غزہ میں صیہونی وحشیانہ حملے جاری، 24 فلسطینی شہید، خواتین اور بچے بھی متاثر
اشاعت کی تاریخ: 23rd, November 2025 GMT
غزہ میں قابض صیہونی فورسز کی وحشیانہ کارروائیاں جاری ہیں اور جنگ بندی معاہدے کی مسلسل خلاف ورزیاں سامنے آئی ہیں۔
غزہ سٹی، دیرالبلاح، رفاہ اور نصیرات میں فضائی حملوں کے نتیجے میں 24 فلسطینی شہید اور بیسیوں زخمی ہو گئے، جن میں خواتین اور بچے بھی شامل ہیں۔
اسپتال، اسکول اور پناہ گاہیں بھی مسلسل حملوں کی زد میں ہیں، جبکہ شدید غذائی بحران کے باعث شہریوں کی زندگی مزید مشکلات کا شکار ہے۔
اسرائیل کی مغربی کنارے میں بھی پرتشدد کارروائیاں جاری ہیں، جس سے خطے میں انسانی بحران اور کشیدگی میں اضافہ ہو رہا ہے۔
ذریعہ: Express News
پڑھیں:
اسرائیلی فوج کے چھاپوں کی نئی کارروائیاں ( 65 فلسطینی گرفتار)
بچہ اور دو خواتین شامل ، داخلی و خارجی راستے بند کر کے شہریوں کی نقل و حرکت روک دی
نابلس میں اسرائیلی فوج کے تازہ دھاوے کے دوران 4 فلسطینی زخمی ہوئے،ہلال احمر
اسرائیلی فوج نے مغربی کنارے کے مختلف علاقوں بالخصوص نابلس شہر میں حملوں اور چھاپوں کی کارروائیوں میں اضافہ کر دیا ہے۔فلسطینی ہلالِ احمر کے مطابق نابلس میں اسرائیلی فوج کے تازہ دھاوے کے دوران 4 فلسطینی زخمی ہوئے، جن میں ایک بچہ بھی شامل ہے۔اسی دوران اسرائیلی فورسز نے الخلیل شہر کے جنوبی علاقے میں چھاپوں کے دوران 56 فلسطینیوں کو گرفتار کیا، جن میں دو خواتین بھی شامل ہیں۔سیکیورٹی ذرائع کے مطابق اسرائیلی فوج نے واد الہریہ اور خربہ قلقس کے علاقوں میں دھاوا بول کر 12 فلسطینیوں کو گرفتار کیا۔مزید بتایا گیا کہ دیر سامت اور البرج کے قصبوں میں گھروں پر چھاپے مار کر 4 دیگر شہریوں کو بھی حراست میں لیا گیا، اور گھروں کی تلاشی کے دوران توڑ پھوڑ بھی کی گئی۔ذرائع نے بتایا کہ اسرائیلی فورسز نے بیت مر (شمالی الخلیل)میں مسلسل دوسرے روز بڑے پیمانے پر چھاپے مارے، جن کی لپیٹ میں تقریبا پورے قصبے کے گھر آ گئے۔کئی گھروں کو فوجی چوکیوں میں تبدیل کر دیا گیا، جبکہ قصبے کو مکمل طور پر محاصرے میں لے کر بند فوجی علاقہ قرار دے دیا گیا۔فوج نے تمام داخلی و خارجی راستے بند کر کے شہریوں کی نقل و حرکت روک دی۔مزید بتایا گیا کہ 40 سے زیادہ فلسطینیوں کو گرفتار یا حراست میں لیا گیا، جن میں دو خواتین بھی شامل تھیں۔
’ورک فرام ہوم‘ کو چھٹی کے مترادف قرار دینے پر ملازم نے استعفیٰ دیدیا