بی آر اے کمانڈر نور علی چاکرانی کا 100 ساتھیوں سمیت ریاست کے سامنے ہتھیار ڈالنے کا فیصلہ
اشاعت کی تاریخ: 6th, December 2025 GMT
بلوچستان میں ایک اہم پیش رفت سامنے آئی ہے جہاں بی آر اے (براہمداغ بگٹی گروپ) کے معروف کمانڈر وڈیرہ نور علی چاکرانی نے اپنے 100 سے زائد ساتھیوں کے ہمراہ ریاست کے سامنے سرینڈر کر دیا۔
ذرائع کے مطابق نور علی چاکرانی اور ان کے ساتھیوں نے پاکستان ہاؤس سوئی میں باقاعدہ طور پر ہتھیار ڈالے۔ اس موقع پر فراریوں نے میر آفتاب بگٹی کی موجودگی میں پاکستان سے وفاداری کا حلف بھی اٹھایا۔
کمانڈر نور علی چاکرانی بی آر اے کے بڑے اور اثر و رسوخ رکھنے والے کمانڈرز میں شمار ہوتے ہیں۔ ان کا اور ان کے درجنوں ساتھیوں کا ہتھیار ڈالنے کا فیصلہ امن و امان کی صورتحال کے لیے ایک اہم اور مثبت پیش رفت قرار دیا جا رہا ہے۔
ذریعہ: Daily Mumtaz
کلیدی لفظ: نور علی چاکرانی
پڑھیں:
ریاست پاکستان نے بات چیت کے دروازے بند نہیں کئے، سرفراز بگٹی
اپنے پیغام میں سرفراز بگٹی نے کہا کہ بلوچستان میں جہاں ایک طرف ہتھیار اٹھانے والوں کیخلاف انٹیلیجنس بیس آپریشنز جاری ہیں، وہیں ہتھیار پھینک کر آئین پاکستان کو تسلیم کرنیوالوں کو گلے لگانے کا عمل بھی جاری ہے۔ اسلام ٹائمز۔ وزیراعلیٰ بلوچستان سرفراز بگٹی نے صوبے کی کالعدم تنظیموں کو پیغام دیتے ہوئے کہا ہے کہ ریاست پاکستان نے بات چیت کے دروازے بند نہیں کئے ہیں۔ سماجی رابطہ کی ویب سائٹ پر اپنے جاری کردہ پیغام میں سرفراز بگٹی نے کہا کہ بلوچستان میں جہاں ایک طرف ریاست کے خلاف ہتھیار اٹھانے والوں کے خلاف انٹیلیجنس بیس آپریشنز جاری ہیں، وہیں ہتھیار پھینک کر آئین پاکستان کو تسلیم کرنے والوں کو گلے لگانے کا عمل بھی جاری ہے۔ انہوں نے سوئی میں ہتھیار ڈالنے والے وڈیرے کی تصاویر شیئر کرتے ہوئے لکھا کہ سوئی، ڈیرہ بگٹی میں وڈیرہ نور علی چاکرانی اور ان کے ایک سو سے زائد ساتھیوں نے ہتھیار ڈال کر پاکستان کا پرچم اٹھایا ہے۔ جس پر میں انہیں مبارک باد پیش کرتا ہوں۔ وزیراعلیٰ نے کہا کہ یہ واضح پیغام ہے تمام بھٹکے ہوئے لوگوں کو کہ ریاست پاکستان نے بات چیت کے دروازے بند نہیں کئے ہیں، لیکن جو اس کو کمزوری سمجھے گا اس کا مرتے دم تک پیچھا جاری رکھا جائے گا۔
بہنیں صرف اسلیے بچی ہوئی ہیں کہ عمران خان پھر روئیں گے، میری بہنوں کو اندر کردیا، عطا تارڑ