وزیراعلیٰ کے پی کو پنڈی پولیس نے اڈیالہ جانے سے روک دیا
اشاعت کی تاریخ: 30th, October 2025 GMT
راولپنڈی:
وزیراعلیٰ کے پی سہیل آفریدی عمران خان سے ملنے اڈیالہ جیل پہنچے جہاں انہیں راولپنڈی پولیس نے داہگل ناکے پر روک لیا۔
روکے جانے پر میڈیا سے گفتگو میں انہوں ںے کہا کہ بانی میرا لیڈر ہے اور لیڈر سے ملاقات میرا حق ہے، اب میں ادھر آگیا ہوں دیکھتا ہوں اجازت ملتی ہے کہ نہیں۔
سہیل آفریدی نے کہا کہ بانی کے احکامات پر کابینہ کی تشکیل کرلی ہے، جلد اعلان ہوگا، پہلے مرحلے میں کابینہ 10 سے زائد ممبران پر مشتمل ہوگی، ملاقات کے لیے کوشش کر رہا ہوں اور آئینی و قانونی راستہ اختیار کر رہا ہوں۔
انہوں ںے کہا کہ مجھے روکنے والوں کو پتا ہوگا کہ ان کو مجھ سے کیا خوف ہے، ہائیکورٹ کے تحریری آرڈر ملنے پر توہین عدالت کی کارروائی میں جائیں گے، میں اپنے قائد سے دو سال سے نہیں ملا، میں دیکھتا ہوں مجھے ملنے سے کتنا روکتے ہیں۔
صحافی نے سوال کیا کہ رانا ثنا اللہ آپ پر بہت تنقید کر رہے ہیں اس پر انہوں ںے کہا کہ میں بہت مصروف ہوں سوشل میڈیا دیکھنے کا وقت نہیں، تنقید اسی نے کرنی ہے اسی لیے اس کو رکھا ہوا ہے۔
انہوں نے کہا کہ مقدمات کا سامنا کرنے والے کارکنوں کو شکایات تھیں، ان کارکنوں سے ملاقات ہوگئی ہے، ان کو کل بلایا تھا، ان سے مکمل تعاون کریں گے۔
انہوں ںے کہا کہ مارٹر گولے اور ڈرون گرنے سے 21 ،21 لوگ شہید ہورہے ہیں، جن کے گھروں میں شہادتیں ہورہی ہیں وہی درد سمجھتے ہیں، فوج میری ہے جو کل چھ اہلکار شہید ہوئے ہیں ان کے جنازے پر گیا ہوں، انھیں کندھا دیا، کل میرے کندھے پر 80 ہزار شہدا کا بوجھ تھا، کے پی کے نے دہشت گردی کے خلاف 80 ہزار جانوں کا نذرانہ دیا ہے، فوج اور پولیس کے شہدا کی قربانیوں کی قدر کی جائے، پاکستان میں جو غلط پالیسی ہوگی اس کے خلاف ہوں۔
صحافی نے پوچھا کہ افغانستان سے مسلسل دہشت گردی ہورہی ہے، شہادتیں ہورہی ہیں پی ٹی آئی کی ہمدردیاں افغان باشندوں کے ساتھ کیوں ہیں؟ اس پر وزیراعلیٰ نے کہا کہ میری ہمدردی صرف اور صرف پاکستان کے ساتھ ہیں، اگر ایک پالیسی پاکستان میں بنتی ہے تو فیصلہ سازوں کو چاہیے کہ تمام اسٹیک ہولڈرز کو اعتماد میں لیں۔
صحافی نے پوچھا کہ آپ کو اعتماد میں لینے کے لیے بلوایا گیا این ایف سی ایوارڈ میں بھی بلوایا گیا آپ نہیں گئے؟ اس پر وزیراعلیٰ نے کہا کہ مجھے کسی نے نہیں بلوایا اور نہ این ایف سی ایوارڈ کے لیے بلوایا گیا، میرے سے پہلے والے سی ایم بھی این ایف سی ایوارڈ میں مدعو کرنے کے لیے کہتے رہے، اگست میں وعدہ کیا گیا تھا کہ این ایف سی ایوارڈ ہوگا، نومبر میں اگر این ایف سی کے حوالے سے میٹنگ ہوئی تو ضرور جاؤں گا اور اپنے صوبے کا حق مانگوں گا۔
بلٹ پروف گاڑیوں پر انہوں ںے کہا کہ پرانی اور کباڑ کی گاڑیاں نہیں چاہیئں، جو کے پی کے کا حق ہے وہ ڈنکے کی چوٹ پر لوں گا، کسی کی بھیک نہیں چاہیے۔
صحافی نے پوچھا کہ آپ کا راستہ روکنے کے لیے گورنر کی تبدیلی کی خبریں چل رہی ہیں اس پر وزیراعلیٰ نے کہا کہ جو بھی آئے مجھے کوئی فرق نہیں پڑتا، میں عوامی مینڈیٹ سے آیا ہوں اور عوامی مینڈیٹ سے ہی رہوں گا۔
خیبرپختونخوا سے اب تک کتنے افغان باشندوں کو واپس بھیجا گیا اس سوال پر سہیل آفریدی نے کہا کہ آٹھ لاکھ افغان باشندوں کو واپس بھیجا گیا ہے اور باقی کا انخلا بھی عزت اور وقار کے ساتھ جاری ہے۔
.
ذریعہ
ذریعہ: Express News
کلیدی لفظ: ایف سی ایوارڈ انہوں ںے کہا کہ نے کہا کہ صحافی نے کے لیے
پڑھیں:
حکومت نے نیشنل امیگریشن اینڈ ویلفیئر پالیسی 2026 کا اجرا کر دیا
وفاقی وزیر اوورسیز پاکستانیز چوہدری سالک حسین نے نیشنل امیگریشن اینڈ ویلفیئر پالیسی 2026 کا اجرا کر دیا۔تقریب سے خطاب کرتے ہوئے انہوں نے کہا کہ آج کا دن پاکستان میں لیبر مائیگریشن کے نظم و نسق کو مضبوط بنانے کی جانب ایک اہم سنگ میل ہے۔ یہ پالیسی ہر اس پاکستانی سے کیے گئے قومی عزم کی عکاس ہے جو بہتر مواقع کی تلاش میں اپنا گھر چھوڑتا ہے۔انہوں نے کہا کہ محفوظ اور منظم نقل مکانی، مہارتوں کی ترقی، کارکنوں کا تحفظ، تارکینِ وطن کی شمولیت اور وطن واپس آنے والوں کی بحالی اس پالیسی کے بنیادی ستون ہیں۔ تکنیکی جدت، آبادیاتی تبدیلیاں اور لیبر مارکیٹ کے بدلتے ہوئے تقاضے دنیا بھر کی معیشتوں کو نئی شکل دے رہے ہیں. اس لیے پاکستان کو اپنی افرادی قوت کو آج اور مستقبل دونوں کے مواقع کے لیے تیار کرنا ہوگا۔ ان کا کہنا تھا کہ نیشنل امیگریشن اینڈ ویلفیئر پالیسی 2026 اس سمت میں ایک اہم قدم اور پاکستان کی افرادی قوت کو مستقبل کے تقاضوں سے ہم آہنگ کرنے میں سنگ میل ثابت ہوگی۔چوہدری سالک حسین نے کہا کہ ایک کروڑ 20 لاکھ پاکستانی دنیا بھر میں مقیم ہیں اور اپنی پیشہ ورانہ مہارت، دیانت داری اور محنت کی بدولت پاکستان کے سفیر بن چکے ہیں۔ گزشتہ مالی سال میں سمندر پار پاکستانیوں نے 41 ارب امریکی ڈالر سے زائد کی ترسیلاتِ زر وطن بھیجیں، جو ملکی تاریخ کی بلند ترین رقم ہے۔ انہوں نے کہا کہ بیرون ملک مقیم پاکستانیوں کی کامیابی پاکستان کی کامیابی ہے اور ان کی فلاح و بہبود ہماری قومی ذمہ داری ہے۔انہوں نے کہا کہ یہ پالیسی اداروں، تجربات اور شراکت داریوں کو ایک مشترکہ وژن کے تحت یکجا کرتی ہے تاکہ ہر پاکستانی کارکن نقل مکانی کے پورے سفر کے دوران بہتر طور پر تیار، محفوظ اور معاونت یافتہ ہو۔ اس پالیسی کا محور ہر اس پاکستانی کا سفر ہے جو مواقع کی تلاش میں اپنا گھر چھوڑتا ہے، جبکہ ذمہ داری روانگی سے پہلے ہی شروع ہو جاتی ہے، جہاں نوجوان کارکنوں کو متعلقہ مہارتیں، قابلِ اعتماد معلومات اور اخلاقی بھرتی تک رسائی فراہم کی جائے گی۔وفاقی وزیر نے کہا کہ اس پالیسی کی کامیابی وفاقی اور صوبائی حکومتوں، نفاذ کرنے والے اداروں، آجروں، تربیتی اداروں، ترقیاتی شراکت داروں، نجی شعبے اور سمندر پار پاکستانیوں کے باہمی تعاون سے مشروط ہے۔ انہوں نے صوبائی حکومتوں، آئی سی ایم پی ڈی (ICMPD)، دیگر ترقیاتی شراکت داروں اور تمام اسٹیک ہولڈرز کا مشاورتی عمل میں تعاون پر شکریہ ادا کیا، جبکہ اسپیشل انویسٹمنٹ فیسیلیٹیشن کونسل (SIFC) کی مسلسل معاونت کو بھی سراہا۔انہوں نے کہا کہ ہجرت یا نقل مکانی غیر یقینی کا سفر نہیں بلکہ مواقع، وقار اور قومی ترقی کا راستہ ہونا چاہیے۔ آئیں مل کر ایسا مستقبل بنائیں جہاں ہر پاکستانی اعتماد کے ساتھ بیرون ملک جائے، فخر کے ساتھ وطن واپس آئے اور ہمیشہ ایک ایسی قوم سے جڑا رہے جو اس کی خدمات کی قدر اور عزت کرتی ہو۔ انہوں نے دعا کی کہ اللہ تعالیٰ اس وژن کو عوام کے لیے بامعنی ترقی، پاکستان کے لیے دیرپا خوشحالی اور ہر سمندر پار پاکستانی اور اس کے خاندان کے روشن مستقبل کا ذریعہ بنائے۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم