صدر ٹرمپ نے وائٹ ہاؤس کا ایک حصہ کیوں گرایا؟
اشاعت کی تاریخ: 21st, October 2025 GMT
امریکی صدر ڈونلڈ ٹرمپ نے اپنی سرکاری رہائش گاہ وائٹ ہاؤس میں ایک بڑے تعمیراتی منصوبے کا آغاز کرتے ہوئے اس کا ایک حصہ منہدم کر دیا ہے۔ اطلاعات کے مطابق اس حصے کو گرا کر ایک شاندار اور وسیع بال روم (Ballroom) تعمیر کیا جا رہا ہے، جس میں مختلف سرکاری تقاریب، عشائیے اور بین الاقوامی مہمانوں کے اعزاز میں استقبالیہ پروگرام منعقد کیے جائیں گے۔
امریکی میڈیا کے مطابق وائٹ ہاؤس کے اندرونی حصے میں جاری یہ تعمیراتی کام ٹرمپ کی ذاتی ہدایت پر شروع کیا گیا ہے۔ منصوبے کے تحت گرائے گئے حصے کا ملبہ ہٹایا جا چکا ہے اور نئی تعمیر کا ڈیزائن بھی حتمی مرحلے میں داخل ہو گیا ہے۔ بتایا جا رہا ہے کہ یہ بال روم وائٹ ہاؤس کی تاریخ میں اب تک کا سب سے بڑا اور جدید سہولیات سے آراستہ ہال ہوگا، جہاں سینکڑوں مہمانوں کو بیک وقت مدعو کیا جا سکے گا۔
صدر ٹرمپ نے اپنے ایک بیان میں وضاحت کی کہ انہیں وائٹ ہاؤس کی تاریخی عمارت سے گہری وابستگی ہے اور وہ اس کے مرکزی حصے کو کسی صورت نقصان نہیں پہنچائیں گے۔ ان کا کہنا تھا کہ یہ توسیعی منصوبہ وائٹ ہاؤس کی شان میں اضافہ کرے گا اور اسے مزید دلکش بنائے گا۔
تاہم امریکی میڈیا کا کہنا ہے کہ جس پیمانے پر یہ تعمیراتی کام کیا جا رہا ہے، اس سے خدشہ ہے کہ وائٹ ہاؤس کی مرکزی عمارت بھی کسی حد تک متاثر ہو سکتی ہے، کیونکہ منصوبے کے نقشے میں عمارت کے اہم داخلی حصوں کے قریب توڑ پھوڑ کی نشاندہی کی گئی ہے۔
.
ذریعہ: Al Qamar Online
کلیدی لفظ: وائٹ ہاؤس کی
پڑھیں:
پسندیدہ فیلڈ مارشل سے نئی دوستی تک، پاکستان نے امریکا کا دل جیت لیا
امریکی صدر ڈونلڈ ٹرمپ کی دوسری مدتِ صدارت میں پاکستان اور امریکا کے تعلقات ایک نئی سمت اختیار کر گئے ہیں۔ واشنگٹن میں کبھی شک و شبہات کی نذر رہنے والا اسلام آباد، اب ٹرمپ انتظامیہ کی نظروں میں ایک اہم شراکت دار بن چکا ہے اور اس تبدیلی کا محور ہے پاکستان کی سیاسی و عسکری قیادت کی چابک دستی، نرمی اور نادر معدنیات (rare earths) کی سفارتکاری۔
خبر رساں ادارے سی این این کے مطابق گزشتہ ماہ وائٹ ہاؤس میں وزیرِاعظم شہباز شریف اور فوجی سربراہ فیلڈ مارشل عاصم منیر کی امریکی صدر سے ملاقات کے دوران، پاکستان نے ناصرف ٹرمپ کے مشرقِ وسطیٰ میں امن اقدامات کی بھرپور تعریف کی بلکہ انہیں نوبیل امن انعام کے لیے نامزد کرنے کا اعلان بھی کیا۔
مزید پڑھیں: صرف پاکستانی وزیراعظم شہباز شریف جانتے ہیں کہ امریکی صدر ڈونلڈ ٹرمپ سے کیسے ڈیل کرنا ہے، برطانوی اخبار
اسی موقع پر ٹرمپ نے جنرل عاصم منیر کو اپنا پسندیدہ فیلڈ مارشل قرار دیا، ایک ایسا جملہ جو پاکستان اور امریکا کے تعلقات میں نئی گرمجوشی کی علامت بن گیا۔
تجزیہ کاروں کے مطابق پاکستان نے ٹرمپ کے دوسرے دور میں امریکا کے ساتھ تعلقات بہتر بنانے کے لیے ایک منفرد حکمتِ عملی اپنائی ہے۔ تعریف، تزویراتی تعاون اور معدنی وسائل کی پیشکش۔ اسلام آباد نے واشنگٹن کو نایاب معدنیات تک رسائی کی یقین دہانی کرائی ہے جو چین کے کنٹرول سے باہر ہیں، اور امریکی دفاعی و صنعتی شعبے کے لیے نہایت اہم ہیں۔
نتیجتاً، پاکستان کو نئے دفاعی معاہدے، کم ٹیرف، اور رے تھیون میزائلوں کی فروخت جیسے فوائد حاصل ہو رہے ہیں، جبکہ بھارت ٹرمپ انتظامیہ کی ناراضی اور بھاری محصولات کا سامنا کر رہا ہے۔
مزید پڑھیں: ٹرمپ کے وعدے پر شکر گزار ہیں کہ وہ انسانی المیے کو روکنے کے لیے مؤثر اقدام کریں گے، وزیراعظم شہباز شریف
فیلڈ مارشل منیر کے کردار پر بھی عالمی توجہ مرکوز ہے۔ وہ وہی شخصیت ہیں جنہوں نے رواں سال مئی میں بھارت کے ساتھ کشیدگی کے دوران مؤثر فوجی قیادت کا مظاہرہ کیا تھا۔ واشنگٹن میں ان کی موجودگی اور براہِ راست ملاقات نے امریکا کو پاکستان کے فیصلہ کن کردار کا احساس دلایا ہے۔
سیاسی مبصرین کہتے ہیں کہ ٹرمپ، جو تعریف اور تیزی سے فیصلے کرنے والے ’جیتنے والے‘ رہنماؤں کو پسند کرتے ہیں، منیر میں اپنی سوچ کی عکاسی دیکھتے ہیں۔ واشنگٹن میں موجود سابق سفیر حسین حقانی کے مطابق ’ٹرمپ کو پاکستان اس لیے پسند ہے کیونکہ پاکستان نے انہیں پسند کیا، سراہا، اور نوبیل انعام کے قابل ٹھہرایا۔‘
اسلام آباد میں حکومت اس نئی دوستی کو معاشی اور سفارتی کامیابی کے طور پر پیش کر رہی ہے اور بظاہر ٹرمپ بھی اس گرمجوشی سے خوش دکھائی دیتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی صدر ڈونلڈ ٹرمپ پاکستان اور امریکا پسندیدہ فیلڈ مارشل خبر رساں ادارہ سی این این فیلڈ مارشل عاصم منیر وزیراعظم شہباز شریف
تھریڈز میں گروپ چیٹ کا نیا فیچرمتعارف، 50 افراد کی سہولت