اسلام آباد میٹرو فیڈر بس کا روٹ تنازع کے باعث تبدیل
اشاعت کی تاریخ: 30th, October 2025 GMT
نیشنل ہائی وے اتھارٹی (این ایچ اے) اور کیپیٹل ڈیولپمنٹ اتھارٹی (سی ڈی اے) کے درمیان ٹول ٹیکس کے تنازع کے باعث اسلام آباد میٹرو فیڈر بس روٹ ایف آر-10 کو تبدیل کر دیا گیا ہے۔
وفاقی وزیر داخلہ سینیٹر محسن نقوی نے قومی اسمبلی کو بتایا کہ سی ڈی اے کو سنگجانی کے مقام پر این ایچ اے کی جانب سے ٹول ٹیکس عائد کیے جانے کے بعد روٹ میں تبدیلی کرنا پڑی۔
یہ بھی پڑھیں:پی ٹی آئی احتجاج: راولپنڈی اسلام آباد میٹرو بس سروس بند کرنے کا فیصلہ
ابتدائی طور پر یہ روٹ گولڑہ موڑ میٹرو اسٹیشن سے ٹیکسلا تک این-5 کے ذریعے چلایا جا رہا تھا، تاہم این ایچ اے نے ٹول فیس کے بغیر بسوں کو گزرنے کی اجازت دینے سے انکار کر دیا، جس کے بعد سی ڈی اے نے راستہ مرگلہ روڈ سے گزارنے کا فیصلہ کیا۔
میڈیا رپورٹ کے مطابق محسن نقوی نے بتایا کہ سی ڈی اے فی الوقت فیڈر سروس کے تسلسل کے لیے 50 فیصد سبسڈی فراہم کر رہا ہے تاکہ شہریوں کو سفری سہولت ملتی رہے۔
ان کے مطابق متعدد بار این ایچ اے کو برقی فیڈر بسوں کے لیے ٹول فیس میں چھوٹ دینے کی درخواست کی گئی، تاہم کوئی جواب موصول نہیں ہوا۔
یہ بھی پڑھیں:اسلام آباد میں تندوتیز ہوائیں اور بارش، کئی عمارتوں کے شیشے ٹوٹ گئے، میٹروسروس بند
تحریری جواب میں بتایا گیا کہ ایف آر-10 روٹ پہلے 26 نمبر، ترنول، جی-15، جی-16، صفیہ روڈ، سرائے خربوزہ، ای-16، ای-17 اور سنگجانی سے ہوتا ہوا ٹیکسلا تک جاتا تھا، مگر اب متبادل راستے کے استعمال سے ان علاقوں کے رہائشی متاثر ہوئے ہیں۔
وزیر داخلہ نے مزید کہا کہ سی ڈی اے کی کوشش ہے کہ جیسے ہی ٹول فیس کا معاملہ حل ہو، اصل روٹ بحال کیا جائے تاکہ اسلام آباد کے مضافاتی علاقوں اور سیکٹرز کو دوبارہ مرکزی ٹرانسپورٹ نیٹ ورک سے جوڑا جا سکے۔
انہوں نے واضح کیا کہ 26 چونگی سے ٹیکسلا تک برقی فیڈر بسوں کے لیے ٹول چھوٹ کا معاملہ باقاعدہ طور پر این ایچ اے کو ارسال کر دیا گیا ہے اور سی ڈی اے اس کے جواب کا منتظر ہے تاکہ سروس مکمل طور پر بحال کی جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد این ایچ اے سنگجانی میٹرو بس وزیر داخلہ.
ذریعہ
ذریعہ: WE News
کلیدی لفظ: اسلام اباد این ایچ اے میٹرو بس وزیر داخلہ ایچ اے سی ڈی اے فیڈر بس کے لیے
پڑھیں:
فیصل آباد:حکومت سے مذاکرات ناکام ہونے پر پیٹرول پمپ مالکان کا پمپس بند رکھنے کا اعلان
اسلان درانی : فیصل آباد میں حکومت اور پٹرول پمپ مالکان کے درمیان مذاکرات کامیاب نہ ہو سکے، جس کے بعد پٹرول پمپ مالکان نے ہڑتال کا اعلان کر دیا, ہڑتال کے باعث شہر میں متعدد پٹرول پمپس پر پٹرول کی فراہمی معطل ہو گئی، جس سے شہریوں کو ایندھن کے حصول میں شدید مشکلات کا سامنا ہے۔
اطلاعات کے مطابق پاکستان اسٹیٹ آئل (PSO) اور گو (GO) کے چند پمپس کے علاوہ بیشتر مقامات پر پٹرول دستیاب نہیں، جبکہ کھلے پمپس پر بھی گاڑیوں کی لمبی قطاریں دیکھی جا رہی ہیں۔ شہریوں کا کہنا ہے کہ پٹرول تک رسائی ان کے لیے ایک بڑا چیلنج بن چکی ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں نے شکایت کی کہ پٹرول پہلے ہی مہنگا ہو چکا ہے اور اب اس کی عدم دستیابی نے مشکلات میں مزید اضافہ کر دیا ہے۔ بعض شہریوں کا کہنا ہے کہ پٹرول پمپ مالکان سپلائی میں تعطل کو جواز بنا رہے ہیں، جس سے عام صارفین متاثر ہو رہے ہیں۔
شہریوں نے حکومت سے مطالبہ کیا ہے کہ عوامی مفاد کو مدنظر رکھتے ہوئے فوری اقدامات کیے جائیں، پٹرول کی بلا تعطل فراہمی یقینی بنائی جائے اور حکومت و پٹرول پمپ مالکان کے درمیان پیدا ہونے والے تنازع کو جلد از جلد حل کیا جائے تاکہ معمولاتِ زندگی متاثر نہ ہوں۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار