مضبوط معیشت ہی سے ٹیکس آمدن میں اضافہ ہوگا،وزیراعظم
اشاعت کی تاریخ: 3rd, December 2025 GMT
معاشی ترقی کیلئے عملی اقدامات اُٹھا رہے ہیںکاروباری شخصیات اور سرمایہ کار قابل احترام ہیں
مختلف ورکنگ گروپس کی تجاویز پر عملدرآمد یقینی بنایا جائے گا،شہباز شریف کا اجلاس سے خطاب
وزیراعظم شہباز شریف نے کہا ہے کہ برآمدات میں اضافے پر مبنی ملکی معاشی ترقی کیلئے عملی اقدامات اُٹھا رہے ہیں، کاروباری شخصیات اور سرمایہ کار قابل احترام ہیں، مختلف ورکنگ گروپس کی تجاویز پر عملدرآمد یقینی بنایا جائے گا۔ وزیرِ اعظم شہباز شریف کی زیر صدارت معاشی اور ٹیکس شعبے میں اصلاحات کیلئے نجی شعبے کے ماہرین پر مبنی ورکنگ گروپس کے اجلاس سے خطاب کرتے ہوئے انھوں نے کہا کہ حکومت ٹیکس دینے والے کاروباری حضرات اور کمپنیوں کو قدر کی نگاہ سے دیکھتی ہے۔ انھوں نے کہا کہ کاروبار اور مضبوط معیشت ہی سے ٹیکس آمدن میں اضافہ ہوگا،طویل مدتی اقدامات کے ذریعے ملک میں کاروبار کو بہتر اور مسابقتی بنانا چاہتے ہیں۔ شہبا زشریف نے کہا کہ حکومت روز اول سے برآمدات میں اضافے پر مبنی معاشی ترقی کیلئے عملی اقدامات اُٹھارہی ہے،نجی شعبے کے ماہرین کی جانب سے جامع تجاویز پیش کی گئیں، جن پر مشکور ہوں۔ وزیراعظیم نے کہا کہ ان تجاویز پر غور و خوض کے بعد انہیں قابل عمل بنانے کیلئے وزیر خزانہ کی صدارت میں کمیٹی قائم کر رہا ہوں،کمیٹی عملی اقدامات پر مبنی لائحہ عمل پیش کرے گی۔ وزیرِ اعظم محمد شہباز شریف کی زیر صدارت نجی شعبے کے ماہرین و کاروباری شخصیات پر مبنی ٹیکس شعبے کی اصلاحات کیلئے قائم ورکنگ گروپ کا اجلاس آج اسلام آباد میں منعقد ہوا۔ اجلاس میں شریک کاروباری شخصیات و سرمایہ کاروں نے گزشتہ اجلاس میں ایکسپورٹ ڈیولپمنٹ سرچارج ختم کرنے کے احکامات پر وزیر اعظم کا شکریہ ادا کیا۔ اجلاس میں وفاقی وزراء احد خان چیمہ، محمد اورنگزیب، علی پرویز ملک، وزیر مملکت بلال اظہر کیانی، معاون خصوصی ہارون اختر اور متعلقہ اعلی حکام نے شرکت کی، اجلاس میں ورکنگ گروپ کے چیٔرمین شہزاد سلیم سمیت دیگر ممبران نے بھی شریک ہوئے۔ اجلاس کو کارپوریٹ شعبے سمیت مختلف شعبوں میں ٹیکسز کی شرح اور تقابلی جائزہ پیش کیا گیا، اجلاس کو پاکستان میں نجی شعبے کی ترقی، برآمدات اور سرمایہ کاری میں اضافے کیلئے ضروری ٹیکس اصلاحات پر تجاویز پیش کی گئیں۔ اجلاس کو خطے میں پاکستانی کاروباری شعبے کی مسابقت بڑھانے کے حوالے سے بھی تجاویز پیش کی گئیں۔
.ذریعہ: Juraat
کلیدی لفظ: کاروباری شخصیات عملی اقدامات شہباز شریف اجلاس میں نے کہا کہ پیش کی
پڑھیں:
ملکی معیشت درست سمت گامزن ہے،وزیرخزانہ
اسلام آباد(نیوز ڈیسک) وزیر خزانہ محمد اورنگزیب نے ملکی معاشی صورتحال اور صنعتی سرگرمیوں میں بہتری پر تفصیلی بریفنگ دیتے ہوئے کہا ہے کہ موجودہ مقامی معاشی سرگرمیوں میں نمایاں اضافہ دیکھنے میں آرہا ہے جو معاشی استحکام اور پائیدار ترقی کی جانب مثبت اشارہ ہے۔
وزیر خزانہ نے بتایا کہ ملکی معیشت درست سمت گامزن ہے گزشتہ چار ماہ کے دوران مختلف معاشی شعبوں میں قابل ذکر بہتری ریکارڈ کی گئی ہے۔ ان کے مطابق پٹرولیم مصنوعات کی کھپت میں 9 فیصد اضافہ ہوا، آٹو سیکٹر میں 4 فیصد بہتری آئی، جبکہ موبائل فونز کی پروڈکشن اور سیلز میں 26 فیصد اضافہ ریکارڈ کیا گیا۔
انہوں نے کہا کہ ان اعداد و شمار کا مجموعی اثر لارج اسکیل مینوفیکچرنگ پر پڑا ہے، جو سالِ رواں کی پہلی سہ ماہی میں 4.1 فیصد تک بڑھ چکی ہے، جبکہ ستمبر میں یہی شرح 2 فیصد تھی۔ وزیر خزانہ کے مطابق ماہانہ اور سالانہ بنیادوں پر صنعتی شعبے میں اضافہ اس بات کا ثبوت ہے کہ ملکی معیشت صحیح سمت میں آگے بڑھ رہی ہے۔
ان کا کہنا تھا کہ ’’یہ تمام اشارے بہت مثبت ہیں اور ہمیں بتاتے ہیں کہ ملکی معاشی بحالی کا عمل مضبوط ہو رہا ہے۔ اب ہماری بنیادی توجہ اس بات پر ہے کہ اس ترقی کو کیسے برقرار رکھا جائے اور اسے پائیدار بنایا جائے۔‘‘
انہوں نے کہا کہ گولڈ رش کی دوڑ میں جانے کے بجائے حکومت کا ہدف معیشت کو مستحکم بنیادوں پر کھڑا کرنا ہے، اور اسی حکمت عملی کے تحت بڑے منصوبوں پر کام تیزی سے آگے بڑھایا جا رہا ہے۔ وزیر خزانہ نے بتایا کہ یو ایس Aegis منصوبہ دوبارہ فعال ہو چکا ہے اور اس کا فنانشل کلوز بھی مکمل ہو گیا ہے، جس سے توانائی کے شعبے میں اہم پیش رفت ہوگی۔
ان کے مطابق یہ ’’گیم چینجر‘‘ منصوبہ ہے جس کے ذریعے پہلے سال میں 2.9 بلین ڈالر کی پروڈکشن متوقع ہے۔
وزیر خزانہ نے ترسیلات زر کا ذکر کرتے ہوئے بتایا کہ گزشتہ سال 38 ملین ڈالر موصول ہوئے، جبکہ رواں سال اس میں مزید نمایاں بہتری کی امید ہے۔ ان کا کہنا تھا کہ اس شعبے میں کم از کم 3 بلین ڈالر کا اضافی فرق کرنٹ اکاؤنٹ میں بہتری کا سبب بنے گا۔
وزیر خزانہ نے کہا کہ درآمدات پر بھی باریک بینی سے نظر رکھی ہوئی ہے۔ ’’اگر ٹیرف ریجیم کے باعث خام مال اور انٹرمیڈیٹ گڈز کی درآمدات میں اضافہ ہوتا ہے تو یہ معیشت کے لیے خوش آئند ہے کیونکہ اس سے صنعتی سرگرمیوں میں اضافہ ہوتا ہے۔‘‘
انہوں نے کہا کہ حکومت نے غیر ضروری پروٹیکشن ختم کرنے کا فیصلہ کیا ہے تاکہ ملکی صنعتیں عالمی مسابقت کے مطابق خود کو مستحکم کر سکیں۔
تحریک انصاف دہشتگردوں سے مذاکرات پر زور دیتی ہے، ان سے ایک ضلع ہی واپس لے کر دکھادے، خرم دستگیر خان