ایئر پنجاب کی تیاری حتمی مراحل میں داخل، پہلی فلائٹ کب اڑان بھرے گی؟
اشاعت کی تاریخ: 27th, October 2025 GMT
وزیراعلیٰ پنجاب مریم نواز شریف نے صوبائی سطح پر ہوابازی کے شعبے میں ایک تاریخی قدم اٹھاتے ہوئے ایئر پنجاب منصوبے کو جلد از جلد فعال کرنے کی ہدایت جاری کی ہے۔
اس منصوبے کا مقصد پنجاب کے شہریوں کو سستی، جدید اور آرام دہ فضائی سفر کی سہولت فراہم کرنا ہے، جو صوبے کی معاشی ترقی اور سیاحت کے فروغ میں اہم کردار ادا کرے گا۔
یہ بھی پڑھیے: وزیر اعلیٰ مریم نواز کا صوبائی ایئرلائن کو جلد از جلد فعال کرنے کا حکم
وزیراعلیٰ مریم نواز شریف کی زیر صدارت لاہور میں ہونے والے ایک اعلیٰ سطحی اجلاس میں ایئر پنجاب منصوبے پر پیشرفت کا تفصیلی جائزہ لیا گیا۔ اجلاس میں وزیراعلیٰ کو منصوبے سے متعلق تفصیلی بریفنگ دی گئی، جس میں ابتدائی طور پر لاہور سے اسلام آباد کے فلائٹ روٹ کو حتمی شکل دی گئی۔
پنجاب حکومت کے ذرائع کے مطابق ایئر پنجاب کے پہلے مرحلے میں 6 جدید اور آرام دہ طیارے لیز پر حاصل کیے جائیں گے، جن کے ذریعے ابتدائی طور پر ڈومیسٹک فلائٹس کا آغاز کیا جائے گا۔ حکومتی ذرائع نے بتایا کہ اگلے سال مارچ 2026 میں ایئر پنجاب کی پہلی پرواز لاہور سے اسلام آباد کے لیے روانہ ہوگی، اس کے بعد بین الاقوامی پروازوں کا آغاز بھی منصوبے کا حصہ ہے۔
ایئر پنجاب منصوبے کا پس منظرپہلی بار ائیر پنجاب کا ذکر اس وقت سامنے جب نواز شریف امریکا میں موجود تھے، انہوں ائیر پنجاب کے حوالے سے بتایا کہ میں نے مریم نواز کو مشورہ دیا کہ آپ نئی ایئرلائن بھی شروع کرسکتی ہیں، ایسی ائیر لائن جو دنیا کے ہر حصے میں جائے۔ میرا خیال ہے اس معاملے پر غوروخوض ہوا ہے۔
یہ بھی پڑھیے: ایئر پنجاب، مریم نواز کی تجویز پر نواز شریف کی بھی حمایت
انہوں نے کہا تھا کہ پی آئی اے کی تباہی پر بہت دکھ ہوتا ہے، میں خود پرواز بدل کر امریکا پہنچا ہوں، پی آئی اے کی خریداری یا نئی ایئرلائن کے حوالے سے مریم نواز غور و خوض کررہی ہیں۔
ایئر پنجاب کا تصور پنجاب حکومت کی جانب سے صوبے میں ہوابازی کے شعبے کو فروغ دینے اور شہریوں کو سہولیات فراہم کرنے کی ایک طویل المدتی حکمت عملی کا حصہ ہے۔ صوبائی سطح پر ایک ایئرلائن کا قیام نہ صرف سفر کے اخراجات کو کم کرے گا بلکہ سیاحت، کاروباری سرگرمیوں اور روزگار کے مواقع کو بھی بڑھاوا دے گا۔ ذرائع کے مطابق، یہ منصوبہ کئی سالوں سے زیر غور تھا، لیکن مریم نواز شریف کی قیادت میں اسے عملی شکل دینے کے لیے تیز رفتار اقدامات اٹھائے جا رہے ہیں۔
یہ بھی پڑھیے: مریم نواز کا ایک سال میں’ایئر پنجاب‘ شروع کرنے کا اعلان
وزیراعلیٰ نے ہدایت کی کہ ایئر پنجاب کے لیے تجربہ کار عملے کی خدمات حاصل کی جائیں اور بھرتیوں کا عمل مکمل طور پر میرٹ پر ہو۔ اس سلسلے میں انٹرویوز کا عمل جاری ہے تاکہ پیشہ ورانہ مہارت کے حامل افراد کو شامل کیا جا سکے۔ منصوبے کے تحت جدید ٹیکنالوجی سے لیس طیاروں کا انتخاب کیا جائے گا تاکہ مسافروں کو بہترین سہولیات فراہم کی جاسکیں۔
حکومتی ذرائع کے مطابق، ایئر پنجاب منصوبے پر تیزی سے عملدرآمد جاری ہے اور وزیراعلیٰ مریم نواز شریف اس منصوبے کی خود نگرانی کر رہی ہیں۔ توقع ہے کہ یہ منصوبہ نہ صرف پنجاب بلکہ پورے پاکستان کے لیے ایک سنگ میل ثابت ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایئر پنجاب ایئر لائن جہاز طیارہ.ذریعہ: WE News
کلیدی لفظ: ایئر پنجاب ایئر لائن جہاز طیارہ
پڑھیں:
مریم نواز کو ہدایتپر پنجاب میں پہلی مرتبہ 35ہزار سے زائد خصوصی بچوں کی ہیلتھ سیکر یننگ
لاہور (نوائے وقت رپورٹ+نیوز رپورٹر) وزیراعلیٰ مریم نواز نے سپیشل بچوں کے لئے سپیشل اقدامات کئے ہیں۔ پنجاب میں پہلی مرتبہ سپیشل ایجوکیشن کے طلبہ کی ہیلتھ سکریننگ کا جامع پروگرام شروع ہو چکا ہے۔ وزیراعلیٰ مریم نوازشریف کی ہدایت پر صوبہ بھر میں 35600 سے زائد سپیشل بچوں کی ہیلتھ سکریننگ کی گئی۔ صوبہ بھر کے سپیشل ایجوکیشن کے مراکز میں زیر تعلیم 34ہزار سے زائد طلبہ کا علاج معالجہ کیا گیا۔ آئی ٹیسٹنگ، دانتوں کا معائنہ اور دیگر امراض کا علاج کیا گیا ہے۔ سپیشل ایجوکیشن سنٹرز میں 20 ہزار طلبہ کا موقع پر ہی علاج معالجہ کیا گیا۔ مراکز صحت، تحصیل ہیڈ کوارٹر او رڈسٹرکٹ ہیڈ کوارٹر ہسپتالوں میں 9ہزار سے زائد طلبہ جبکہ بڑے شہرو ں کے ہسپتالوں میں 5ہزار سے زائد طلبہ کا علاج معالجہ کیا گیا ہے۔ پنجاب بھر میں سپیشل طلبہ کے داخلوں کے لئے ڈور ٹو ڈور مہم کامیابی سے ہمکنار ہو چکی ہے، جس کے دوران 5 ہزار سے زائد نئے داخلے ہوئے ہیں۔ سی ایم پنجاب خود مختار پروگرام کے تحت سپیشل ایجوکیشن مراکز میں 2 خصوصی کورسز کا اجراء کیا گیا ہے۔ سپیشل ایجوکیشن مراکز میں ڈیزائن اینڈ یو ٹیوب، کانٹینٹ کری ایشن، سوشل میڈیا اور ای کامرس کے کورسز بھی کرائے جا رہے ہیں۔ سپیشل ایجوکیشن مراکز میں 10سٹیٹ آف دی آرٹ نئی کمپیوٹر لیبز کی منظوری دے دی گئی۔ سپیشل ایجوکیشن مراکزمیں 8 موجودہ لیبز کو جدید خطوط پر استوار کرنے کا فیصلہ کیا گیا ہے۔ سی ایم پنجاب خود مختار پروگرام کے تحت 18ماسٹر ٹرینرز اور1760 طلبہ کی ٹریننگ جاری ہے۔ ٹریننگ کے دوران پہلی 50 پوزیشنز حاصل کرنے والے سپیشل طلبہ کو لیپ ٹاپ دئیے جائیں گے۔ لاہور،گوجرانوالہ، ملتان اور ڈی جی خان ڈویژن کے 142سپیشل ایجوکیشن مراکز میں کیمرے لگیں گے۔ ملتان اور لاہور سمیت 4 ڈویژن میں سپیشل ایجوکیشن مراکز میں 989 کیمرے نصب ہو چکے ہیں۔ دوسرے فیز میں بہاولپور، فیصل آباد، راولپنڈی، سرگودھا اور ساہیوال کے 158سپیشل انسٹی ٹیوٹس میں اگلے مئی تک 4381 کیمرے نصب ہوں گے۔ سپیشل ایجوکیشن مراکز میں خصوصی طلبہ کے تحفظ کے لئے نصب کیمروں کو لاہور میں قائم سنٹرل سرویلنس روم سے منسلک کیا جائے گا۔ سپیشل ایجوکیشن مراکز میں کیمرہ ریکارڈنگ سے علاج اور بہتری کے لئے طلبہ کے رویوں کا تجزیہ بھی کیا جائے گا۔ پنجاب بھر کے سپیشل ایجوکیشن مراکز میں خصوصی طلبہ کے تحفظ کو یقینی بنانے کے لئے نومبر تک 3450 کیمرے انسٹال کئے جائیں گے۔
اسرانی جی کی موت کی خبر سُن کر شدید غمزدہ ہوں، اکشے کمار