یوگنڈا میں خوفناک ٹریفک حادثہ؛ 46 افراد ہلاک
اشاعت کی تاریخ: 22nd, October 2025 GMT
data-id="863a0a8" data-element_type="widget" data-widget_type="theme-post-content.default">
افریقی ملک یوگنڈا میں خوفناک ٹریفک حادثہ پیش آیا ہے جس میں کم از کم 46 افراد ہلاک جب کہ درجنوں زخمی ہیں۔
عالمی میڈیا کے مطابق یہ حادثہ دارالحکومت کمپالا اور شمالی شر گلو کے درمیان ہائی وے پر منگل اور بدھ کی درمیانی شب پیش آیا۔ جب مخالف سمت میں آنے والی بسیں کار اور ٹرک کو اوور ٹیک کرنے کے دوران ایک دوسرے سے ٹکرا گئیں جب کہ اسی دوران متعدد گاڑیاں بے قابو ہو کر بھی ایک دوسرے سے ٹکرا گئیں۔
پولیس کے مطابق اس خوفناک حادثے میں 46 افراد اپنی جان سے گئے جب کہ درجنوں افراد زخمی بھی ہوئے ہیں۔ لاشوں اور زخمیوں کو اسپتال منتقل کر دیا گیا۔
واضح رہے کہ کمپالا گلو ہائی وے یوگنڈا کی مصروف ترین شاہراہوں میں سے ایک ہے، جو دارالحکومت کو شمالی یوگنڈا کے سب سے بڑے قصبے سے جوڑتی ہے۔
دوسری جانب پولیس کے مطابق ہر سال یوگنڈا میں حادثات کی شرح بڑھتی جا رہی ہے۔ گزشتہ سال 2024 میں سڑک حادثات میں مجموعی طور پر 5144 افراد ہلاک ہوئے تھے جب کہ اس سے قبل 2023 میں 4806 جب کہ 2022 میں 4534 افراد کی ٹریفک حادثات میں جان گئی تھی۔
ذریعہ: Jasarat News
پڑھیں:
کراچی: اورنگی میں حادثہ، چنگ چی ڈرائیور جاں بحق، مشتعل افراد نے ذمے دار ٹینکر جلا دیا
کراچی کے علاقے اورنگی ٹاؤن میں پیش آئے ٹریفک حادثے کے نتیجے میں ایک شخص جاں بحق ہو گیا، واقعے کے بعد مشتعل افراد نے واٹر ٹینکر کو آگ لگا دی۔
پولیس حکام کے مطابق اورنگی ٹاؤن 1 نمبر پر واٹر ٹینکر نے چنگ چی کو ٹکر مار دی جس سے اس کا ڈرائیور 15 سالہ جاوید جاں بحق اور 1 راہ گیر زخمی ہو گیا۔
کراچی: شہریوں نے 2 افراد کو کچلنے والے واٹر ٹینکر کو آگ لگا دیکراچی میں واٹر ٹینکر نے مزید 2 افراد کی جان لے لی۔
حادثے کے فوری بعد ٹینکر کا ڈرائیور فرار ہو گیا جبکہ موقع پر موجود مشتعل افراد نے ٹینکر کو آگ لگا دی۔
اطلاع ملتے ہی پولیس کی بھاری نفری موقع پر پہنچ گئی جس نے فائر بریگیڈ کو طلب کیا۔
امدادی اداروں نے ہلاک شخص کی لاش اور زخمی کو عباسی شہید اسپتال منتقل کر دیا۔
پاکستان ریلوے نے ٹرینوں کے اوقات تبدیل کردیے