یوگنڈا میں قیامت خیز ٹریفک حادثہ، 63 ہلاک، درجنوں زخمی
اشاعت کی تاریخ: 22nd, October 2025 GMT
یوگنڈا میں ہائی وے پر ہونے والے خوفناک ٹریفک حادثے میں کم از کم 63 افراد ہلاک اور متعدد زخمی ہوگئے۔
حادثہ اُس وقت پیش آیا جب دو مخالف سمتوں سے آنے والی بسوں نے اوور ٹیک کی کوشش کی، جس کے نتیجے میں چار گاڑیاں آپس میں ٹکرا گئیں۔
غیر ملکی خبر ایجنسی کے مطابق یہ واقعہ کمپالا گلو ہائی وے پر کتالیبے گاؤں کے قریب پیش آیا۔ پولیس حکام نے حادثے کو حالیہ برسوں کا بدترین ٹریفک حادثہ قرار دیتے ہوئے کہا کہ ابتدائی تحقیقات سے معلوم ہوا ہے کہ خطرناک اوور ٹیکنگ ہی حادثے کی بنیادی وجہ تھی۔
پولیس نے ڈرائیورز کو خبردار کیا ہے کہ وہ رفتار پر قابو رکھیں اور سڑک کے اصولوں کی پابندی کریں تاکہ مزید جانی نقصان سے بچا جا سکے۔ حادثے میں جاں بحق افراد کی لاشوں کو اسپتال منتقل کر دیا گیا ہے جبکہ تحقیقات جاری ہیں۔
.ذریعہ: Daily Mumtaz
پڑھیں:
ہانگ کانگ ایئر پورٹ پر کارگو طیارے کا حادثہ، دو ہلاکتیں
اسلام آباد (اُردو پوائنٹ ۔ DW اردو۔ 20 اکتوبر 2025ء) بوئنگ 747 طرز کا یہ مال بردارطیارہ متحدہ عرب امارات میں دبئی سے ہانگ کانگ پہنچا تھا اور لینڈنگ کے دوران رن وے سے پھسل کر سمندر میں جا گرا۔ مقامی میڈیا کی جاری کردہ ویڈیوز میں اس طیارے کو آدھا پانی میں ڈوبا ہوا دیکھا جا سکتا تھا، جبکہ اس کا آخری حصہ مکمل طور پر اس طیارے سے الگ ہو چکا تھا۔
رن وے کے قریب گاڑی سے ٹکرلینڈنگ کے وقت پیش آنے والے حادثے کے دوران اس مال بردار طیارے نے ایک ایسی گاڑی کو ٹکر بھی مار دی، جو تب رن وے کے قریب گشت پر تھی۔ یہ گاڑی بھی سمندر میں جا گری اور اس میں موجود دو سکیورٹی اہلکار ہلاک ہو گئے۔
کارگو طیارے میں موجود عملے کے تمام چاروں ارکان کو سمندر سے بحفاظت نکال لیا گیا اور ان میں سے کوئی زخمی نہیں ہوا۔
(جاری ہے)
بتایا گیا ہے کہ حادثے کے وقت طیارے میں کوئی کارگو نہیں تھا۔ ہانگ کانگ ایئر پورٹ کی انتظامیہ کے مطابق موسم لینڈنگ کے لیے موزوں تھا۔ ہانگ کانگ کی فضائی حادثات سے متعلق اتھارٹی اس حادثے کی تحقیقات کر رہی ہے۔
ہانگ کانگ انٹرنیشنل ایئر پورٹ کے شمالی رن وے پر پیش آنے والےاس حادثے کا وہاں مسافر پروازوں کے شیڈول پر کوئی خاص اثر نہ پڑا۔ ہوائی اڈے کی ویب سائٹ پر ابتدائی طور پر کسی بڑی تاخیر یا پروازوں کی منسوخی کی بھی کوئی اطلاعات پوسٹ نہیں کی گئی تھیں۔
ادارت: مقبول ملک
لندن میں گزشتہ برس 80 ہزار موبائل چوری ہونے کا انکشاف