خیبرپختونخوا کے ضلع تورغر سے پولیو کا نیا کیس رپورٹ, مجموعی تعداد30 ہوگئی۔
اشاعت کی تاریخ: 21st, October 2025 GMT
خیبرپختونخوا کے ضلع تورغر سے پولیو کا نیا کیس رپورٹ ہوگیا،سال 2025 میں اب تک پولیو کیسز کی مجموعی تعداد 30 ہو گئی ۔ نیشنل ای او سی کے مطابق خیبرپختونخوا کے ضلع تورغر سے پولیو کا نیا کیس رپورٹ ہوا،یہ ضلع تورغر سے رواں سال کا دوسراپولیو کیس ہے۔پولیو وائرس کی تصدیق ایک 12 ماہ کے بچے میں ہوئی ہے جو یونین کونسل گھڑی، تورغر سے تعلق رکھتا ہے۔ اس کیس کے بعد پاکستان میں 2025 کے دوران پولیو کیسز کی مجموعی تعداد 30 ہو گئی ، جن میں سے 19خیبر پختونخوا، 9سندھ، اور ایک پنجاب اور ایک کیس گلگت بلتستان سے رپورٹ ہوا ہے ۔والدین بچوں کو ہر مہم میں پولیو سے بچا ؤکے قطرے لازمی پلوائیں، پولیو ویکسین کے ساتھ حفاظتی ٹیکہ جات کا کورس بھی بروقت مکمل کروائیں، پولیو کا خاتمہ ہم سب کی مشترکہ قومی ذمہ داری ہے۔
.ذریعہ: Nawaiwaqt
کلیدی لفظ: ضلع تورغر سے پولیو کا
پڑھیں:
سندھ میں ڈینگی کے وار جاری، کیسز کی تعداد 920 تک جا پہنچی
سندھ بھر میں ڈینگی وائرس کے کیسز میں مسلسل اضافہ دیکھا جا رہا ہے، جب کہ کراچی ڈویژن سب سے زیادہ متاثرہ علاقہ بن کر سامنے آیا ہے۔
محکمہ صحت سندھ کی تازہ رپورٹ کے مطابق رواں سال 2025 میں اب تک ڈینگی کے920 مصدقہ کیسز سامنے آ چکے ہیں، جن میں صرف اکتوبر کے مہینے میں 276 نئے کیسز رپورٹ ہوئے ہیں۔
کراچی میں صورتحال سنگین:
اعداد و شمار کے مطابق ڈینگی سے سب سے زیادہ متاثرہ علاقہ کراچی ہے، جہاں 124 کیسز رپورٹ ہوئے۔ دیگر شہروں میں حیدرآباد سے 82، میرپورخاص سے 58، سکھر سے 9، شہید بینظیرآباد سے 2 اور لاڑکانہ سے 1 کیس سامنے آیا ہے۔
انسدادِ ڈینگی مہم تیز:
وزیر صحت سندھ ڈاکٹر عذرا پیچوہو نے بتایا کہ صوبائی حکومت نے انسدادِ ڈینگی اقدامات کو مزید تیز کر دیا ہے۔ تمام اضلاع میںاسپرے، فاؤگنگ اورنکاسیٔ آب کے نظام کو بہتر بنانے کے لیے ہدایات جاری کر دی گئی ہیں۔
انہوں نے کہاہم نے تمام ڈپٹی کمشنرز اور ضلعی صحت افسران کو ہدایت دی ہے کہ کسی بھی علاقے میں پانی کھڑا نہ ہونے دیا جائے، کیونکہ یہی مچھر کی افزائش کا سب سے بڑا ذریعہ بنتا ہے۔
سرکاری اسپتالوں میں خصوصی انتظامات:
ڈاکٹر عذرا پیچوہو کے مطابق تمام سرکاری اسپتالوں میں ڈینگی کے مریضوں کے لیےالگ یونٹس قائم کیے گئے ہیں، جہاںمفت علاج اور ٹیسٹنگ کی سہولت فراہم کی جا رہی ہے۔
انہوں نے عوام سے اپیل کی:
اپنے گھروں کی صفائی کا خاص خیال رکھیں، چھتوں، گملوں اور صحن میں پانی جمع نہ ہونے دیں۔ مچھر سے بچاؤ کے اسپرے استعمال کریں، اور اگر بخار ہو تو فوراً قریبی اسپتال سے رجوع کریں۔ ڈینگی ایک قابلِ علاج مرض ہے، اگر ہم سب مل کر احتیاط کریں تو اس پر قابو پایا جا سکتا ہے۔
مانیٹرنگ کا عمل جاری
وزیر صحت نے یقین دہانی کرائی کہ ڈینگی مانیٹرنگ ٹیمیں روزانہ کی بنیاد پر متاثرہ علاقوں کا جائزہ لے رہی ہیں اورصورتحال کو مسلسل مانیٹر کیا جا رہا ہے۔
دبئی اسلامی کمپلائنٹ ڈیجیٹل سپلائی چین فنانس پلیٹ فارم متعارف ہو گیا