ڈاکٹر صالح الفوزان مفتی اعظم سعودی عرب مقرر
اشاعت کی تاریخ: 22nd, October 2025 GMT
خادمِ حرمین شریفین شاہ سلمان بن عبد العزیز نے شاہی فرمان جاری کرتے ہوے ممتاز عالمِ دین ڈاکٹر صالح بن فوزان بن عبداللہ الفوزان کو مفتیِ اعظم سعودی عرب مقرر کر دیا ہے۔
اس کے ساتھ ہی انہیں علماء کی اعلیٰ کونسل کا سربراہ اور ادارہ برائے علمی و فقہی تحقیقات کا صدر بھی نامزد کیا گیا ہے، یہ عہدہ وزیر کے مساوی درجہ رکھتا ہے۔
یہ فیصلہ ولی عہد اور وزیرِاعظم شہزادہ محمد بن سلمان بن عبدالعزیز کی سفارش پر منظور کیا گیا۔
یہ بھی پڑھیں:
ڈاکٹر صالح الفوزان کا شمار سعودی عرب کے ممتاز ترین علما میں ہوتا ہے، وہ 28 ستمبر 1935 کو الشمسیہ نامی قصبے میں پیدا ہوئے، جو القصیم ریجن میں واقع ہے۔
انہوں نے بچپن میں ہی والد کا سایہ کھو دیا تھا، قرآنِ کریم اور ابتدائی تعلیم شیخ حمود بن سلیمان التلال سے حاصل کی، اس کے بعد سرکاری تعلیمی اداروں میں تعلیم جاری رکھی۔
سن 1371 ہجری میں وہ مدرسہ الفیصلیہ ابتدائیہ، بریده میں داخل ہوئے، بعد ازاں جامعہ ریاض کی الشریعہ فیکلٹی سے تعلیم مکمل کی اور فقہ میں ایم اے اور پی ایچ ڈی کی ڈگریاں حاصل کیں۔
مزید پڑھیں:
ڈاکٹر الفوزان نے تدریسی سفر کا آغاز علمی مدرسہ ریاض سے کیا، بعد میں وہ شریعت فیکلٹی اور اصول الدین فیکلٹی میں تدریس سے وابستہ رہے۔
بعد ازاں ڈاکٹر صالح الفوزان کو اعلی عدالتی ادارہ برائے قانون و قضا کا ڈائریکٹر مقرر کیا گیا۔
ڈاکٹر صالح الفوزان کئی دہائیوں سے سعودی عرب کے علمی ودینی حلقوں میں نمایاں مقام رکھتے ہیں۔
ان کی متعدد فقہی وشرعی تصنیفات دینی جامعات میں پڑھائی جاتی ہیں۔ وہ اس سے قبل علما کی اعلی کونسل اور دار الافتا کے رکن بھی رہ چکے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
خادم حرمین شریفین ڈاکٹر صالح بن فوزان بن عبداللہ الفوزان سعودی عرب شاہ سلمان بن عبد العزیز مفتیٰ اعظم.ذریعہ: WE News
کلیدی لفظ: خادم حرمین شریفین شاہ سلمان بن عبد العزیز مفتی اعظم
پڑھیں:
جب صابر بھاٹیہ کو ایشوریا رائے سے شادی کا خواب مہنگا پڑ گیا، سلمان خان نے کیسے حساب چُکایا؟
دنیا کی پہلی ویب میل سروس ہاٹ میل کے بانی صابر بھاٹیہ ایک وقت میں ایک ایسے بولی وُڈ ڈرامے کا حصہ بن گئے، جس میں مرکزی کردار کوئی اور نہیں بلکہ ایشوریا رائے بچن اور سلمان خان تھے۔
ایشوریا، سلمان خان اور صابر بھاٹیہ کا یہ واقعہ آج بھی انٹرنیٹ پر ایک دلچسپ یاد کے طور پر زندہ ہے، جہاں ٹیکنالوجی اور بولی وُڈ کی دنیا ایک رات کے لیے آمنے سامنے آگئی تھیں۔
ٹائمز آف انڈیا کے مطابق یہ واقعہ سن 2001 کا بتایا جاتا ہے، جب صابر بھاٹیہ نے ایک انٹرویو میں کھل کر کہا کہ وہ ایشوریا رائے سے شادی کرنا چاہتے ہیں۔
ان کے اس بیان نے میڈیا میں ہلچل مچا دی اور پھر ایک مشہور پارٹی میں سلمان خان نے خود ان سے آمنے سامنے بات کی۔
رپورٹس کے مطابق اس پارٹی میں صابر بھاٹیہ بھی مدعو تھے، غیر متوقع طور پر سلمان خان نے داخل ہوتے ہی مسکراتے ہوئے صابر بھاٹیہ سے کہا، ’ تو تم وہ ہو جو ایش سے شادی کرنا چاہتے ہو؟‘
صابر بھاٹیہ، جو اُس وقت ٹی وی ہوسٹ سیمی گریوال کے ساتھ موجود تھے، ہنس کر بات کو مذاق میں ٹالنے کی کوشش کرنے لگے۔ مگر سلمان نے بات ختم نہیں کی اور مزید کہا: ’وہ بہت اچھی لڑکی ہے۔‘
کچھ دیر بعد جب صابر بھاٹیہ ایک خاتون مہمان کے ساتھ تصویر کھنچوانے لگے تو سلمان خان اچانک ان کے قریب آ گئے اور تصویر کے لیے بازو خاتون کے گرد رکھا۔ اسی دوران، مبینہ طور پر سلمان کی جلتی ہوئی سگریٹ صابر بھاٹیہ کے ہاتھ سے چھو گئی۔
جب صابر کو ہلکا سا جھٹکا لگا تو سلمان نے ہنستے ہوئے کہا، ’اوہ… آخر کار تمہارے ہاتھوں پر ”ایش“ آ ہی گئی!‘ (یعنی ”ایش“ ایشوریا کے نام کا اشارہ) یہ جملہ سن کر پورا کمرہ چند لمحوں کے لیے خاموش ہو گیا۔
ایشوریا رائے کے علاوہ، صابر بھاٹیہ کا نام وقتاً فوقتاً امیشا پٹیل اور سشمیتا سین سے بھی جوڑا گیا، مگر یہ تمام تعلقات صرف خبروں تک ہی محدود رہے۔
بعد ازاں، انہوں نے 9 مارچ 2008 کو اپنی دیرینہ دوست تانیا شرما سے شادی کی۔ اس جوڑے کی ایک بیٹی آریانا ہوئی، تاہم 2013 میں دونوں میں علیحدگی ہوگئی۔
کراچی، دو الگ الگ پولیس مقابلے، دو ڈاکو زخمی حالت میں گرفتار، ایک فرار