مریم نواز ’’کلائمیٹ چینج وارئیر، لیڈر قرار‘‘ پنجاب کو ماحولیاتی بہتری کی قابل تقلید مثال بنانا چاہتی ہوں: وزیراعلیٰ
اشاعت کی تاریخ: 13th, November 2025 GMT
لاہور (نیوز رپورٹر+نوائے وقت رپورٹ) وزیراعلیٰ مریم نواز سے ورلڈ بنک کی ماحولیاتی تبدیلی گروپ کی گلوبل ڈائریکٹر ویلیری ہیکی نے برازیل کے شہر بیلم میں کوپ30 کانفرنس میں ملاقات کی۔ ملاقات میں ماحولیاتی بہتری سے متعلق امور پر تبادلہ خیال کیا گیا۔ ویلیری ہیکی نے پنجاب میں مریم نواز کے ماحول دوست اقدامات اور جذبے کو سراہا۔ اس موقع پر گلوبل ڈائریکٹر ویلیری ہیکی نے وزیراعلیٰ مریم نواز کو ورلڈ بنک کی جانب سے ماحولیاتی شعبے میں بھرپور معاونت کی پیشکش کی۔ عالمی بینک نے پنجاب حکومت کو عالمی ماحولیاتی مارکیٹ میں شمولیت کی دعوت دی اور تعاون کی یقین دہانی بھی کرائی۔ وزیراعلیٰ مریم نواز شریف نے گلوبل ڈائریکٹر ویلیری ہیکی کو پنجاب کے دورے کی دعوت دی، جوکہ انہوں نے قبول کرلی۔ ویلیری ہیکی نے وزیراعلی مریم نواز کی تقریر کے نکات کو بھی سراہا۔ ورلڈ بنک کی ماحولیاتی تبدیلی گروپ کی گلوبل ڈائریکٹر ویلیری ہیکی نے وزیر اعلی کو ’’کلائمیٹ چینج وارئیر‘‘ اور ’’کلائمیٹ لیڈر‘‘ قرار دے دیا۔ ویلیری ہیکی نے وزیراعلیٰ مریم نوازکو ان کی تقریر کے تین اقتباس بھی سنائے۔ ویلیری ہیکی نے وزیراعلیٰ مریم نواز سے گفتگو کرتے ہوئے کہا کہ مریم نواز شریف جنوبی ایشیا سے ’’کلائمیٹ چینج وارئیر‘‘ بن کر ابھری ہیں۔ ستھرا پنجاب، اے کیو آئی، ٹرانسپورٹ، جنگلات، جنگلی حیات کے منصوبوں میں تعاون کے لئے تیار ہیں۔ ماحولیاتی بہتری کے منصوبے پنجاب کی عالمی سطح پر شناخت اور عزم کی علامت بن کر سامنے آئے ہیں۔ انہوں نے کہا کہ ایک خاتون وزیراعلی کے طورپر آپ ماحولیاتی شعبے میں عزم وہمت اور تخلیق کی مثال بنی ہیں جس پر خوشی ہے۔ آپ کا یہ جملہ مجھے بہت پسند آیاکہ ’’کوپ30 کو محض اظہار خیال کی مجلس کے بجائے پختہ عزم اور ارادے کے عہد کے طورپر یاد رکھا جانا چاہیے‘‘۔ آپ نے درست کہا کہ ’’گلوبل ساؤتھ احتجاج نہیں، بامقصد آواز بن کر سامنے آیا ہے‘‘۔ آپ کی اس بات سے پوری طرح متفق ہوں کہ ’’ماحول کی بہتری خیرات نہیں، انصاف ہے‘‘۔ پنجاب میں ماحولیاتی بہتری کے لئے آپ کے منصوبے متاثر کن ہیں۔ پنجاب حکومت کا کسی کا انتظار کئے بغیر ماحول کی بہتری کے ایجنڈے پر کام شروع کرنا لائق تحسین ہے۔ مریم نواز نے ویلیری ہیکی کے جذبات اور تحسین پر شکریہ ادا کیا۔ وزیراعلی نے کہا کہ پنجاب کو خطے ہی نہیں، پوری دنیا میں ماحولیاتی بہتری کی ایک قابل تقلید مثال بنانا چاہتی ہوں۔
.ذریعہ: Nawaiwaqt
کلیدی لفظ: ماحولیاتی بہتری مریم نواز کہا کہ
پڑھیں:
معصوم جانوں کو نشانہ بنانا قابل مذمت ہے ‘وزیراعلیٰ‘گورنر
data-id="863a0a8" data-element_type="widget" data-widget_type="theme-post-content.default">
کراچی(اسٹاف رپورٹر)وزیراعلیٰ سندھ سید مراد علی شاہ ‘گورنرسندھ کامران خان ٹیسوری ‘کستان مسلم لیگ (فنکشنل) سندھ کے جنرل سیکریٹری سردار عبدالرحیم‘ عت اھلسنّت کراچی کے امیر علامہ سید شاہ عبد الحق قادری،سید رفیق شاہ،علامہ سید عبد القادرشاہ شیرازی ‘شیعہ علماء کونسل پاکستان کے مرکزی سیکرٹری جنرل علامہ شبیر حسن میثمی نے اسلام آباد میں خودکش دھماکے کی شدید مذمت کرتے ہوئے کہا ہے کہ معصوم جانوں کو نشانہ بنانا قابلِ مذمت اور ناقابلِ معافی جرم ہے، وزیراعلیٰ سندھ نے دھماکے پر اظہار افسوس اور شہداء کے اہل خانہ سے دلی تعزیت، زخمیوں کی جلد صحتیابی کی دعاکی،کی وفاقی حکومت اور قانون نافذ کرنے والے اداروں سے مکمل اظہارِ یکجہتی کرتے ہوئے انہوں نے کہا کہ دہشت گرد پاکستان کے دشمن ہیں، ان کا کوئی مذہب نہیں،دشمن پاکستان کے امن کو سبوتاژ کرنا چاہتا ہے، ہم متحد ہوکر جواب دیں گے، پاکستانی قوم بہادر، غیور اور متحد ہے، دشمن کے عزائم خاک میں ملائیں گے، وزیراعلیٰ سندھ نے کہا کہ شہداء کا خون رائیگاں نہیں جائے گا، دہشت گردوں کو انجام تک پہنچایا جائے گا۔ گورنر سندھ نے کہا کہ فتنہ الہندوستان کے یہ خوارج انسان کہلانے کے بھی مستحق نہیں، معصوم شہریوں پر حملہ کسی صورت قبول نہیں کریں گے، بھارتی اسپانسر خوارج کو ان کے منطقی انجام تک پہنچا کر دم لیں گے۔ سردار عبدالرحیم نے کہا کہ حملہ کرنے والے کسی مذہب یا انسانیت سے تعلق نہیں رکھتے، ایسے عناصر صرف ملک کے دشمن لیکن وہ قوم کے حوصلے پست نہیں کر سکتے۔
27 ویں ترمیم کے مسودے کی منظوری سے متعلق ہونے والا وفاقی کابینہ کا اجلاس ملتوی