کچے کے علاقے میں 72 ڈاکو ہتھیار ڈالنے پر آمادہ
اشاعت کی تاریخ: 22nd, October 2025 GMT
data-id="863a0a8" data-element_type="widget" data-widget_type="theme-post-content.default">
شکارپور میں سندھ حکومت کی جانب سے ڈاکوؤں کی سرینڈر پالیسی 2025 کے تحت ایک اہم تقریب منعقد ہوئی جس میں کچے کے 72 ڈاکوؤں نے خود کو پولیس کے حوالے کردیا۔
تقریب پولیس لائن شکارپور میں ہوئی، جہاں ہتھیار ڈالنے والے ڈاکوؤں کا جمع کرایا گیا جدید اسلحہ بھی نمائش کے لیے رکھا گیا، جن میں کلاشنکوف، راکٹ لانچر، اینٹی ایئرکرافٹ گن سمیت دیگر خطرناک ہتھیار شامل تھے۔
پولیس کے مطابق سرنڈر کرنے والے ڈاکوؤں کے سروں کی مجموعی قیمت 6 کروڑ روپے سے زائد تھی۔ ان میں بدنام زمانہ نثار سبزوئی کے خلاف 82 مقدمات درج تھے اور اس کے سر کی قیمت 30 لاکھ روپے مقرر تھی۔ اسی طرح لادو تیغانی پر 93 ایف آئی آرز اور 20 لاکھ روپے انعام رکھا گیا تھا۔ دیگر ڈاکوؤں میں سوکھیو، سونارو، جمعو، ملن، گلزار، غلام حسین اور نور دین تیغانی شامل تھے، جن کے خلاف درجنوں مقدمات درج ہیں۔
اس موقع پر وزیر داخلہ سندھ ضیا لنجار نے خطاب کرتے ہوئے کہا کہ پولیس اور رینجرز کو ہدایت دی گئی ہے کہ علاقے میں امن قائم رکھا جائے اور ڈاکوؤں کو پرامن زندگی کا موقع دیا جائے۔ ان کا کہنا تھا کہ برادریوں کے سربراہوں کے تعاون کے بغیر یہ اقدام ممکن نہیں تھا۔
وزیر داخلہ نے مزید کہا کہ ہتھیار ڈالنے والے ڈاکوؤں کو قانون کے مطابق کارروائی کا سامنا کرنا ہوگا، تاہم ان سے کوئی ایکسٹرا جوڈیشل کلنگ نہیں کی جائے گی۔ حکومت چاہتی ہے کہ وہ پرامن شہری بنیں۔ سندھ حکومت کچے کے لوگوں کو نوکریاں، بے نظیر انکم سپورٹ پروگرام کے کارڈز، بچوں کی تعلیم اور بہتر انفراسٹرکچر فراہم کرنے کا ارادہ رکھتی ہے۔
اس موقع پر آئی جی سندھ نے بتایا کہ صوبے میں امن و امان کی صورتحال بتدریج بہتر ہو رہی ہے، تاہم گھوٹکی کے کچے کا علاقہ ابھی کلیئر نہیں ہوسکا۔ ان کا کہنا تھا کہ 2012 میں شروع ہونے والی ہنی ٹریپ کارروائیاں اب تک جاری ہیں۔
.
ذریعہ
ذریعہ: Jasarat News
پڑھیں:
وزیراعلی سندھ مراد علی شاہ کا مون سون کے پیش نظر انتظامیہ کو الرٹ رہنے کا حکم
وزیراعلی مراد علی شاہ نے تمام ڈپٹی کمشنرز، ضلعی انتظامیہ، بلدیاتی اداروں، آبپاشی حکام، محکمہ صحت، امدادی اداروں اور مقامی حکومت کے اداروں کو مکمل طور پر چوکس رہنے، ہنگامی ردعمل کی ٹیموں کو تیار رکھنے، نکاسی آب کے نظام کو فعال رکھنے اور انسانی جانوں اور املاک کے تحفظ کے لیے تمام ضروری اقدامات کرنے کی ہدایت کی ہے۔ اسلام ٹائمز۔ سندھ کے وزیر اعلی سید مراد علی شاہ کی ہدایت پر صوبائی ڈیزاسٹر مینجمنٹ اتھارٹی (پی ڈی ایم اے) نے سندھ بھر کی ضلعی انتظامیہ کو ہائی الرٹ کر دیا ہے اور تمام متعلقہ محکموں کو احتیاطی اور ہنگامی ردعمل کے اقدامات کرنے کی ہدایت کی ہے، کیونکہ بحیرہ عرب سے آنے والے مون سون کے طاقتور ہوائی سلسلے صوبے کو متاثر کر رہے ہیں۔ پی ڈی ایم اے کی جانب سے جاری کردہ موسمیاتی ایڈوائزری کے مطابق، پاکستان محکمہ موسمیات (پی ایم ڈی) کی پیش گوئی کی بنیاد پر ملک میں داخل ہونے والے مون سون کے طاقتور ہوائی سلسلے، بالائی اور وسطی علاقوں کو متاثر کرنے والے مغربی موسمی نظام کے ساتھ مل کر، 23 جولائی سے 25 جولائی تک سندھ کے کئی اضلاع میں وسیع پیمانے پر بارش، گرج چمک اور بعض مقامات پر موسلا دھار بارش کا سبب بن سکتے ہیں۔
وزیراعلی مراد علی شاہ نے تمام ڈپٹی کمشنرز، ضلعی انتظامیہ، بلدیاتی اداروں، آبپاشی حکام، محکمہ صحت، امدادی اداروں اور مقامی حکومت کے اداروں کو مکمل طور پر چوکس رہنے، ہنگامی ردعمل کی ٹیموں کو تیار رکھنے، نکاسی آب کے نظام کو فعال رکھنے اور انسانی جانوں اور املاک کے تحفظ کے لیے تمام ضروری اقدامات کرنے کی ہدایت کی ہے۔ وزیر اعلی نے ڈویژنل کمشنرز اور بلدیاتی اداروں کو مزید ہدایت کی کہ وہ نشیبی علاقوں، شہری مراکز اور حساس مقامات کی کڑی نگرانی کریں، امدادی سامان اور آلات کی دستیابی یقینی بنائیں اور موسمیاتی پیش گوئی کی مدت کے دوران تمام محکموں کے درمیان بلاتعطل رابطہ برقرار رکھیں۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی