کسان بچائو روڈ کارواں کا آغاز آج ننکانہ انٹرچینج سے ہوگا
اشاعت کی تاریخ: 28th, October 2025 GMT
data-id="863a0a8" data-element_type="widget" data-widget_type="theme-post-content.default">
251028-05-10
فیصل آباد(وقائع نگارخصوصی) کسانوں کے معاشی قتل عام اور حکومت کی کسان دشمن پالیسی کے خلاف جماعت اسلامی پنجاب کے کسان بچاؤ روڈ کارواں کے تیسرے روز کاآغازآج (بروز منگل)فیصل آباد ڈویژن میں صبح10بجے ننکانہ انٹر چینج سے ہوگا ۔دوپہر12بجے جڑانوالہ میں جلسہ ہوگا جبکہ دوپہر2بجے سمندری اور شام 4بجے گوجرہ میںجلسہ عام ہوگا جس سے امیر جماعت اسلامی حافظ نعیم الرحمان،صوبائی امیر جاوید قصوری، صدر کسان بورڑ سردار ظفر حسین خان و دیگر کسان قائدین خطاب کریں گے۔ یاد رہے کسان روڑ کارواں نے 26اکتوبر کو صبح9بجے لاہور پریس کلب سے آغاز کیاتھا۔ پہلے روزمانگا مندی ،بھائی پھیرو، الہ آباد پر کسان روڑ کارواں کا شاندار استقبال کیا گیا جبکہ شام کو حجرہ چوک،ضلع اوکاڑہ عظیم الشان جلسہ عام ہوا جبکہ27 اکتوبر کو کسان روڑ کارواں کا آغاز کالا شاہ کاکو لاہور انٹر چینج سے ہوا ۔ کسان روڑ کارواں مریدکے، واہنڈو، سمٹریال، وزیر آباد کے بعد نوشہرہ ورکاں میںضلع گوجرانوالہ میں جلسہ ہوا۔ کسان بورڈ کے ترجمان کے مطابق اس کارواں کو پورے پاکستان تک پھیلادیاجائے گا۔پنجاب کے تمام ضلعی ہیڈکوارٹرز اور 30سے زائد تحصیلوں میں کسانوں سے اظہارِ یکجہتی اور حکومتی نااہلی کے خلاف احتجاجی کیمپ لگائے جائیں گے۔ کسانوں کو تنہا نہیں چھوڑا جائے گااور کسی کوکسان کی محنت پر ڈاکہ ڈالنے کی اجازت نہیں دیںگے۔کسان کو اس کی محنت کا پورا حق ملے گا۔
ذریعہ: Jasarat News
کلیدی لفظ: کسان روڑ کارواں
پڑھیں:
فیض حمید کے ساتھ اگر کوئی اور ملوث ہوگا تو ان کو بھی سزا ملے گی، گورنر کے پی
پشاور:گورنر خیبر پختونخوا فیصل کریم کنڈی کا کہنا ہے کہ فیض حمید کے ساتھ اگر کوئی اور ملوث ہوگا تو ان کو بھی سزا ملے گی۔
پشاور میں پریس کانفرنس کرتے ہوئے گورنر کے پی فیصل کریم کنڈی نے کہا کہ ایک سزا ہوئی اور کوئی چیز سامنے آئے تو اس پر بھی سزا ہو سکتی ہے۔
انہوں نے کہا کہ فیض حمید کو 14 سال کورٹ مارشل ہوا، جو ریکارڑ پر ثبوت آئے اس بنا پر سزا ہوئی، ان کی ایک چائے کی پیالی سے اس صوبے کو کافی نقصان ہوا، جب سیاسی رہنماؤں کو سزا ملی تو جرنیل کو بھی ملی۔ سب سے پہلے ریاست ہے بانی اوپر سے آئی ہوئی مخلوق نہیں۔
پی ٹی آئی پر تنقید کرتے ہوئے فیصل کریم نے کہا کہ صوبائی سیکریٹریٹ اڈیالہ منتقل ہوگیا ہے وہاں سے صوبہ چلایا جا رہا ہے، سیکرٹری پریشان ہیں کہ کس کی بات مانیں اور کس کی نہ مانیں۔ پنجاب حکومت بانی چیئرمین کو کہیں اور منتقل کر دیں تاکہ عوام سکھ کا سانس لیں۔
گورنر کا کہنا تھا کہ صوبائی حکومت اداروں کے ساتھ ملکر امن قائم کریں تو ہر چیز بہتری کی طرف جائے گی، پی ٹی آئی اور دیگر بلایا جاتا تو نہیں آتے تھے تو آج آرمی کانفرنس میں کس منہ سے دعوت دیں گے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر