افغان وفد کا بدلتا موقف: کابل کے ناجائز مشورے مذاکرات کی بے یقینی کا باعث: طالبان کا پورے افغانستان پر کنٹرول نہیں، خواجہ آصف
اشاعت کی تاریخ: 29th, October 2025 GMT
اسلام آباد+ استنبول (خبرنگار خصوصی+ نوائے وقت رپورٹ) استنبول میں پاکستان اور افغان طالبان کے تیسرے راؤنڈ میں مذاکرات 18 گھنٹے تک جاری رہے۔ ذرائع کے مطابق افغان طالبان کے وفد نے متعدد بار پاکستان کے خوارج (ٹی ٹی پی) اور دہشت گردی کے خلاف مصدقہ اور یقینی کارروائی کے منطقی اور جائز مطالبے سے اتفاق کیا۔ میزبانوں کی موجودگی میں بھی افغان وفد نے اس مرکزی مسلئے کو تسلیم کیا۔ تاہم ہر مرتبہ کابل سے ملنے والی ہدایات کے باعث افغان طالبان کے وفد کا مؤقف بدل جاتا ہے۔ ذرائع کے مطابق مذاکرات کے دوران کابل سے ملنے والے غیر منطقی اور ناجائز مشورے ہی بات چیت کے بے نتیجہ رہنے کے ذمہ دار ہیں۔ تاہم پاکستان اور میزبان انتہائی مدبرانہ اور سنجیدہ طریقے سے اب بھی ان پیچیدہ معاملات کو حل کرنا چاہتے ہیں۔ اب بھی ایک آخری کوشش جاری ہے کہ طالبان کی ہٹ دھرمی کے باوجود کسی طرح اس معاملے کو منطق اور بات چیت سے حل کر لیا جائے اور مذاکرات ایک آخری دور کی جانب بڑھ رہے ہیں۔ وزیر دفاع خواجہ آصف نے نجی ٹی وی کو انٹرویو میں کہا ہے کہ پہلے دن اندازہ ہو گیا تھا کہ مذاکرات کا اختیار کابل حکومت کے پاس نہیں۔ طالبان حکومت کا کنٹرول پورے افغانستان پر نہیں۔ مجھے ان باتوں کا اندازہ مذاکرات کی پہلی نشست میں ہو گیا تھا۔ ایک گروپ کی زبانی یقین دہانیوں پر ہم کتنا بھروسہ کر سکتے ہیں۔ جب سے افغان طالبان حکومت میں آئے ہیں ہمارے بچے شہید ہو رہے ہیں۔ کسی کو شک نہیں ہونا چاہئے کہ انہوں نے بھارت کی پراکسی جنگ شروع کی ہے۔ بھارت نے جو ہزیمت اٹھائی ہے اب وہ کابل کے ذریعے تلافی کی کوشش میں ہے۔ بھارت اپنی شکست اور ذلت کا بدلہ کابل کے ذریعے لینا چاہتا ہے۔ قطر اور ترکیے جیسے دوس ممالک پاکستانی مؤقف کے قریب ہیں۔ طالبان وفد پانچ دفعہ یقین دہانیاں کرانے کے بعد پیچھے ہٹ گیا۔ پانچ چھ بار معاہدہ ہوا‘ جب کابل فون پر رابطے کرتے پھر آ کر لاچاری کا اظہار کرتے۔ کابل نے جو پتلی تماشا لگایا وہ نئی دہلی سے کنٹرول ہوتا ہے۔ اگر اسلام آباد کی طرف کسی نے نظر اٹھا کر دیکھا تو اس کی آنکھیں نکال دیں گے۔ ماضی کے جن حکمرانوں نے طالبان کی حمایت کی ان پر مقدمہ چلنا چاہئے۔ چاہے وہ دنیا میں ہوں یا نہ ہوں ان کو سزا ملنی چاہئے۔ چالیس سال ہمارے مہمان رہے پھر بھی کابل کی نگاہوں میں شرم نہیں ہے۔ ہم چاہتے ہیں کابل کسی کا چمچہ نہ بنے۔ عزت دار ہمسائے کی طرح رہے۔ فلسطینیوں کی حفاظت کیلئے کردار ادا کر سکیں تو یہ خوش قسمتی ہو گی۔ خیبر پی کے کی منتخب حکومت ہے، ہمیں ان کا احترام ہے۔ ہم پورا ہفتہ افغان طالبان سے مذاکرات کر چکے ہیں۔ کوئی سمجھتا ہے کہ ہم ٹی ٹی پی سے مذاکرات کریں گے تو ایسا نہیں ہو گا۔ ہم نے بہت شفاف مذاکرات کئے‘ صوبائی حکومت پر کوئی حرف نہیں آنے دیا۔
.ذریعہ: Nawaiwaqt
کلیدی لفظ: افغان طالبان
پڑھیں:
افغانستان: طالبان حکومت نے موسیقی کے درجنوں آلات ضبط کرکے جلادیئے
data-id="863a0a8" data-element_type="widget" data-widget_type="theme-post-content.default">
طالبان حکام نے مقامی بازاروں سے موسیقی کے درجنوں آلات ضبط کرکے جلادیئے۔
غیرملکی میڈیا رپورٹ کے مطابق طالبان کے محکمہ امر بالمعروف و نہی عن المنکر کے مطابق افغان صوبے میدان وردک میں حالیہ ہفتوں کے دوران مقامی بازاروں سے ضبط کیے گئے درجنوں موسیقی کے آلات اور حقوں کو جلا دیا گیا۔
منگل کو جاری بیان میں بتایا گیا کہ ’مجموعی طور پر 160 اشیا جن میں ڈھولک، طبلے، رُباب، ایک پیانو، ایم پی تھری پلیئرز، ٹیپ ریکارڈرز اور 15 حقوں کو شرعی احکامات کے مطابق نذر آتش کردیا گیا‘۔
افغان طالبان کے مطابق یہ اشیا موسیقی اور غیراسلامی سرگرمیوں کے فروغ کے لیے استعمال ہو رہی تھیں اور ان کی ضبطی اور ان کو نذرِ آتش کرنا ہماری پالیسی کا حصہ ہے جس کے تحت شہریوں کی ثقافتی اور سماجی سرگرمیوں پر سخت پابندیاں لگائی جا رہی ہیں۔
واضح رہے کہ طالبان کے افغانستان میں دوبارہ اقتدار سنبھالنے کے بعد موسیقی کو عوامی مقامات سے تقریباً ختم کر دیا گیا ہے اور تقریبات یہاں تک کہ شادی میں بھی موسیقی پر سخت پابندی ہے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر