کرم میں بھارتی پراکسی فتنہ خوارج کیخلاف آپریشن، 7 خوارج ہلاک، کیپٹن سمیت 6 جوان شہید
اشاعت کی تاریخ: 29th, October 2025 GMT
—فائل فوٹو
سیکیورٹی فورسز نے کرم کے علاقے دوگر میں بھارتی پراکسی فتنہ خوارج کے خلاف آپریشن کے دوران 7 خوارج کو ہلاک کردیا۔ شدید فائرنگ کے تبادلے میں کیپٹن سمیت 6 بہادر جوان شہید ہوگئے۔
پاک فوج کے شعبۂ تعلقاتِ عامہ آئی ایس پی آر کے مطابق فتنہ خوارج کے خلاف آپریشن خفیہ اطلاع کی بنیاد پر کیا گیا۔
آئی ایس پی آر نے بتایا ہے کہ شدید فائرنگ کے تبادلے میں کیپٹن نعمان سلیم سمیت 6 بہادر جوانوں نے جامِ شہادت نوش کیا ہے۔
پاک فوج کے شعبۂ تعلقاتِ عامہ کا کہنا ہے کہ شہید ہونے والوں میں حوالدار امجد علی، نائیک وقاص احمد، سپاہی اعجاز علی، سپاہی محمد ولید اور سپاہی محمد شہباز بھی شامل ہیں۔
سیکیورٹی فورسز نےگزشتہ روز (24 اکتوبر کو) ایک بڑی دہشت گردی کی کارروائی کو ناکام بنا دیا۔
آئی ایس پی آر کے مطابق کیپٹن نعمان سلیم ایک بہادر اور نوجوان میڈیکل آفیسر تھے، جو محاذ پر میڈیکل خدمات انجام دینے کے ساتھ دلیرانہ انداز میں لڑے اور جامِ شہادت نوش کیا۔
پاک فوج کے شعبۂ تعلقاتِ عامہ نے بتایا ہے کہ علاقے میں موجود دیگر بھارتی سرپرستی یا فتنہ خوارج کی تلاش اور خاتمے کے لیے کلیئرنس آپریشن جاری ہے۔
آئی ایس پی آر نے بتایا ہے کہ سیکیورٹی فورسز اور قانون نافذ کرنے والے ادارے انسدادِ دہشت گردی کی مہم پوری قوت سے جاری رکھے ہوئے ہیں۔
پاک فوج کے شعبۂ تعلقاتِ عامہ کے مطابق ملک سے بیرونی حمایت یافتہ دہشت گردی کے ناسور کا مکمل خاتمہ کیا جائے گا۔
.ذریعہ: Jang News
کلیدی لفظ: پاک فوج کے شعبہ ا ئی ایس پی ا ر فتنہ خوارج
پڑھیں:
غزہ میں طوفانی بارش اور سردی سے 3بچوں سمیت 16 افراد جاں بحق
غزہ میں طوفانی بارش اور شدید سردی کے اثرات سے گزشتہ 24 گھنٹوں کے دوران کم از کم 16 افراد ہلاک ہو گئے ہیں، جن میں 3 بچے بھی شامل ہیں۔ متاثرہ بچے سردی کے سبب ہلاک ہوئے، جبکہ دیگر افراد مختلف حادثات میں مارے گئے۔
یہ بھی پڑھیں:اسرائیلی افواج کی غزہ پر گولہ باری، امریکی ثالثی والے معاہدے کی خلاف ورزی جاری
عرب میڈیا کے مطابق اسٹورم ’بائرن‘ کی وجہ سے بدھ کی رات سے غزہ کی عبوری پناہ گزین کیمپوں میں پانی بھر گیا ہے، جس سے قبائلی اور عارضی رہائشیں بھی متاثر ہوئی ہیں۔
غزہ کے الشفا اسپتال نے 9 سالہ حدیل المصری اور چند ماہ کے تیم الخواجہ کی موت کی تصدیق کی ہے۔ ناصر اسپتال خان یونس میں 8 ماہ کی رہف ابو جزار بھی سردی کے باعث ہلاک ہوئی۔
غزہ کی سول ڈیفنس ایجنسی کے مطابق 6 افراد شمالی غزہ کے علاقے بیر الناجہ میں مکان کے گرنے سے ہلاک ہوئے، جبکہ 2 لاشیں غزہ سٹی کے شیخ رضوان میں تباہ شدہ مکان سے برآمد ہوئیں۔
مزید 5 افراد مختلف مقامات پر دیوار گرنے سے ہلاک ہوئے۔ ایجنسی نے بتایا کہ اس کے عملے نے 13 مکانوں کے منہدم ہونے کی کالز کا جواب دیا، جن میں زیادہ تر غزہ سٹی اور شمالی علاقے شامل ہیں۔
یہ بھی پڑھیں:غزہ جنگ بندی پر مذاکرات نازک مرحلے میں داخل، قطر کا انتباہ
طوفان کے سبب ہزاروں فلسطینی خیموں اور عارضی پناہ گاہوں میں رہنے پر مجبور ہیں، جہاں بچے پانی میں چلتے اور گیلی بستروں پر سوتے دکھائی دیتے ہیں۔ 17 سالہ سیف ایمان، جو ٹانگ میں چوٹ کے باعث کرچ پر ہیں، نے بتایا کہ ان کے خیمے میں کمبل بھی موجود نہیں تھے اور 6 افراد ایک ہی گدی پر سوتے ہیں۔
اقوام متحدہ کے بچوں کے ادارے کے ترجمان جوناتھن کرکس نے کہا کہ رات کے درجہ حرارت آٹھ سے نو ڈگری سیلسیس تک گر سکتا ہے، اور یہ لوگ صرف پلاسٹک کی چادروں سے محفوظ ہیں۔ انہوں نے یہ بھی انتباہ کیا کہ پانی کی ناقص نکاسی اور غیر صحت مند حالات کے باعث بچوں میں بیماریوں کے پھیلنے کا خطرہ ہے۔
یاد رہے کہ اسرائیل اور حماس کے درمیان اکتوبر میں نافذ ہونے والا جنگ بندی معاہدہ جزوی طور پر سامان اور امداد کے داخلے میں آسانی پیدا کر چکا ہے، مگر اقوام متحدہ کے مطابق امدادی سامان کی مقدار ابھی ناکافی ہے اور انسانی ضروریات اب بھی بہت زیادہ ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اقوام متحدہ بارش سردی غزہ
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر