افغانستان،بارودی موادپھٹنے سے 3 بچے جاں بحق
اشاعت کی تاریخ: 3rd, December 2025 GMT
data-id="863a0a8" data-element_type="widget" data-widget_type="theme-post-content.default">
کابل (صباح نیوز)افغانستان کے صوبہ اُروزگان میں بارودی مواد پھٹنے سے 3 بچے جاں بحق ہو گئے۔ غیرملکی خبررساں ادارے کے مطابق صوبائی پولیس کے ترجمان بلال اُروزگانی نے تصدیق کرتے ہوئے بتایا کہ یہ واقعہ ضلع چارچینو کے علاقے شیرخانی میں اس وقت پیش آیا جب 13 سے 18 سال کے درمیان کی عمر کے3 بچے بارودی مواد سے کھیل رہے تھے کہ اس دوران اچانک دھماکا ہوگیا۔ افغانستان میں گزشتہ 10 دنوں کے دوران اس نوعیت کا یہ تیسرا واقعہ ہے۔ اس سے قبل پرانی جنگوں میں پھٹنے سے رہ جانے والے دھماکہ خیز مواد کے پھٹنے سے قندھار اور شمالی بلخ صوبوں میں ہونے والے الگ الگ واقعات میں بچوں سمیت4افراد جاں بحق اور 9 زخمی ہوگئے تھے۔
ذریعہ: Jasarat News
پڑھیں:
راولپنڈی کے علاقے ثمر زار میں پٹرول پمپ کا مالک فائرنگ سے قتل
data-id="863a0a8" data-element_type="widget" data-widget_type="theme-post-content.default">
راولپنڈی: تھانہ صدر بیرونی کی حدود میں ثمر زار کے مقام پر نامعلوم موٹرسائیکل سوار ملزمان نے فائرنگ کرکے مقامی پیٹرول پمپ کے مالک سردار ارشاد کو قتل کر دیا۔
واقعے کی سی سی ٹی وی فوٹیج بھی پولیس کو موصول ہو گئی ہے، جس میں حملہ آوروں کی آمد اور فائرنگ کے لمحات واضح طور پر دیکھے جا سکتے ہیں۔
پولیس کے مطابق واقعہ اس وقت پیش آیا جب سردار ارشاد اپنی بیٹیوں کو اسکول سے لے کر گھر کے قریب پہنچے تھے۔ اسی دوران موٹرسائیکل پر سوار دو ملزمان نے انہیں ٹارگٹ کرتے ہوئے اندھا دھند فائرنگ کی، جس کے نتیجے میں وہ موقع پر ہی جاں بحق ہوگئے جبکہ حملہ آور فرار ہونے میں کامیاب ہوگئے۔
آر پی او اور دیگر حکام نے واقعے کا نوٹس لیتے ہوئے متعلقہ اداروں سے رپورٹ طلب کرلی ہے۔ ترجمان پولیس کے مطابق ایس پی صدر انعم شیر نے اسپتال پہنچ کر لواحقین سے ملاقات کی اور قاتلوں کی جلد گرفتاری کی یقین دہانی کروائی۔
پولیس کا کہنا ہے کہ بظاہر واقعہ دشمنی کا شاخسانہ معلوم ہوتا ہے۔ جائے وقوعہ سے شواہد جمع کر لیے گئے ہیں جبکہ سی سی ٹی وی فوٹیج کی مدد سے ملزمان کی تلاش تیز کر دی گئی ہے
اے پی پی کے 10 ملازمین و افسروں عدالت سے بری