پشاور میں ایف سی ہیڈکوارٹر صدر کے باہر دھماکا، آپریشن جاری
اشاعت کی تاریخ: 24th, November 2025 GMT
data-id="863a0a8" data-element_type="widget" data-widget_type="theme-post-content.default">
پشاور کے مرکزی اور حساس علاقے میں آج علی الصبح دھماکا ہوا، جس کے بعد علاقے میں آپریشن جاری ہے۔
میڈیا ذرائع کے مطابق ایف سی ہیڈکوارٹر صدر کے باہر زور دار دھماکے کی آواز سنی گئی، جس کے فوراً بعد علاقے میں فائرنگ کی اطلاعات بھی سامنے آئیں۔ دھماکے کی آواز پورے صدر بازار اور ملحقہ علاقوں تک سنی گئی، جس کے باعث علاقے میں خوف و ہراس پھیل گیا۔
واقعے کے فوراً بعد قانون نافذ کرنے والے ادارے فوری طور پر حرکت میں آگئے۔ اطلاع ملتے ہی پولیس، ایلیٹ فورس اور آر آر ایف کی ٹیمیں موقع پر پہنچ گئیں اور پورے علاقے کو گھیرے میں لے کر سرچ آپریشن کا آغاز کردیا۔
دھماکے کے مقام کے اطراف کینٹ روڈ سمیت تمام اہم راستے عوام اور ٹریفک کے لیے مکمل طور پر بند کر دیے گئے ہیں۔ ریسکیو اداروں نے بھی ہنگامی طور پر کارروائی شروع کر دی، متعدد ایمبولینسیں جائے وقوع کی جانب روانہ کی گئیں اور زخمیوں کے اسپتال منتقل کیے جانے کی تیاری مکمل کر لی گئی۔
ابتدائی طور پر دھماکے کی نوعیت، ممکنہ ہلاکتوں یا زخمیوں کے حوالے سے باضابطہ معلومات جاری نہیں کی گئیں۔ علاقے میں موجود لوگوں کے مطابق دھماکے کے فوراً بعد وقفے وقفے سے فائرنگ کی آوازیں بھی سنی جاتی رہیں۔
سی سی پی او پشاور میاں سعید نے میڈیا کو بتایا کہ دھماکے کے بعد بھاری نفری موقع پر پہنچ چکی ہے اور پولیس نے آپریشن شروع کر دیا ہے۔ انہوں نے تصدیق کی کہ مسلح افراد کی موجودگی کے باعث فائرنگ کا تبادلہ جاری ہے اور صورتحال مکمل طور پر کلیئر کرنے تک آپریشن جاری رہے گا۔
سی سی پی او کے مطابق وہ خود اس کارروائی کی نگرانی کر رہے ہیں تاکہ فورسز کی پیش قدمی مربوط طریقے سے جاری رہے اور کسی بھی ممکنہ خطرے کا فوری جواب دیا جا سکے۔ انہوں نے مزید کہا کہ حملے کی نوعیت جانچنے اور حملہ آوروں کے عزائم سمجھنے کے لیے بم ڈسپوزل یونٹ کو بھی طلب کر لیا گیا ہے۔
.ذریعہ: Jasarat News
کلیدی لفظ: علاقے میں
پڑھیں:
باہر نکلیں، ووٹ دیں اور آواز اٹھائیں، بلاول کی اپیل
data-id="863a0a8" data-element_type="widget" data-widget_type="theme-post-content.default">
اسلام آباد(آن لائن)پی پی پی چیئرمین بلاول زرداری نے ضمنی انتخابات کے موقع پر عوام کو پیغام جاری کیا ہے جس میں چیئرمین بلاول زرداری نے سوشل میڈیا پلیٹ فارم ایکس پر پوسٹ کے ذریعے عوام کو اپنا حق رائے دہی استعمال کرنے کے لیے گھروں سے نکلنے کی اپیل کی ہے۔اپنے پیغام میں بلاول زرداری ے کہا کہ آج جنوبی پنجاب میں 2 ضمنی انتخابات ہو رہے ہیں۔ پی پی 269 مظفر گڑھ سے ہمارے امیدوار میاں علمدار قریشی ہیں۔این اے 185 ڈی جی خان سے دوست محمد کھوسہ پیپلز پارٹی کے امیدوار ہیں۔ شدید مشکلات کے باوجود متاثر کن مہم چلانے پر ان دونوں امیدواروں کو خراج تحسین پیش کرتا ہوں۔بلاول زرداری نے کہا کہ مظفر گڑھ اور ڈیرہ غازی خان کے لوگوں سے اپیل کرتا ہوں کہ باہر نکلیں، ووٹ دیں اور آواز اٹھائیں۔بلاول نے ہدایت کی کہ پارٹی کارکنان یہ یاد رکھیں کہ فارم 45 لیے بغیر پولنگ اسٹیشن نہیں چھوڑنا۔انشاء اللہ وسیب کا نشان تیر، جیت کا نشان تیر۔
پنجاب: دفعہ 144 میں مزید 7 روز کی توسیع، احتجاجی سرگرمیوں پر پابندی برقرار