’کرینہ کپور میری بیوی رہ چکی‘، مفتی قوی کا حیران کن دعویٰ
اشاعت کی تاریخ: 6th, December 2025 GMT
متنازع بیانات دینے والے مفتی عبدالقوی نے کرینہ کپور کے حوالے سے حیران کن دعویٰ کیا ہے، جنہوں نے سوشل میڈیا اور عوام میں بحث کا نیا موضوع پیدا کر دیا ہے۔
مفتی عبدالقوی نے ایک پوڈ کاسٹ میں کہا کہ انہوں نے کرینہ کپور سے ماضی میں نکاح کیا تھا اور وہ ان کی بیوی رہ چکی ہیں۔ ان کا کہنا تھا کہ کرینہ کپور بھی پاکستان کی بھابھی رہی ہیں کیونکہ وہ ان کے نکاح میں تھیں۔
یہ بھی پڑھیں: مفتی قوی راکھی ساونت سے شادی کے لیے کون سی دوا کھا رہے ہیں؟
انہوں نے بتایا کہ ان کا کرینہ کپور سے ابتدائی تعلق سن 1996 میں بنا، جب اداکارہ کی عمر تقریباً 21 سے 23 برس کے درمیان تھی، اور یہ تعلق سن 1999 تک قائم رہا۔
مفتی عبدالقوی نے کہا کہ ہندو خواتین سے نکاح اسلام میں جائز ہے کیونکہ ہندو بھی اہل کتاب ہیں، اور اسی بنیاد پر انہوں نے کرینہ کپور سے نکاح کیا تھا۔ انہوں نے یہ بھی کہا کہ وہ سیٹھ شاہد کے نام سے مشہور تھے اور ممکن ہے کہ کرینہ کپور سیٹھ شاہد کے نام سے متاثر ہوئی ہوں کیونکہ اس وقت وہ اتنی بڑی اداکارہ نہیں بنی تھیں۔
پوڈکاسٹ کے دوران مفتی عبدالقوی نے کرینہ کپور اور سیف علی خان کے نکاح کے بارے میں بھی بات کی۔ ان کے مطابق جب کرینہ کپور نے سیف علی خان سے شادی کی تو کچھ بھارتی علما نے ان کے نکاح کو ناجائز قرار دیا، لیکن میں نے خود کرینہ کے نکاح کو جائز قرار دیا اور کھل کر سیف علی خان سے ان کی شادی کی حمایت کی۔
یہ بھی پڑھیں: ’مجھے جھیلنا آسان نہیں‘، راکھی ساونت کا مفتی قوی کو پیغام
مفتی عبدالقوی نے مزید دعویٰ کیا کہ اگر ایشوریا رائے کی جانب سے بھی نکاح کی پیشکش آئے تو وہ آمادہ ہیں، کیونکہ انہیں اداکارہ شروع سے پسند رہی ہیں۔
انہوں نے اپنی جوانی، خوبصورتی اور دبئی و بھارتی کاروباری و مذہبی شخصیات کے ساتھ روابط کا بھی ذکر کیا۔ ان کا کہنا تھا کہ ان کے تعلقات کا دورانیہ سن 1996 سے 1999 تک رہا اور اس دوران متعدد ملاقاتیں اور مباحثے ہوئے۔
تاہم انہوں نے یہ واضح نہیں کیا کہ اگر کرینہ کپور واقعی ان کی بیوی رہ چکی ہیں تو ان کے درمیان طلاق کب اور کس وجہ سے ہوئی۔
یہ بیانات دوبارہ ان کے تنازعات کو سامنے لے آئے ہیں اور سوشل میڈیا پر شدید بحث کا سبب بن گئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news سیف علی خان شادی کرینہ کپور مفتی قوی.
ذریعہ
ذریعہ: WE News
کلیدی لفظ: سیف علی خان کرینہ کپور مفتی قوی مفتی عبدالقوی نے نے کرینہ کپور سیف علی خان انہوں نے مفتی قوی کے نکاح
پڑھیں:
صرف ایک لفظ ’بم‘ نے آسمان میں اڑتے طیارے کو واپس موڑ دیا، حیران کن حقیقت سامنے آگئی
نیویارک: امریکا سے اسپین جانے والی یونائیٹڈ ایئرلائنز کی ایک پرواز کو دورانِ سفر اس وقت واپس موڑ دیا گیا جب ایک بلوٹوتھ ڈیوائس کے مشکوک نام نے سیکیورٹی الرٹ پیدا کر دیا۔
میڈیا رپورٹس کے مطابق یونائیٹڈ ایئرلائنز کی پرواز 236 ہفتے کے روز نیوآرک لبرٹی انٹرنیشنل ایئرپورٹ سے اسپین کے شہر پالما ڈی مایورکا کے لیے روانہ ہوئی تھی۔ بوئنگ 767 طیارے میں تقریباً 190 مسافر اور 12 عملے کے ارکان سوار تھے۔
پرواز کو روانہ ہوئے تقریباً تین گھنٹے گزر چکے تھے کہ اچانک سیکیورٹی خدشات کے باعث پائلٹ نے طیارے کا رخ واپس نیوآرک کی جانب موڑ دیا۔ اطلاعات کے مطابق پرواز کے دوران مسافروں کو اپنے بلوٹوتھ آلات بند کرنے کی ہدایت دی گئی تھی، تاہم ایک ڈیوائس مسلسل سسٹم میں Bomb کے نام سے ظاہر ہو رہی تھی۔
عملے کی جانب سے متعدد اعلانات کے باوجود متعلقہ ڈیوائس کی شناخت نہ ہونے پر سیکیورٹی خدشات بڑھ گئے، جس کے بعد ایئرلائن اور پائلٹ نے احتیاطی تدابیر کے تحت طیارے کو واپس لے جانے کا فیصلہ کیا۔
طیارے کی بحفاظت لینڈنگ کے بعد تمام مسافروں کو اتار لیا گیا اور قانون نافذ کرنے والے اداروں نے جہاز کی مکمل تلاشی لی۔ امریکی ٹرانسپورٹیشن سیکیورٹی ایڈمنسٹریشن (TSA)، کسٹمز اینڈ بارڈر پروٹیکشن (CBP) اور دیگر اداروں نے بھی اضافی جانچ پڑتال کی۔
بعد ازاں تحقیقات میں معلوم ہوا کہ مشکوک ڈیوائس دراصل ایک 16 سالہ مسافر کی فٹ بِٹ (Fitbit) اسمارٹ ڈیوائس تھی، جس کا نام Bomb رکھا گیا تھا۔ اسی نام کی وجہ سے سیکیورٹی نظام میں غلط فہمی پیدا ہوئی اور پرواز کو واپس موڑنا پڑا۔
یونائیٹڈ ایئرلائنز نے واقعے کی تصدیق کرتے ہوئے کہا کہ سیکیورٹی خدشات کے پیش نظر طیارے کو واپس لایا گیا تھا۔ تمام جانچ مکمل ہونے کے بعد مسافروں کو متبادل پرواز کے ذریعے اسپین روانہ کیا گیا، جو اگلے روز اپنی منزل پر پہنچ گئی۔
رپورٹس کے مطابق امریکی وفاقی تحقیقاتی ادارہ (FBI) بھی واقعے کا جائزہ لے رہا ہے، تاہم اب تک کسی شخص کے خلاف فوجداری مقدمہ یا الزام عائد نہیں کیا گیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ