بھارت میں غیر ملکی ماڈل کے ساتھ ہراسانی کا واقعہ، ملزم گرفتار
اشاعت کی تاریخ: 28th, October 2025 GMT
data-id="863a0a8" data-element_type="widget" data-widget_type="theme-post-content.default">
بینگلورو: بھارتی ریاست کرناٹکا کے شہر بینگلورو میں ایک برازیلین ماڈل خاتون کے ساتھ ہراسانی کا واقعہ پیش آیا ہے جس نے مقامی پولیس اور سوشل میڈیا پر شدید ردعمل کو جنم دیا ہے۔
بھارتی میڈیا کے مطابق یہ واقعہ 17 اکتوبر کو اس وقت پیش آیا جب خاتون ایک مقامی ہوٹل میں مقیم تھی اور ایک آن لائن فوڈ ایپ سے کھانا آرڈر کرنے کے بعد ڈلیوری لینے پہنچی۔
پولیس رپورٹ کے مطابق خاتون نے اپنی شکایت میں بتایا کہ کھانے کی ڈلیوری کے لیے آنے والے نوجوان نے انہیں نامناسب انداز میں چھوا اور بدتمیزی کی۔ خاتون نے فوری طور پر ہوٹل انتظامیہ کو آگاہ کیا جس کے بعد پولیس کو اطلاع دی گئی۔ پولیس نے مقدمہ درج کرتے ہوئے کارروائی کا آغاز کیا۔
بھارتی میڈیا کے مطابق ڈپٹی کمشنر پولیس نے واقعے کی تصدیق کرتے ہوئے بتایا کہ ملزم کی شناخت کمار راؤ کے نام سے ہوئی ہے جو ایک مقامی کالج کا طالب علم ہے اور پارٹ ٹائم ڈلیوری ایجنٹ کے طور پر کام کرتا ہے۔ پولیس نے درخواست موصول ہونے کے فوراً بعد کارروائی کرتے ہوئے ملزم کو اسی دن گرفتار کر لیا۔
پولیس کے مطابق ملزم سے تفتیش جاری ہے اور اس کے خلاف جنسی ہراسانی کی دفعات کے تحت مقدمہ درج کر لیا گیا ہے۔ واقعے کے بعد شہری حلقوں اور خواتین کے حقوق کے لیے سرگرم تنظیموں نے اس واقعے کی مذمت کی ہے اور مطالبہ کیا ہے کہ آن لائن کمپنیوں کو اپنے ملازمین کی سخت نگرانی کے لیے مزید اقدامات کرنے چاہئیں۔
واضح رہے کہ بھارت میں گزشتہ چند برسوں کے دوران غیر ملکی خواتین کے ساتھ ہراسانی کے کئی واقعات رپورٹ ہو چکے ہیں، جن کے بعد بین الاقوامی سیاحتی حلقوں میں ملک کے حوالے سے تشویش پائی جاتی ہے۔
.ذریعہ: Jasarat News
پڑھیں:
اٹک میں بس ڈرائیور سے جعلی نوٹ برآمد
فائل فوٹواسلام آباد میں ایف آئی اے کمرشل بینکنگ نے اٹک میں کارروائی کرتے ہوئے ایک ملزم کو گرفتار کر کے اس کے قبضے سے 5 ہزار کے 800 جعلی نوٹ برآمد کرلیے۔
ترجمان کے مطابق گرفتار ملزم کا تعلق نوشہرہ سے ہے، ملزم نے جعلی کرنسی اپنے کپڑوں میں چھپائی ہوئی تھی۔
ایف آئی اے نے کراچی اور کوئٹہ میں کارروائی کرتے ہوئے حوالہ ہنڈی میں ملوث 4 ملزمان کو گرفتار کر لیا۔
ترجمان ایف آئی اے کے مطابق گرفتار ملزم بس ڈرائیور ہے اور بس پشاور سے ملتان لے کر جا رہا تھا، ملزم پشاور کے رہائشی رکشہ ڈرائیور سے جعلی کرنسی نوٹ وصول کرتا تھا۔
ترجمان ایف آئی اے کے مطابق ملزم جعلی نوٹ ملتان میں ساتھی کے حوالے کرتا تھا، ملزم کو ایک لاکھ روپے مالیت کے جعلی نوٹ کےعوض 2000 روپے بطور کمیشن ملتا تھا۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر