حادثات وواقعات میں6افراد جاں بحق
اشاعت کی تاریخ: 23rd, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی ( اسٹاف رپورٹر ) شہر کے مختلف علاقوں میں حادثات واقعات میں سیکیورٹی گارڈ سمیت 6افراد جاںبحق ہوگئے دیگر واقعا ت میں خاتون سمیت 2افراد زخمی ہوئے ۔ تفصیلات کے مطابق پریڈی کے علاقے شہید ملت روڈ میڈیکیئر ہسپتال کے قریب ٹریفک حادثے میں 18سالہ نوجوان جاں بحق ہوگیا ۔متوفی کی لاش کو قانونی کاروائی کے لیے جناح اسپتال منتقل کیا گیا تاحال متوفی کی شناخت نہ ہوسکی ۔ سرجانی ٹاؤن کے علاقے سیکٹر 12 میں زیر تعمیر عمارت سے گر کر ایک شخص جاں بحق ہوگیا جس کی لاش عباسی شہید اسپتال لیجائی گئی۔ متوفی کی شناخت 45 سالہ عظیم کے نام سے کی گئی،واقعہ کام کے دوران زیر تعمیر عمارت کی چوتھی منزل سے گرنے کے باعث پیش آیا ہے جبکہ متوفی محنت کش بتایا جاتا ہے۔ ساحل کے علاقے سی ویو دو دریا عمار ٹاور کے دیوار کا ملبہ گرنے سے سیکورٹی گارڈ جاں بحق ہوگیا ۔متوفی کی لاش کو جناح اسپتال منتقل کردیا گیا ۔ ابراہیم حیدری تھانے کی حدود کورنگی ابراہیم حیدری چوک پی ایف میوزیم کے قریب گھر سے پھندا لگی 17سالہ عزیر ولد عزیز نامی نوجوان کی لاش ملی ۔
ذریعہ
ذریعہ: Jasarat News
پڑھیں:
کراچی: 6 سالہ بچی سے مبینہ زیادتی کرنے والا ملزم پولیس مقابلے میں مارا گیا
فائل فوٹوکراچی میں جیکسن کے علاقے میں بچی سے مبینہ زیادتی کرنے والا ملزم پولیس مقابلے میں مارا گیا۔
ڈپٹی انسپکٹر جنرل (ڈی آئی جی) ساؤتھ اسد رضا کے مطابق 6 سالہ بچی کی لاش آج دوپہر کو جیکسن کے علاقے سے ملی تھی، ملزم کی گرفتاری کے لیے جیسے ہی پولیس پہنچی، اُس نے پولیس پر فائرنگ کردی۔
ڈی آئی جی کا کہنا ہے کہ پولیس کے ساتھ فائرنگ کے تبادلے میں ملزم ہلاک ہوگیا، جس کے پاس سے اسلحہ برآمد ہوا۔
پولیس کا کہنا ہے کہ بچی کل دوپہر کو لاپتا ہوئی تھی، آج اس کی لاش ملی، ابتدائی پوسٹ مارٹم میں بھی بچی کے ساتھ زیادتی کی تصدیق ہوگئی تھی۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی