 2:45 بجے تک جبکہ جمعہ کو 12:30 بجے تک کھلے رہیں گے۔ لڑکیوں کے اسکولز کا وقت صبح 8:30 بجے سے 2:30 بجے (پیر تا جمعرات) اور جمعہ کو 12:15 بجے تک ہوگا۔
ڈبل شفٹ اسکولز کے لیے پہلی شفٹ (لڑکے) صبح 8:45 بجے تا 12:45 بجے (پیر تا جمعرات) اور جمعہ کو 12:30 بجے تک جبکہ دوسری شفٹ 1:00 بجے تا 5:00 بجے (پیر تا جمعرات) اور جمعہ کو 2:00 بجے تک جاری رہے گی۔
لڑکیوں کے ڈبل شفٹ اسکولز میں صبح کی شفٹ 8:30 بجے تا 12:30 بجے (پیر تا جمعرات) اور جمعہ کو 12:15 بجے تک جبکہ دوپہر کی شفٹ 12:45 بجے تا 4:45 بجے (پیر تا جمعرات) اور جمعہ کو 1:45 بجے تا 4:45 بجے تک جاری رہے گی۔
یہ بھی پڑھیں: وفاقی دارالحکومت اسلام آباد کے تعلیمی اداروں سے متعلق اہم اعلان سامنے آگیا
محکمہ تعلیم کا کہنا ہے کہ موسم سرما میں اوقات کار کی یہ تبدیلی طلبا و اساتذہ کی سہولت کے لیے کی گئی ہے تاکہ تدریسی عمل متاثر نہ ہو۔ تمام اسکولوں کو ہدایت کی گئی ہے کہ نئے شیڈول پر سختی سے عمل درآمد یقینی بنائیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسکول اوقات کار پنجاب موسم سرما
ہیلیون پاکستان کی معیشت میں 2024 کے دوران 27 ارب روپے کی شراکت