مینوئل اسلحہ لائسنس کی کمپیوٹرائزیشن بارےپنجاب حکومت کا فیصلہ
اشاعت کی تاریخ: 13th, November 2025 GMT
سٹی42: پنجاب حکومت نے مینوئل اسلحہ لائسنس کی کمپیوٹرائزیشن سے متعلق نیا فیصلہ جاری کر دیا ہے۔ محکمہ داخلہ پنجاب نے پرانے مینوئل اسلحہ لائسنس کی توثیق اور کمپیوٹرائزیشن کا عمل فی الحال روک دیا ہے، جبکہ لائسنس رکھنے والے شہریوں اور اداروں کو کمپیوٹرائزیشن کے لیے آخری موقع فراہم کیا گیا ہے۔
ذرائع کے مطابق انفرادی، ادارہ جاتی اور سیکیورٹی کمپنیوں کے اسلحہ لائسنسز کی ری ویلیڈیشن اور کمپیوٹرائزیشن کا عمل عارضی طور پر بند کر دیا گیا ہے۔ محکمہ داخلہ نے لائسنس کے حوالے سے نیا حکم نامہ جاری کرتے ہوئے تمام سابقہ احکامات کالعدم قرار دے دیے ہیں۔
سپریم کورٹ کی خاتون جج کی طبیعت اچانک ناساز ہوگئی
محکمہ داخلہ نے مارچ تا نومبر 2025 کے دوران کمپیوٹرائز کیے گئے لائسنسوں کی تفصیلی رپورٹ طلب کر لی ہے۔ اس سلسلے میں ڈویژنل کمشنرز، ڈپٹی کمشنرز اور ایڈیشنل سیکرٹری جوڈیشل سے رپورٹیں مانگی گئی ہیں۔
مزید برآں، غیر قانونی اسلحہ جمع کرانے اور ڈی ویپنائزیشن مہم کے حوالے سے بھی تفصیلی رپورٹیں طلب کی گئی ہیں، جنہیں 13 نومبر کی شام تک جمع کرانے کی ہدایت کی گئی ہے۔
یاد رہے کہ محکمہ داخلہ نے 2016 میں مینوئل اسلحہ لائسنسوں کی کمپیوٹرائزیشن کا عمل شروع کیا تھا، جس کی آخری تاریخ 31 دسمبر 2020 مقرر کی گئی تھی۔ مقررہ تاریخ تک کمپیوٹرائز نہ کیے جانے والے مینوئل اسلحہ لائسنس منسوخ کر دیے گئے تھے۔
دنیاکامہنگاترین ویزہ کس ملک کاہے؟اہم خبرآگئی
محکمہ داخلہ نے تمام ڈویژنل کمشنرز اور ڈپٹی کمشنرز کے نام نیا مراسلہ جاری کرتے ہوئے ہدایت کی ہے کہ وہ کمپیوٹرائزیشن، غیر قانونی اسلحہ اور ڈی ویپنائزیشن کے حوالے سے مفصل اور تازہ رپورٹیں جمع کروائیں۔
.
ذریعہ
ذریعہ: City 42
کلیدی لفظ: سٹی42 مینوئل اسلحہ لائسنس محکمہ داخلہ نے
پڑھیں:
امریکی محکمہ خزانہ نے ایران پر نئی پابندیاں عائد کر دیں
امریکی محکمہ خزانہ کے مطابق ان کمپنیوں سے لین دین کرنے والے غیر ملکی مالیاتی ادارے اور افراد بھی پابندیوں کی زد میں آسکتے ہیں۔ اسلام ٹائمز۔ امریکی محکمہ خزانہ نے ایران سے متعلق نئی پابندیاں عائد کر دی ہیں، چار ایرانی شہریوں اور چار کرپٹو ایکسچینجز پر پابندیاں عائد کی گئی ہیں۔ امریکی محکمہ خزانہ کے مطابق ان کمپنیوں سے لین دین کرنے والے غیر ملکی مالیاتی ادارے اور افراد بھی پابندیوں کی زد میں آسکتے ہیں۔ دوسری طرف ایرانی خبر ایجنسی نے کہا ہے کہ ایران نے امریکا کے مجوزہ حتمی منصوبے پر اب تک کوئی جواب نہیں بھیجا ہے۔
مہر نیوز کی ذرائع کے حوالے سے رپورٹ میں کہا گیا ہے کہ امریکی مجوزہ منصوبے پر ایران میں بات چیت جاری ہے، امریکی تجویز کا جائزہ لیا جا رہا ہے۔ ایرانی رپورٹ میں کہا گیا ہے کہ ماضی کے تجربات کی بنیاد پر، ایران ٹھوس اور حقیقی فوائد حاصل کرنے کا خواہاں ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ