ماں،بیٹی کو کندھے پر اٹھائے ہسپتال کی جانب بھاگتی رہی،کسی نے مدد نہ کی
اشاعت کی تاریخ: 18th, October 2025 GMT
اتراکھنڈ (بھارت) — ماں کا پیار کیا ہوتا ہے، یہ منظر دیکھ کر دنیا ایک لمحے کو رک سی گئی — ایک ضعیف ماں، اپنی نیم جان بیٹی کو کندھے پر اٹھائے ہسپتال کی جانب بھاگتی نظر آتی ہے، لیکن افسوس، وہ بیٹی کو بچا نہ سکی۔
ادھم سنگھ نگر سے تعلق رکھنے والی ہیرا کلی کی یہ ویڈیو سوشل میڈیا پر وائرل ہو چکی ہے، جس میں وہ اپنی بیٹی رجنی کو کندھے پر اٹھا کر اسپتال لے جاتی دکھائی دیتی ہیں۔ یہ مناظر دل کو چیر دینے والے ہیں، جہاں ایک ماں کی بے بسی، معاشرے کی بے حسی اور نظام کی خاموشی سب کچھ عیاں ہو گیا۔
رپورٹس کے مطابق، رجنی کی شادی تین سال قبل ونود نامی شخص سے ہوئی تھی۔ گزشتہ نو ماہ سے وہ مسلسل بیمار تھی — خاص طور پر بچے کی پیدائش کے بعد اس کی حالت بگڑتی چلی گئی۔ الزام ہے کہ سسرال والوں نے نہ صرف اس کی تیمار داری نہیں کی، بلکہ اسے تشدد کا نشانہ بھی بنایا۔
جب بیٹی کی حالت نازک ہوئی، تو ماں نے اسے اسپتال لے جانے کے لیے گاؤں والوں سے، رکشہ ڈرائیورز سے، سب سے مدد مانگی — مگر کسی نے بھی ساتھ نہ دیا۔ آخرکار، بے بس ماں نے خود ہی اپنی بیٹی کو کندھے پر اٹھایا اور اسپتال کی راہ لی۔ پرائیویٹ ایمبولینس کے ذریعے وہ سشیلا تیواری اسپتال، ہلدوانی تک تو پہنچیں، مگر بیٹی راستے ہی میں دم توڑ گئی۔
پولیس کے مطابق، رجنی کی موت کے اس اندوہناک واقعے کی تفتیش جاری ہے، اور پوسٹ مارٹم رپورٹ کے بعد مزید قانونی کارروائی کی جائے گی۔
دردناک سوال:کیا ایک ماں کو اپنی بیٹی کو کندھے پر اٹھا کر لے جانا پڑے — تب ہی ہم جاگیں گے؟ کیا ہمارا سماج اتنا بے حس ہو چکا ہے کہ ایک لاچار عورت کی مدد کو کوئی نہیں آتا؟
ذریعہ
ذریعہ: Daily Mumtaz
کلیدی لفظ: بیٹی کو کندھے پر
پڑھیں:
چیری نے پاکستان میں اپنی گاڑیوں کے تمام ماڈلز کی قیمتیں بڑھا دیں
ٹویوٹا، ہونڈا اور سوزوکی کے بعد چیری(Cherry) نے بھی ہائبرڈ گاڑیوں پر سیلز ٹیکس میں حالیہ اضافے کے بعد پاکستان میں اپنے تمام ماڈلز کی قیمتوں میں اضافہ کردیا۔
تاہم کمپنی نے فوری طور پر مکمل اضافہ صارفین پر منتقل نہیں کیا اور محدود مدت کی پروموشنل آفر کے تحت جزوی طور پر بڑھی ہوئی قیمتیں متعارف کرائی ہیں۔
چیری ٹِگو 7 پی ایچ ای وی کی سابقہ قیمت 94 لاکھ 99 ہزار روپے تھی، جسے بڑھا کر پروموشنل قیمت 99 لاکھ 99 ہزار روپے کردی گئی ہے، جبکہ آفر ختم ہونے کے بعد اس کی اصل قیمت 1 کروڑ 9 لاکھ 49 ہزار روپے ہوگی۔
چیری ٹِگو 8 پی ایچ ای وی کی قیمت 1 کروڑ 12 لاکھ 99 ہزار روپے سے بڑھا کر پروموشنل قیمت 1 کروڑ 14 لاکھ 99 ہزار روپے کردی گئی ہے، جبکہ آفر کے بعد گاڑی کی اصل قیمت 1 کروڑ 29 لاکھ 99 ہزار روپے ہوگی۔
مزیدپڑھیں:اداکار شان بیگ اور روما مائیکل رشتۂ ازدواج میں منسلک، مداحوں کو خوشخبری سنا دی
اسی طرح ٹِگو 9 پی ایچ ای وی کی سابقہ قیمت 1 کروڑ 36 لاکھ 94 ہزار روپے تھی، جس کی پروموشنل قیمت 1 کروڑ 42 لاکھ 99 ہزار روپے مقرر کی گئی ہے۔ آفر ختم ہونے کے بعد گاڑی کی اصل قیمت 1 کروڑ 57 لاکھ 49 ہزار روپے ہوگی۔
کمپنی کے مطابق پروموشنل قیمتیں محدود مدت کے لیے ہیں اور 31 جولائی تک دستیاب ہوں گی، جبکہ اسٹاک ختم ہونے تک موجودہ صارفین بھی اس آفر سے فائدہ اٹھا سکیں گے۔
چیری کی جانب سے نئی قیمتوں کو محدود مدت کی ڈسکاؤنٹ آفر کے طور پر پیش کیا گیا ہے، تاہم رعایت کے باوجود تینوں گاڑیاں اپنی سابقہ قیمتوں کے مقابلے میں مہنگی ہوگئی ہیں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی